سلام عليكم اخواني

انا عندي مشكله متمشكله منها وايد ومن فهمت الى هالشغلات يديني كل تكون جافه ولو استخدمن لها شنو من اكريمات مال يفيد وخصوصا لو يوم غسلت غسيل من دون كفوف يعني حتى الوكس يجففها ولو يوم اشتغلت بالمطبخ فتره تجف واحسها تصير خشنه من كثر الجفاف ولا تمر ايام واحس الجلد يتبدل يعني يصير ملمسها مايريح ابدا وينرفزني ودوم الكريم بشنطتي

ساعدوني شسوي وشنو في وصفات لو نصائح لو كريمات طبيعيه او طبيه وفي وين احصلها

لاني فعلا تعبت من هالمشكله

__________________
وكــم للــــــــه مــن لطــف خفــي ***** يـــدق خفــــاه عـــن فهــم الــذكــــــــــي

خلاص انا عن جد ازعل اكتب ولا احد يعبرني

__________________
وكــم للــــــــه مــن لطــف خفــي ***** يـــدق خفــــاه عـــن فهــم الــذكــــــــــي

هلا فيك حبيبتي . .

لا تزعلي ولا شئ . .

حبيبتي خشونة يديك انت ذكرتي سببه . . لأنك تعملين بالمطبخ و تغسلين بدون قفازات . .

اختي ضروري تلبسين القفازات المطاطية خصوصا اثناء غسيل المواعين و الملابس . . بسبب تأثير المنظفات السيئ على اليدين . .

انصحك بزيت الزيتون . . تدهني ايديك فيه . . و تغطيهم بنايلون لمدة نصف ساعة باليوم . .

و انصحك باستخدام كريم جليسولايد Glysolid كل ما احسستي بالخشونة بيديك . .

ادهني يديك بالجليسرين "الزيت" مرة باليوم . .

و اهم شئ . . تنسي تشتغلين بالمطبخ بدون قفازات . . لازم على طول تلبسينهم . .



و اتمنى اني افدتك عزيزتي . .

__________________

. . اللهم كما سررته بنا في الحياة . . فسره بنا بعد الممات بصالح الدعاء . .

اللهم آمين . .

. . لن ننساك يا أمير قلوبنا . .

هلا اختي
انا سمعت نصيحة دهن العود لما حطت صورة كريم جيلوسوليد
ورحت شريته على طول والنتيجه تجننننننننننن
تحسين بالنعومه من اول استخدام
تسلمين دهن على هالمشوره فعلا استفدت من الكريم
وتقدرين اختي تستخدمين الزيوت اللي تنباع في البودي شوب
ومنها انواع كثييره واختاري اللي يناسبج
وفي الزيوت العاديه اللي عند العطارين مثل زيت اللوز
تحياتي

__________________

مشكورين حبايبي على النصيحه
وانشاء الله دوم تكونو بنعيم

__________________
وكــم للــــــــه مــن لطــف خفــي ***** يـــدق خفــــاه عـــن فهــم الــذكــــــــــي

بصراحة الخلطة (علبة جليسوليدكبيرة =نصف فنجان زيت اللوز المر =وليمونة

=1ملعقة فازلين =2ملعقة ماء ورد=1ملعقة زيت زيتون)

هذي لي 3سنوات وانا استخدمها ...والله تجنن

تصفي وترطب وتنعم البشرة...

بس تأكدي اختي ...ماعندك نقص فيتامينات ولاحاجة

واشربي ماي كثييييير ...ترى يروي البشرة مررررة

صدقيني...

جربيها وبتدعين لأخواتك ...

وخصي سمورة بالدعاء...

سمر..

__________________