السلام عليكم ورحمة الله وبركاته

انا عمري 17 وتوي بثالث ثانوي.. خلصنا الحين الامتحانات..اولا كانو يجون خطاب وكنت ارفضهم وبعضهم مايجون علشان اختي الاكبر مني من ابو ثاني (مــات)

اوكي .. وبعد ماتزوجت اختي جاء خاطب يصير لنا بس من بعيد .. وطلبني بأسمي وامه والكل رشحوني .. وماحبيت اخيب ظنهم وازعلهم .. !!

وهو اكبر مني وعمره 27 سنه

ويشتغل عسكري راتبه الفين بس

المهم .. وصارت اشاعات اننا ملكنا .. وحنا تونا بنملك ثاني يوم عيد
في ناس يهددونه يبغوني ..ويحبوني ويمدحوني ..
وفي ناس يبونه..

وصديقتي يصير خالها.. واقترحت انه بعد الملكه تعودني شوي شوي عليه

يعني تسمعني صوته تخليني اسولف معه شوي شوي علشان مااخاف يوم العرس

وانا قلت اولا بالماسنجر لانه صعبه شويه

انتوا وش تقترحون؟

وهي اقترحت تدخله علي يوم العرس وتجلس معنا تنكت وتسولف .. علشان اتعود

انتوا وش رايكم وش اسوي؟

اخواتي واخواني ارجوكم افيدوني
مع العلم ان بعض ابناء خالاتي وخوالي تكلموا امام شباب انهم سيتزوجوني
وعندما شاعت الاشاعة ثار غضبهم وذهبوا يتأكدون من الخبر..

وخاطبي ..يصبح عماً لأحد أبناء خالتي وخاطبي ..لايريد التنازل عني..

فقط اجيبوني هل احادثه بعد عقد القران ام لا؟!
وكيف احادثه؟!

وشكرااااا

اولا حبيبتي عمرك صغير مره على الزواج !! انصحك ماتستعجلين
ثانيا كيف تقدرين تعيشين مع واحد راتبه بس الفين؟؟ اعقتد انه قليل جدا ومايعيش الا اذا اهله بساعدونه هذا شي ثاني
ثالثا اذا انتو سألتو عن الرجال وتحسين انه رجال مايتفوت اخلاق ودين توكلي على الله
رابعا مسأله الكلام والتعارف مافيها شي واتركي هالشي عليه هو يعرف شلون يتصرف لا تشغلين بالك بالشي هذا وطبعا بعد الملكه تقدري تكلمينه لانه زوجك
اتمنى لك التوفيق

__________________

لاإاله الا أنت سبحانك إني كنت من الظالمين

اهلين اسيل تسلمين

انا كنت ناويه اتخرج بالاول

بس ابوي وافق عليه وخلاص..

وبالنسبه للراتب مو مهم المهم اخلاقه والكل يتمناه

وانا كان ودي يأخرونه بس ابوي وافق وقرروا وقت الملكه

طيب

ممكن اسألكم كيف أبدأ كلامي معاه لأني مااعرف كيف؟!
يعني بطريقة مايمل مني بالعكس تخليه يتحمس أكثر واكثر..

وانا ماراح اكلمه كثير..

ساعدوني بطرق الحديث معه.. كيف تكون ..؟؟!!

ووش استخدم معاه .. يعني عطوني امثله اي شيء..

وشكرااااااااااااااا

اختى الصغيرة

انتى لا زالتى صغيرة السن وكيف تقبلين بزواج مهما كان درجة قرابته وانتى لا تنظرين اليه على الاقل .

لا تقبلى على الارتباط قبل ان تكلمين معه وفى حضور اهلك وناسك .

ثم لا تستعجلين الزواج لارضاء احد من اهلك وتندمين بعد ذلك

انتظرة وفكرى فى الامر جيدا لانه مازال الطريق امامك كبير جدا

__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل

اخوي احمد شوبير
اشكر لك حضورك وردك

بس انا موبيدي شيء

لأن ابوي وافق بدون ماادري بشيء امي وصديقتي هم اللي يعلموني
بس بالبداية ابوي ماكان موافق.. لأنه مايقدر يستغنى عني
وغير كذا اسباب ثانيه
بس اهلي يمدحون فيه ..وهو صار له شهر تقريباً يحاول في ابوي

ليما وافق
وسوينا تحليل
وانا مابيدي حيله

اول مااطلع من ثانوي بيكون زواجنا

ابعرف كيف اكلمه؟
ووش الطرق اللي تخلي الخطيب يتعلق زياده مو يمل زياده

يعني الكلام اللي اتكلم عنه ..

يعني افتوني .. ولا تناقشوني بعمري وعمره لأني مااقدر اغير شيء

اتمنى النساء والرجال يجاوبون ..ويعطوني من تجاربهم

يعني كيف اتحادث معه..؟؟
ووش هي المراحل الاوليه للتحادث معه..؟

ملاك اهم شي الاحترام والكلام بلباقه وعدم التكلف او التصنع وغالب راح يكون الكلام تعارف وهو راح يبدأ ويسألك وانتي تسمعي وتجاوبي يعني تطمني من هالناحيه
كأنك تكلمي وحده اول مره تتعرفي عليها عادي لا تكبري المسأله

__________________

لاإاله الا أنت سبحانك إني كنت من الظالمين

طيب تنصحيني مثلاً

اذا سألني وقلت بخير..

اقول له : وانت كيفك؟؟!! (ولالا)

واذا قلت له

وقال انا بخير (اقوله يارب دوم مو يوم؟) ولالا

يعني الكلمات اللي انا تعودت اقولها للبنات دائماً..

ومشكووووره

اختي الكريمه ملاك
للاسف الجميع ينصحك بانك صغيره جدا جدا
وانت تطلبين طريقه للكلام مع خطيبك
سبحان الله انتي فين وهم فين
لله في خلقه شئون
حرام على اهلك والله انك صغيره صغيره جدا
وشكلك بريئة كبراءة الاطفال ؟؟؟؟؟؟
الله يكون في عونك
علموها كيف تتكلم مع خطيبها
اترك المهمه هذه لغيري ؟؟؟؟؟؟؟؟؟؟؟؟؟؟؟؟
لا حول ولا قوه الا بالله

__________________