السلام عليكم ورحمة الله وبركاته
بدخل بالموضوع من دون لف ودوران
اخت زوجي بتتزوج بعد اسبوعين :14: طبعا انا كنت متوقعة انه زوجي بيخليني اروح لكوافير لكن للأسف لا اروح لكوافير ولا هي تجيني والسبب هو التصوير بالجوالات
عاد انا فكرت اليوم اني اتوجه لكوافيرات المنتدى علشان يعطوني مكياج مع طريقة وصفه حبة حبة يعني شوي شوي علشان اطبقه تمام لانه كمان المدة قصيرة


وعندي سؤال وش الفرق بين المكياج اللبناني والهندي
شاكرة لكم

هلا رحيق
اول شي ممكن اسئلك بعض الاسئله عشان نقدر نساعدج
اي لون فستانك؟
واذا بغيتي تسريحه بسيطه للشعر
اي لون شعرك ؟
هل شعرك طويل ولا قصير ولا متوسط؟
شنو نوع المكياج اللي تحبينه
خفيف وناعم
وسط
ثقيل
ملامج وجهك كيف؟
ناعمه ولا وجهك مليان ولا كيف؟
عندك عيوب تبين تغطينها؟
ماهو ستايل المكياج اللي تحبينه
ناري
وحشي
لبناني
هندي
خليجي
الفراشه
ام غيره؟
والفرق بين اللبناني والهندي
ان الهندي يعتمد عالالوان الحاره بدرجه اكبر واحسه يناسب اكثر تدرجات البشره الحنطيه والسمرا
واكبر اعتماد المكياج الهندي عالالوان الناريه والترابيه والذهبي

نسيت اسئلك اي لون بشرتك
وشو الاكسسوار اللي بتلبسينه
ذهب وهل هو اصفر او ابيض
ولا اكسسوار على لون الفستان
اسفه تعبتك بالاسئله بس عشان يكون لون المكياج وستايله متناسق مع بشرتك وباقي اكسسوارك


واتمنى احاول افيدج بعد ردج علي
وان شاء الله الاخوات مابيقصرون

__________________

هلا مهاوي والله اني ما ادري وش اسوي محتاسة بالحيل لا وطلعت فيه عزومة للزواج حتى شعري مو ساعدني طالع يفشل حالتي حاله
لون فستاني بالضبط اللون ما اقدر احدده تمام لكن اقدر اقول انه كموني على زيتي كامل الفستان وفيه طبقة بيج
اما شعري طبعا صبغة بلياج أشقر والشعر طايل فأوله تحصلينه أشهب أنا افكر اسوي بيرم لشعري ومنك النصيحة
شعري للاسف قصير بس القصة طايلة شوي هههههههههههه شكلي بخليك تتوهي معي
شعري ناعم مايمسك بشي لا بيرم ولا غيره مطلع روحي
طبعا ابغاه مكياج مناسبات لاهو ثقيل مرة ولا ناعم وبسيط مرة يعني مكياج ثقيل ناعم ممكن تقولي وسط
أما ملامح وجهي وسط تميل للنعومة ووجهي مو مليان
ولا عندي عيوب ابي اغطيها
اما ستايل المكياج الي احبه ما ادري وش احددبالضبط بس يمكن يكون اللبناني والا الهندي مدري والله حددي انتي
لون بشرتي بيضاء وهذا يتعارض مع الهندي
الاكسسوار ذهب بس الذهب الايطالي الي فيه ثلاث الوان طبعا انا بلبس اساور متعددة وكلها ايطالية ناعمة وعددها 6
معليش مهاوي اتحملي دلعي شوي
يا رب أكون وصلتلك المعلومة يا مهاوي وتساعدني الله يعافيك

