هذه الرسالة تفيد بأنك غير مشترك. للإشتراك الرجاء اضغط هنــا

إعلان شبكة الألوكة شبكة الألوكة  

 

 

الرئيسية قوانين المشاركة في المنتدى لاستعادة كلمة المرور لتفعيل العضوية لطلب كود تفعيل العضوية لطلب اعلان
العودة   منتدى عالم الأسرة والمجتمع > الحياة الزوجية > المقبلين على الزواج

فعاليات و أنشطة المنتدى


المقبلين على الزواج مواضيع ونصائح للمقبلين على الزواج من الجنسين

إغلاق الموضوع
 
أدوات الموضوع طريقة عرض الموضوع
  #1  
قديم 18-05-2005, 09:08 AM
Dlo3h Dlo3h غير متصل
عضو دائم
 
تاريخ التسجيل: May 2005
مشاركات: 57
cry كيف أتصرف عندما يزورنا خطيبي ؟؟

السلام عليكم ورحمه الله وبركاته

بليز يااعضاء المنتدى المحترمين ساعدوني ابي مشورتكم

اذا الخاطب جاء بيشوف مخطوبته لااول مره ( :14: يوم الشوفه )وش افضل وقت ؟وايش افضل شي تسويه من ناحية ( لبس - شعر- ميك اب .. يعني ميك اب بسيط والا بس ماسكارا وقلتر يكفي والا كيف ..؟؟

وبعدين ايش يلفت انتباهه فيها اول ماتدخل


وهل الافضل يكون الاب هو الموجود ام الاخ ام الاثنين معا ..؟؟

وايش المفروض تسوي؟
ومارايكم بان الخاطب هو اللي يدخل على مخطوبته يعني عكس السائد انها تدخل عليه ؟؟
والله محتاره ساعدوني
واللي مر بموقف ياليت يقولنا عليه

شااااااااكره لكم تعاونكم معاي والله لا يحرمكم اجر مافعلتوا
  #2  
قديم 18-05-2005, 09:41 AM
saheer saheer غير متصل
عضو مميز ومثالي
 
تاريخ التسجيل: Nov 2003
مشاركات: 297
tongue3

أختي الكريمة ألف ألف مبروك ، الله يؤلف بينكم
ما مهم اللباس أهم حاجة نظرات العيون والبسمة الطيبة وحسن الاستقبال

وكل مرادي أن أرى العرب وحدة *** يحف ذراها الشعب وهو سعيد


اخر تعديل كان بواسطة » البتول في يوم » 18-05-2005 عند الساعة » 12:50 PM
  #3  
قديم 18-05-2005, 09:50 AM
suadnasser suadnasser غير متصل
عضو مميز ومثالي
 
تاريخ التسجيل: Aug 2003
مشاركات: 178
اولا يا اختى مبروك وان شاء الله يطرح عليك البركة ويكون من نصيبك

اولا يا اختى انصحك ما تحطيى مكياج لان يكون الجمال الطبيعى للمراة بدون المكياج

ثانيا كوني طبيعية والبسمة ما تفارق وجهك لازم يكون في خجل وحياء

اكيد يكون بحضور الاب والاخ لكن في البداية بعدين لازم تكونون لوحدكم لكي ترتاحون في الاسئلة والاجوبة

وشكرا

اخر تعديل كان بواسطة » البتول في يوم » 18-05-2005 عند الساعة » 12:52 PM
  #4  
قديم 18-05-2005, 10:40 AM
المتيم بحبها! المتيم بحبها! غير متصل
عضو نشيط
 
تاريخ التسجيل: Dec 2004
مشاركات: 156
.
.
.
خليك على طبيعتك. ..
لا تتكلفين. ..

والله يتمم لك بخير. .. ويجمع بينكم على خير. ..



ببساطة.. . أحبهااا ا ا

  #5  
قديم 18-05-2005, 11:22 AM
memoota memoota غير متصل
قلم مبدع
 
تاريخ التسجيل: Apr 2005
مشاركات: 439
حبيبتي الدلوعة ... الله يتمملك على خير وييسرلك الي يسعدك .. امين

انا بالنسبة ورأيي الشخصي ... لاتحطي ميك أب ابدأً .. البسي لبس مستور وبسيط .. وكما اتحبيه انتي ..

يعني عن نفسي انا لبس بصراحة عباية وشيلة وبسسسس ..

