السلام عليكم ورحمة الله وبركاته


انا سبق وكتبت مشكله صارت لي انا وزوجي وكتبتها هنا في المنتدى عموما الاخوان ما قصرو وعطوني حلول وكلامهم خفف عني كثير في هذيك الفتره والحمدلله رجعت الامور لمجاريها



قبل ما اكتب المشكله ودي اوضح بعض الامور

زوجي انسان طيب ويخاف الله ويحافظ على صلاته وما يقصر معي في شي بس احيانا ينقلب الوضع وتجينا مشاكل مدري من وين وغالبا سبب ها المشكله يكون تافه
طبعا لما نتزاعل غالبا انا الي ابتدي با الصلح مع انه يكون يبي ها الشي اكثر مني ويبينا نتصالح بس لايمكن يجي يعتذر الا قليل يعني اذا غلط علي وانا ساكته يرجع بعد 3 ايام ويراضيني لاكن لما ارد عليه وبنفس اسلوبه ما يعتذر حتى لو هو الغلطان واحيانا نكون متهاوشين بس مايكلمني ولا اكلمه الا اذا كان يبي غدا او عشاء قال فيه غدا فيه عشا يعني مثل كذا



نرجع للمشكله

قبل 8 ايام كنت مع زوجي في الرياض وكان حاجز لي علشان اروح عند اهلي في جده المهم انا في اليوم الي قبل رحلتي كنت مره مشغوله وازين اغراضي ورحت كذا مشوار يعني كنت في اخر هذاك اليوم هلكانه وابي بس انا م وارتاح بعد شغل البيت والاغراض وماكان نفسي بشي ابد (( اعتقد قصدي واضح )) المهم هو تضايق وحسيته زعل بس وش اسوي انا تعبانه ورحلتي الصباح ومهدود حيلي
المهم صحينا من النوم ورحنا للمطار وانا مدري وش فيه احسه متضايق وما يتكلم الا اذا كلمته وجواب مختصر بعد وصلنا للمطار وجلسنا لما يجي وقت الرحله قام وجاب لي عصير وعطاني مصروف قلت زين بدا ينفل شوي

المهم جا الوقت و ركبنا الطياره ومشى زوجي بعد ما وصلت انا لجده جوالي كان مقفل قلت غريبه ما اتصل ولا سئل وحتى الرحله تاخرت ساعه كامله جا المغرب وما اتصل على بيت اهلي قلت غريبه قمت دقيت عليه قال هلا وصلتو قلت لا والله صح النوم والظاهر كان معه احد فا قال لي زين الحمدلله على السلامه قلت له كم رقمي السري حق جوالي ههههه معليش ما اعرفه توه جديد وهو الي حطه لي قال والله كاتبه ما حفضته قلت اول ماترجع اتصل وعطني اياه قال خير انشالله

بعدها تذكرت ان بنتي يبلها اغراض من الصيدليه فا استئذنت من الوالد ورحت انا واختي والسواق بجيب لها حليب علما انو ماكان فيه احد هذاك اليوم من الشباب في البيت وبعدين انا عادي اطلع مع السواق وزوجي عارف بكذا طبعا وانا طالعه هو اتصل على البيت وسئل عني قالو له طالعه قال وين راحت طبعا الي ردت عليه ما درت اني بروح للصيدليه تحسب السوق قالت مدري انا توني جايه الظاهر للسوق وحتى لو كنت طالعه للسوق المفروض انه مايسوي الي سواه لاني اطلع للسوق وهو عارف ها الشيب ومع السواق واستئذن من الوالد بس كان مشتهي زعل قام حط لي الرقم السري يوم رجعت قالو لي زوجك اتصل وحط الرقم السري وقالو لي انه قال وين راحت انا رجت واتصلت عليه وحسيته يالله يرد يعني من راس خشمه قلت له اهلين قال هلا واسمع ارجال معه قلت طالع قال ايه قلت خلاص اجل ما اطول عليك بااااي قال باي وبعدها ما رفع السماعه ولا اتصل علي ولا سئل عني وعن بنته واليوم لنا 8 ايام ولا فكر يتصل شفتو عاد يعني انا ما اعتقد اني غلطت ولو كنت غلطانه كان يتصل ويقول وش فيه وش دعوا 8 ايام وش علشانه طيب اتصل واسئل عن بنتك احيانا اقول اتصل عليه وبعدين اقول لاء هو تعود اني انا الي اراضيه واكلمه خليه يزعل لحد ما يمل انا ماسويت شي والحمدلله جالسه في بيت اهلي معززه ومكرمه واحيانا اقول انا ما راح اتصل عليه بس لما هو يتصل اكلمه عادي واضحك كنه ما همني وان الوضع عادي عندي