أنا راح قلك شغلة أول شي جيبي كريم أساس نفس لون وجهك وفيه هلأ كريم أساس مع بودرة مضغوطة كتير حلوة أحلى من الكريم الاساس وبعدين حوطي كحل كتير على عينك من فوق ومن تحت بس على العين لا تطلعي على الجوانب واتمديها وحطي من جواة عينك لون أبيض قلم مثل الكحل بس أبيض هيدا بيكبر العين من جوه بيطلع بيعقد ، وبعدين اتحطي الشدو مثل لون فستانك يعني إذا لونين حطي الفاتح على الجفن من جوه ( ناحية المنخار )والفاتح من بره وحطيه برونزي على ذهبي كتير بيطلع حلو مع الكحل ومديه على العين كلها وتحت الحاجب أكيد بتكوني منظفتيه وراسمتيه كويس كويس حطي تحت الحاجب اللون الأبيض بالأيشدوا وبعدين من عند المنخار والعين من تحت تحت الكحل هيك بس من عند المنخار حطي لون ذهبي شوي بيكبر العين وبعيدين حطي المسكارا وكتريها من تحت اول وبعدين من فوق .
وفي عند محلات التجميل بودرة فيها اللمعة بتحطيها على وجهك كله بيصير بيبرق كتير حلوة جيبيها لون برونزي وحطي منها على وجهك

وبعدين خططي تمك بقلم التحديد البني الفاتح وحطي فوقها قلم حمره بني على بيج كتير فاتح وحطي على خط قلم التحديد عشان ما يبين قلم التحديد وبعدين جيبي اللماع وحطيه فوقهم .

شوفي ما أحلاه بده يطلع بيعقد وفيكي تحطي على جمسك من البودرة اللماع هيدي انا الصراحة جبتها من نيفيا بتعقد على الوجه والجسم كمان .

انا هيك بعرف وبحط المكياج هيك والله بيطلع كتير حلو حتى بشهادات كثيرات من زميلاتي حبيت بس أفيدك وكل ما كانت قلم العين الكحل كثير ونازل لتحت شوي ومن فوق ومن غير مدة على الجوانب الخارجية بيطلع حلو بتبين العين فيها قوة وكبر جربيها بروفة وانا ناطرة ردك جربيه اليوم وشوفي وجهك كيف بدوا يطلع ...

ولا تنسي خبريني ...

مشكورة اختي ام سليمان
انشاء الله بجربها
على فكرة انا دايم اسوي المكياج الدخاني بس مليته يعني حابه اجدد
الف شكر لكل من يمد عونه لي
الله يوفق الجميع

هلا حبيبتي رحيق الجنه
ااااااااااااااااااااسفه والله تأخرت عليج بس ظروف كنت تعبانه شوي
طيب ببدى معاج بالمكياج اول شي عقب نجي للشعر