ثانياً بالنسبة للي يكون معاكي حسب الي ترتاحين معاه .. والافضل ابوك مايكون معاكي لان راح تخجلي اضعاف اضعاف وهو نفس الشي .. انا بصراحة دخلت الوالدة معي .. وجلست في الصالة .. وراح اخويي ناداه من الصالة الثانية ... وانا جالسة هو دخل سلم رفعت راسي رديت السلام وهو جلس .. الوالدة شافته بدأ يتكلم استأذنت وطلعت وظل المكان مفتوح ... يعني الباب مفتوح

وتكلمنا عشر دقايق ربع ساعة .. واستأذن وطلع .. راح تكون الأسئلة عامًة في البداية ..

الي راح يعجبه فيكي ... ثقتك بنفسك ... صحيح الخجل موجود .. تنزلين راسك .. ويحمر وجهك وهذا شي طبيعي .. لكن جوابك خلي يكون واضح .. واثقة من نفسك في الجواب .. ان شاء الله تكوني فاهمة علي .. نصيحتي لك ... لم يتكلم او لما تجاوبيه حاولي بطريقة ما انك تطالعي فيه انت كمان هذا من حقك وعشان ترتاحين اكثر واكثر .. والله انصحك ما تنسي هالنقطة .. لان بهالطريقة راح تعرفي انتي مرتاحتله ولا لاء ..

ولاتنسي الاستخارة قبل ما تدخلين تشوفيه ..

على فكرة اذا دخلتي انتي وهو جالس .. ادخلي بهدوء وثقة سلمي واجلسي .. ترى والله مهمة دخلتك ومشيتك راح تحدد شخصيتك ..

يعني لاتحني ضهرك وتنزلي راسك بشكل مبالغ فيه .. افردي ظهرك وسلمي واجلسي ..

هذه والله نصيحتي إلك أتمنى تفيدك والله يسهلك الي فيه الخير ...

سامحيني على الإطالة .ز

تحياتي لك
اختك م


اللهم اني استودعك هذا الجنين فحسن في خلقه وخلقه واجعل عاقبته الى خير .. اللهم يسر حملي وولادتي .. آمين


اللهم احفظها واجعلها بارة بنا يارب .. وارزقها الصلاح في دينها ودنياها يارب العالمين

  #6  
قديم 19-05-2005, 02:26 AM
123man123 123man123 غير متصل
عضو جديد
 
تاريخ التسجيل: May 2005
مشاركات: 12
مساء الخير ..

العادات تختلف من بلد لبلد .. بس بالنسبة للسعودية ..

الأفضل ان تلبسي اللبس العادي يعني ..

بلوزه وتنورة عادية ألوانها فاتحة أوعلى ذوقك ..

واعتقد ما يحتاج تحطين شي كثير على راسك يعني يكفي طرحة خفيفة ..

وأهم شيء وقفتك سواء في الدخلة أو الخرجة..

ولو كانت الأرضية رخام أو بلاط .. البسي شي يطلع له صوت ((كعب مو عالي- وسط )) ..

ادري اني زودتها .. لكن هذا تقريباً اللي حصل معي لما رحت أشوف خطيبتي ..


أتمنى لك كل التوفيق ..
  #7  
قديم 20-05-2005, 11:14 AM
FRESSS FRESSS غير متصل
عضو نشيط
 
تاريخ التسجيل: Jan 2005
مشاركات: 106
الف الف مبروك


وان شاء الله خير


نصيحه ماتحطي اي ميك اب خليكي على طبيعتك

حيكون احلى واجمل ليه الف مره

[ان حظي كدقيق بين شوك نثروه
ثم قالو لحفاه يوم ريح اجمعوه
قولت يا قومي اتركوه اتركوه
ان من اشقاه ربي كيف انتم تسعدوه









فـــــــــــــــــــــــــــــــــــــــــــــــار س

  #8  
قديم 21-05-2005, 11:31 PM
شقية جداوية شقية جداوية غير متصل
عضو جديد
 
تاريخ التسجيل: May 2005
مشاركات: 1
hi

حبيبتي dlo3h

اولا:الف مبروك والله يتمملك على خير ان شاء الله :14:

ثانيا: انا بقولك تجربتي بس لا تضحكي عليا

انا الحين ليا عشرة شهور مخطوبه (مملكة)بس قبل الملكة

انا يوم ما جات ام خطيبي تبغى تخطب بعد ما شفتها سخنت وتعبت لدرجة اني ما اقدر اقوم من على السرير

ويوم ما جا هو يشوفني (يوم الشوفة) كنت مستشورة شعري وعلى فكرة انا شعري قصير وحطيت الميك اب pink خفيف كنت لابسة بنطلون جينز محترم وبلوزة مطرزة من بروموديومها كنت كويسة ما فيني الا العافية ولما دخلت عليه كانت خالتي وامي وجدتي جالسين في زاوية الغرفة وهو وامه وجدتة في وجه الباب يعني اول ما دخلت كان هو في وجهي ولما شفته كان شوي ويغمى عليا لدرجة اني خالتي وامي دخلوني عليه وكل وحدة ماسكتني من جهه كاني مريضة وداخله على دكتور مو عريس

