مشكلتي مع زوجي
بسم الله الرحمن الرحيم
لقد ترددت كثير قبل كتابة المشكله لكم ولا كن لايوجد لدي من افرغ له مافي قلبي غيركم فأنتم مثل اخوة واخوات لي
انا متزوجه منذ 5سنوات تقريبا ولدي ولدين والحمد لله وهم اغلى شي لدي ولاكن مشكلتي مع زوجي صحيح انه انسان ملتزم ومثقف ويحب بيته ولاكن عمله ودراسته بحسن انهم عنده اهم مني ومن ولادي يعني بطلع من الصبح وبيجي ساعه وقت الغذاء بيتغدى وينام وبيرجع مره ثانيه للعمل لين الساعه8 او9 وبعدين بيرجع وبيجلس على الكمبيوتر لين وقت النوم وهيك كل يوم يعني انا مليت من البيت ومن اعدت في البيت ولا كن لاحياة لمن تنادي كرهت كل شي حتى المعاشره الزوجيه كرهتها صار الموت اهون عندي منها حاسه انه نفسيتي تعبانه كثير كثير وأوقات بحاول اني مابيله بس مابقدر بحس اني من جوه رح انفجر وحكيت معه كثير ولاكن تيتي تيتي مثل مارحت مثل ماجيت يعني كلام الليل يمحوه النهار
هل ياترى كل الرجال هيك يعني كل عمري 20 سنه لسه ماشفت شي من الدنيا انحبست هيك بشتهي اطلع انا وولادي ولو مره بالاسبوع
يعني انا ماني ضد عمله او دراسته طبعا بحب انو يكون زوجي احسن الناس وانو يوصل للي يريده بس مو على حسابي انا وولادي يعني بحس انو كان لازم يتجوز الكيس او الشاشه ويخلف الكيبورد والماوس
ممكن تكون مشكلتي بنظركم مشكله بسيطه بس بالنسبه الي كبيره لاني بدأت حسن ان رح تهدد حياتي الزوجيه يلي كل الناس بتحسدني عليها القريب والبعيد
شو رأيكم شو الطريقه يلي بدي اتبعها معه
لاتبخلو علي بخبرتكم وخصوصا الرجال قبل ماانفجر
11-03-2005, 03:03 AM
ضوابط المشاركة
العرض الشجري