انا باقولكم قصتي باختصار واتمنى انكم توسعون صدركم معايا شويا

انا بنت زي اي بنت تخرجت وتوظفت ( بس للاسف في ديرة بعيده عن اهلي ) ايامها كنت مخطوبه ( مر على خطبتي كذا سنه )وانا اسبوعيا اسافر بين ديرة اهلي والديرة اللي اتوظفت فيها

وبعد ما رحت ذيك الديره بسنه اراد الله انو يتم الزواج وفعلا تم والحمد لله

بس قبل الزواج قلت كلمه للحين ترن براسي عارفين وش قلت ؟؟؟؟؟؟


قلت عسى اول سنه ما يصير حمل ووالله وربي عالم بحالي اني ما قلتها بطره او شي بالعكس انا اموت بالاطفال بس رحمه بحالي اني لوحدي هناك ومحد معايا واسبويا اسافر
قلت عسى يتاخر الحمل وعسى انقل

والحين مرت سنتين من تزوجت وانا زي ما انا لا نقلت ولا حملت

طبعا رحنا انا وزوجي بعد سنه من زواجناوحللنا وطلع كل شي سليم الحمد لله وسكتنا فتره وراجعنا دكتور ثاني ثلاث اشهر قالنا لا عاد تجون انتو ما فيكم شي كله بيد الله ( ونعم بالله )

الحين عارفين ايش سويت ؟؟؟؟؟؟

قلت لزوجي اتركني وتزوج عشان ربي يرزقك بالذريه يمكن ربي مو رايد انو يجيك عيال مني ........ زعل وقوم الدنيا وما جلسها قالي انا استنيتك سنين عشان في النهايه تقولين
اتركني ؟؟؟؟؟؟

والله وربي عالم اني احبه حب ماله حدود لو يدري انو الهوا اللي اتنفسه بس انا اموت الف مرة لمن اشوف نظرة الشوق في عيونه لمن يشوف اي طفل

صحيح هو عمره ما تكلم بس انا احس وماني قادره اتحمل

هل هو عقاب من ربي لاني تمنيت انو ما يحصل حمل ؟؟؟؟؟؟

هل انا صح في اللي سويته مع زوجي والا لا ؟؟؟؟؟؟؟

اختكم ,,,,,,,, شوووووق

غاليتي الوفاء الخالد

يعطيك العافيه على كلامك اللي نزل على قلبي كالماء البارد

انا ادري انو كل شي بيد رب العالمين ومالنا اي اعتراض على مشيئه الله سبحانه وتعالى

لكن اللي فيني اني احزن على زوجي انا ما عليا باتحمل قيدني متحمله اللي اكبر من كذا

وسبحان الله يمكن خيره من ربي

بس يا عيوني والله لا تلوميني من كثر ما الاقي من ضغوط نفسيه وبُعدي عن اهلي وزوجي

يخليني افكر واهوجس كثير

يمكن لو انا بين اهلي وعند زوجي انشغلت وما فكرت بس الوحده والغربه وربي صعبه

تخلي الواحد يفكر كثير وعقله يودي ويجيب

والامر والحيله بيد رب العالمين

الله يفرج همي وهم كل مكروب اللهم امين

اختك ,,,,,, شووووق

اخي وجه الخير

يسلملك الغالي على مرورك ويعطيك العافيه

وشكرا على ردودك ووالله اعطيتني اكثر من حقي وجبرت بخاطري الله يجبر بخاطرك

تحياتي لك ,,,,,,, شوووق

اخي الفاضل احمد

مشكورة على نصائحك الغاليه

لكن مشكلتي اني حساسه احمل نفسي فوق طاقتها

واذا على الحب بيني وبين زوجي الحمد لله وفعلا قلت وصدقت الحب متغلب على اشياء كثير

تمر علينا

وزوجي الحمدلله هو انسان صبور بكل معاني الصبر وكل ما حصل شي ما اسمع الا رد واحد

منه >>>>>>> انتي بنت عمي وامانه عندي مستحيل افرط فيك انشالله

واذا على الدعاء لا توصي حريص مالي غيره سبحانه اشكيه

والحمد لله تعالي على كل شي

اختك ,,,,,,,شوووق