ارجو اني الاقي عندكم طريقة لازالة هذه الحالة عن طريقي..انا متزوجة من سنة وشوية وحياتي تمام والحب سائد في حياتنا ولكن حياتي يغلب عليها المجاملة والخجل الى حد كبير ليس من ناحية العلاقة الخاصة بل من ناحية الحياة اليومية....احس بالملل لأني انا وزوجي نخاف نوجه اي نقد لبعض واحس اني افكر بالكلمة مية مرة قبل ما اقولها ..عمره ما صار بيننا مشاكل صحيح مرتاحة بس ماني حاسة انها حياة طبيعية 100% وانا والله ما ودي يصير بيني وبينه اي مشاكل لأن البعض قد يفهم من الكلام اني ما عندي سالفة وقاعدة ادور على المشاكل ..لكن والله اني ابغى اخلي حياتي من افضل ما يكون..و الخلافات البسيطة احس انها تعطي طعم للحياة الزوجية يعني يتزاعلون ويتصالحون ويفهمون بعض في الازمات مو حياة رتيبة .....واحس انه تنقصنا الصراحة الكافية فيما بيننا خاصة اذا كا ن يتعلق بعيب ما في احدنا..انا ابغى امتزج معه قلبا وقالبا ..ابغاه اجرأ ما يكون معي في الحوار ..بالامس كان راجع من العمل متأخر قلت له روح نام وارتاح وهو يقول لا بجلس معاك انا مرتاح فحسيت انه يجاملني فقلت له اذا كان عشاني انا عادي بطالع التلفزيون المهم اننا طولنا في النقاش حرصا مني على اقناعه ان ياخذ قسط من الراحة ..قال لي بالحرف ما تحسين اننا مثاليين زيادة عن اللزوم ؟؟حسيت بشئ غريب في داخلي لأني كنت احس كذا من زمان بس كنت اقول انها مجرد اوهام وما دام انا سعيدة خلاص بس لما قالها حسيت انه بدا يشعر بنفس الشئ وخفت ان تصاب حياتنا بالملل والرتابة بعد فترة لأن كل شئ ما شئ عالساعه..وما في رياح تحرك هذا الركود...عطوني رأيكم لو سمحتو ..