المهم جلست وبعدين صارت خالتي تأشرلي عشان اقوم اقدم العصير بس انا من رهبة الموقف ما قدرت اوقف على رجولي وبعد كذا قام هو وقرب مني عشان يلبسني خاتم الشوفة ومع كل خطوة يقرب فيها مني انا كنت احس فيها انه نفسي اهرب الين ما وصل عندي حسيت ان قلبي بيوقف من كثر ما يدق بسرعة وبعد كذا لبسني الخاتم الماس وسلم على يدي ولما جيت ابغى اخرج ما قدرت اقوم مع الخجل والخوف فاخذت خالتي والماما كل وحدة بيد وخرجوني من الصاله وبعدكذا حسيت اني ارتحت

وعلى فكرة يوم الشبكة وصلت معاي اني اتنومت في المستشفى 3ساعات وبعد ما خلصت الحفلة اغمى عليا
وبعدها خلاص اتعودت عليه والحين بعد 27 يوم زواجي ان شاء الله

والله يوفقك حبيبتي ويوفقنا.

اخر تعديل كان بواسطة » البتول في يوم » 22-05-2005 عند الساعة » 01:58 AM
  #9  
قديم 22-05-2005, 07:20 PM
Dlo3h Dlo3h غير متصل
عضو دائم
 
تاريخ التسجيل: May 2005
مشاركات: 57
الله يسعدكم جميعا مثل مااسعدتوني بردودكم وتفاعلكم

saheer
لك كل الشكر على ردك
وماقصرت

suadnasser
يعطيك العافيه على ردك ونصيحتك لكن يااخي انا خجوله لا استطيع ان ابقى معاه لوحدنا وبعدين اعتقد مايجوز لانه لم يعقد قرانه علي


المتيم بحبها
مشكور اخي على نصيحتك ودعواتك جزاك الله خيرا


memoota
عزيزتي تعجز كلماتي على شكرك الف شكر وجعلها الله بموازين اعمالك وجزيتي خيرا
واصبتي كبد الحقيقه ياعزيزتي مادري كيف برفع عيني واشوفه احس راسي بيصير بالارض مادري كيف اتغلب على خجلي وبنفس الوقت ماافقده
ولا ادري اخليه يدخل هو او انا اللي ادخل عليه محتااااااااااااااااااره
ياليت تفيدوني بكذا ...!!؟؟


123man123
اخي الكريم جزاك الله خير على معلومتك المفيده الي اضحكتني شوي ليه يعني يطلع صوت انا كنت بسوي عكس كلامك بس لما قريته استغربت
يعني مالهدف انه يطلع صوت لفة انتباه مثلا؟

وبالعكس مازودتها والله محتاجه لاي نصيحه منكم
ياليت ماتبخلوا علي الله يوفقكم

FRESSS
الف شكر على النصيحه
يعطيك العافيه

شقيه جداويه
ليه ياحبيبتي اغمى عليكي؟ بليز لا تخوفيني
والف مبروك الله يتمملك على خير ويوفقك
ومشكوره عزيزتي على النصيحه والموقف الحلو

ولو احد عنده نصيحه او تنبيه ياليت مايبخلي علي فيها
ولو مر بموقف يقوله لنا
  #10  
قديم 22-05-2005, 08:00 PM
فكتوريا فكتوريا غير متصل
عضو جديد
 
تاريخ التسجيل: Dec 2003
مشاركات: 1
مرحبا...

انا بالنسبه لي..اول مره جا يشوفني فيها لبست تنوره وبلوزه وكنت رابطه شعري ولاحطيت ولا شي من الميك اب..

بس كان معي خالي وابوي وهذا الشي خلاني ارتبك انا وهو حتى لما طلع قال لأمه ماشفتها زين لان ابوها وخالها كانوا موجودين..وطلب انه يشوفني مره ثانيه..وجا مره ثانيه وكان خالي وامي وامه وجدته موجودين وشافني وشفته ..ولما طلعوا ربع ساعه ودقت امه قالت متى نملك وحددنا الوقت وكل شي ودامت خطوبتي مدة 8 شهور...والحين انا متزوجه لي 5 شهور وحامل اربع شهور...

وسلامتك

وبالتوفيق ان شاءالله
إغلاق الموضوع

علامات

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 09:23 PM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
جميع الحقوق محفوظة لموقع و منتدى عالم الأسرة و المجتمع 2010©