بصراحه الموضوع مره مضايقني وماني قادره اغقول لحد عن ها الموضوع الله يعافيكم عطوني حل قولو لي وش اسوي

يا اختي العزيزة انا اقولك وش المزعلة...
اول شي انك رفضتيه ليلة سفرك ( فاهمة علي) لانك تعبانة وهو كان يبي هالشي بحكم انك مسافرة ويمكن تطول المدة المهم هذا الشي يضايق كل رجال ثاني شي انه اتصل عليكي وانتي كنتي بالصيدلية( هو ما يدري ) يحسب انك رحتي عالسوق فربط ليلة امس باليوم انك قلتيله تعبانه والحين بالسوق انا اعتقد ان هذا الشي زعله كثير منك والحين هو ما فهم الموضوع صح.
انا برأي بحكم اني رجال وفاهم عليه انك ترسلي له رسالة كلها كلام حب وانتي ابخص بزوجك وش يحب وفي اليل اتصلي عليه وقوليله الشوق ذابحني وماني قادرة اتحمل اكتر من كاذ يعني كلمتين من اللي يرضو الخاطرو يصفو الجو وبعدين فهميه وش اللي صاير وقولي انك رحترتبي ليلة رومانسية اول ما تلتقو وزي كذا وطيبي خاطره لانه صدقيني تراه مو مرتاح ورح يموت عشان يسمع صوتك بس لانه شايف انك غلطانه وده انك تطيبي خاطره.
اكسبي زوجك وراضي والله رح تكبري فعينه اكتر واكتر
واتمنالك التوفبق.

__________________

vip شكرا على الرد بس هل زعله يخليه ما يتصل ويشوف انا وصلت والا ما وصلت انا بخير انا وبنته او لاء يعني هذي الامور المفروض الواحد يسويها علشان يتطمن سواء كان زعلان او لاء يعني لي ها الدرجه انا وبنتي رخاص عنده وما نهمه قاهرني ها الزوج

اختي هالايام رياجيلنا علا طريف يدورون شغلة وحدة حتا يحطوا فيها علا الوحدة لكن ما علية عقولهم صغيرة وانت مو غلطانة لكن معروف الوحدة دايما تضحي من اجل عيالها وتكبر راسها سوي نفسك ما تعرفي عن الموضوع شي وقولي له يعني ما ولهت عليك تراني مرة مشتاقة لك واذا فتح لك الموضوع قولي له بكل صراحة انت تدري اذا رحت لاهلي انا استاذن من ابوي وفهميه الموضوع اذا كان ززعلان لانك ما عطيتيه شي قولي له انت تدري كنت تعبانة بس ما علية راح اعوضك بدل الوحدة ثنتين يعني طيبي خاطرة

بصراحه وبدون مقدمات

غلطانه غلطانه غلطانه والغلط راكب من راسك لاخمص قدميكي ( اخمص قدميكي هاذي سبق وقلتها لدبدوب لايبيلنا وحده جديده)


ايه

انتي غلطانه غلطانه غلطانه لعن ابليسك ماتخيلين ماتنتخين ماتفترين ( كلمه حجازيه)

هاالحين تعرفين الرجال بيعزب وانتي شاده بشتك من سوق لسوق مافكرتي في شعور

هاالفقير هاالمسكين البريئ، هااللى جالس يتحسر على شبابه اللى ضاع

ويوم انك تدرين انك بتطولين في الاسواق وينك من اسبوع يعني ماحبكت الا قبل السفر

بيوم تخلصين مشاويرك

هذا انتوا تزعلون رجالكم وتجونا في المنتدي الحقوني زوجي زعلان زوجي مايكلمني

من حقه يزعل ومن حقه يهجرك وماالومه اذا تزوج عليكي

والله يلوم اللى يلومه هاالمسكين.

لكن مو مشكله نحاول نلقالك حل وعلى الله يجيب نتيجه ونراضي الرجال احتمال انه يوافق

ويرجع المياه لمجاريها....

بس اياني وايانك تعيديها او انك تفكرين او تتجرئين انك تفكري تسويها ثاني مره

احرجتونا مع رجالكم مابقي الا احنا نروح ونلبي طلباتهم عنكم..


على العموم

روحي قسم عالم المتزوجين تلقين موضوع باسم

ليله الحب الصافيه حاولى انك تجربيها وانا متاكد ان هاالوصفه راح تجيب افضل النتايج

كثير من الاخوان والاخوات جربوها وتحسنت امورهم كثير

وفي قسم التغذيه فيه كم موضوع انا كاتبه مري عليهم وطبقي الشغل بحذفيره

والنتايج راح تكون افضل من الاوله انتي عارفه اقرب طريق الى عقل الرجل بطنه



شكلك ماسمعتي عن المثل السنغالى

عزوبي دهر ولا عزوبي شهر


طبعا انتي فاهمه وش اقصد



مدري نلقاها من المتزوجات ولا من اللى على وشك الزواج ولا اللى يفكرو في الزواج

الله يكون في عونا بس

__________________

أختي مقروده

أنتي قلتي (00يعني كنت في اخر هذاك اليوم هلكانه وابي بس انا م وارتاح بعد شغل البيت والاغراض وماكان نفسي بشي ابد (( اعتقد قصدي واضح )) المهم هو تضايق وحسيته زعل بس وش اسوي انا تعبانه ورحلتي الصباح ومهدود حيلي 000)!!!!

كلامك مفهوم جداً000

يعني أنتي عارفه وش يبي 000صح000

هذا هو إلى مزعله000

وزوجك بعد إتصاله وأنتي خارج منزل والدك 000بعد ذهابك للصيدلية

هو لا يعلم أين أنتي 000وهو زعلان من ليلة سفرك 000

زاد زعله منك000لأنه يتذكر ليلة سفرك !!!! ولم تعطيه حقه الشرعي000

حتى ولو كنتي متعبه 000فالفراق يمكن يطول بينكما000

أنا أعتقد أن زوجك معه حق 000لاتزعلي مني000

والحقيقه أنتي كبرتي المشكلة000

أنتي قلتي (000خليه يزعل لحد ما يمل انا ماسويت شي والحمدلله جالسه في بيت اهلي معززه ومكرمه000)

ليش كل هذا الكلام 000فأنتي مدحتي زوجك في بداية كلامك000

مادام أنه يخاف الله ويصلي ومايقصر معك000

كلميه أو 00ارسلي له رساله فيه نوع من الحب والغزل000

فهذا زوجك وأبو أبنتك000ومالكم غنا عن بعض000

ولا يذهب تفكرك بعيد 000الآن ارفع سماعة التلفون وكلميه000

وتحججي باي شي 000قولي له أبنتك مشتاقه لك000

وأنا كذلك 000وافتقدناك000

الله يصلح حالكم000

أختك

الممشوقة

ابو ثنيان خير انشالله وش دعوا انا وش سويت ويكون بعلمك المشاوير الي كانت قبلها بيوم كانت لهله ولجدته وعماته يهني هذا جزائي وبعدين ليه معصب اقرا الموضوع زين الاسواق ما رحت لها ويوم رجعت رحت للصيدليه واذا ليه ما زينت اراضي قبلها بفتره حجزي ماكان اكيد واتصلو على زوجي وقالو تاكد الحجز لذالك ماكان عندي وقت ابد ابد

لازم تفهم الموضوع هذا انتم يا الرجال الواحد يخندر ويزعل ويهاوش وهو مافهم وش السالفه ورجلي من ها النوع

بصراحه قهرتني ورفعت ضغطي بس شكرا على الرد

مقروده

يبه لاتزعلى وحقك على

بس انتي ماوضحتيلي ان المشاوير لجدته

انا قصدة يوم انتوا في الرياض ماهو يوم رحتي الصيدليه

وبعدين انا وش يدريني ان حجزك ماتاكد الاقبلها بليله وش قالولك اشم على ظهر يدي

اذا رجلك من هاالنوع المفروض تفرحي لانه هذا اسلوب الرجل العصري واقدر اقول انتي

انسانه محظوظه

انا ماني معصب بس لازم تعرفي انه هذا هو الاسلوب الحديث في معالجة المواضيع الحساسه

يعني تبيني اطبطب على كتفك واقولك اسفهي لا عيوني لا

لازم تعرفين المثل وش يقول

يابخت من بكاني وبكاء الناس عليا ولا ضحكني وضحك الناس عليا


شكرا على تقبلك النقد البناء

مدري مريت على المواضيع ولا لا

__________________

طيب وين الباقين

اختي مقروده السلام عليكم ..

اتصلي بزوجك و ما تعاتبيه .. و قولي له كلام حلو و بعدين فهميه الموضوع ..
انتم الثنين مش راضيين تتنازلو عن موقفكم ..
ما تكبري المشكلة و تخربي بيتك بيدك ..
و بعدين زوجك ما كان عارف انك رحتي للصيدلية ..
راضيه الله يرضى عليكي و فهميه الموضوع و ان شاء الله بعدها حيتصل فيكي كل ساعة ..

الله يصلح حالكم ..

تحياتي