المكياج


اول شي بما انج رايحه عرس اختاري ماسك تحطينه على وجهك عشان تريحين البشره
مثلا جربي الزبادي والعسل
بعد ماتغسلينه حطي كريم مرطب وخليه لمدة 10 دقايق قبل ماتبدين بالمكياج
اذا كان مكياجج يسيح وتستخدمين مثبت حطيه قبل المكياج
اذا تبين تشترين انصحج بماركة كانيبو (مثبت للمكياج ويمنع اللمعان)
وزعي كريم الاساس على وجهك ورقبتك بالتساوي
بعدين وزعي البودره واذا كنتي تستخدمين بودره مضغوطه او كومباكت هذي طريقتي وانا استخدم ماركة كانيبو الافضل للأعراس وكل خبيرات التجميل بقطر يستخدمونها لانها ثااااااااااااااابته
(استخدم البودره الكومباكت يعني اللي ممكن مع ماء او بدونا المهم اوزعها على وجهي وبعدين احط شوية ماي بالاسفنجه وابدى امسح بخفه فوق البودره بتحسين لونها يبين عدل وبيغمج عن اللون السابق شوي بس لاتملين الاسفنجه ماي حطي شويه بس وامسحي على جزء ولما يخلص الماي حطي مره ثانيه لين تكونين مررتيه على كل الوجه)
بعدين خذي اللوس بودر او البودره الحره او الفري بودر لها عدة اسماء
املي المنطقه تحت العين عشان لما تحطين الشدو ويتناثر ماتتوصخ المنطقه
خذي الاسفنجه الخاصه بوضع الشدو وبلليها بكميه مناسبه من الماي بس مو وايد
املي الاسفنجه باللون البيج المايل للأصفر او الذهبي شوي
وزعي اللون على كامل الجفن المتحرك
بعدين اختاري اللون الكموني وتخيلي انك مقسمه المنطقه ل3 اقسام الجزء الثاني والثالث متساويين يعني الاول اصغر شوي منهم
وزعي اللون الكموني على الجزء الثاني والثالث (يعني الاجزء الاول بيج مايل للذهبيوالباقي كله كموني)
بعدين خذي اللون الزيتي ووزعيه ابتداء من بداية الجزء الثالث
الحين نراجع اللي سويناه عشان اتأكد انج عرفتي قصدي
صارت عينج كانها مقسمه ثلاث اجزاء الاول وهو الاصغر لونه ذهبي او بيج والثاني كموني والثالث زيتي
بعدين خذي اللون الذهبي اللي استخدمتيه في الجزء الاول وحددي فيه قوس العين اقصد الجفن المتحرك من فوق وكأنك ترسمين قوس على حدود الجفن
على الجزء الثابت يعني القريب من الحواجب استخدمي لون قريب من البشره من تدرجات البيج وفوقه استخدمي لون بيج بس تكون فيه لمعه او اضاءه اغلب الانواع اللي فيها اضاءه تكون بالابيض او اللؤلؤي يعني لو ماكان عندج اخلطي الابيض اللامع مع البيج
الحين انتي طبعا مستغربه من شكل عينج محدده بالخطوط وكأنج ملونتها بالوان الاطفال
بقولج للحين ماخلصنا بس بقولج سبب استخدامي لهالطريقه هي اني وانا اتعلم كنت اخاف اغلط وتكون عين مختلفه عن الثانيه لكن جذي بتشوفين الفرق بالضبط وبتقدرين تصححينه
الحين خذي فرشاة شدو مو الاسفنجه واذا ماعندج فرشاة استخدمي السبابه
بتكون عينج محدده بالالوان روحي عند الاماكن الفاصله بين الالوان يعني بداية الجزء الثاني
بصبعج موهي شوي او بالفرشاة وبحركات خفيفه وبسيطه لين مايندمج اللون
بعدين روحي عنج نهاية الجزء الثاني وبداية الثالث يعني بين الكموني والزيتي
اعملي نفس الشي موهي الين مايختفي اثر تحديد اللونين يعني ادمجي هذي المنطقه باللونين (يكونون متداخلين ببعض شوي)
بعدين روحي عند القوس اللي عملتيه فوق الجفن المتحرك بس نسيت اقولج لاترسمين القوس على كل الجفن المتحرك يعني بس اوصلي للنصف يعني اوصلي لين منتصف الجزء الثاني (منتصف اللون الكموني)
بعدين اخلطي اللون البيج تحت الحواجب
لو حواجبك يبيلها تحديد خذي الشدو البني بدرجة مناسبه بس لاتكثرين شدو ابدا
املي الشدو بين الفراغات لكن لاتحطين ببداية الحاجب عشان شكله مايكون كأنه مرسوم
بعد ماتخلصين من وضع الشدو بالفراغات جيبي مشط الحواجب يكون جهه مشط وجهه كلها شعيرات
بالجهه اللي فيها شعيرات مشطي وحاولي اللون يدخل بالجهه اللي قدام شوي او بصبعج مدي اللون شوي بس
بعدين مشطي حواجبك بالجهه اللي فيها المشط
الحين تاخذين فرشاة البلاشر وتحركينها بسرعه وبخفه تحت عينج عشان البودره اللي حطيتيها تروح
بس بيبقى اثر حلو لنظافة المكان تحت العين وايضا البياض
خذي الحين الشدو الزيتي حددي فيه عينك من تحت بعدين كحلي عينك بالكحل القلم الاسود(يفضل من لانكوم لانه غااااااااااامق ويغني عن الكحل السائل)
طبعا التحديد اول شي يكون من داخل ومن برى العين (اذا كان كحلك من ماركه ثانيه ولونه فاتح مرريه عالولاعه شوووي بس )
انتظريه يبرد شوي بعدين كحلي عينك وبيكون سواده فاااااااااحم وهالطريقه يستخدمونها اغلب خبيرات التجميل
المهم بعدين ارسمي عينك من برى فوق وتحت بالكحل بس لاتكثرين لان وجهك ناعم يعني خليه وسط
اذا حبيتي تقدرين تدمجين اللون الزيتي اللي تحت العين بالكحل اللي تحت العين بس ادمجيه بفرشاه خاصه لهالغرض تكون ضعيفه او ممكن براس الاسفنجه يعني الطرف اللي من فوق
الحين خلصنا الشدو
حطي بلاشر باللون الخوخي او المشمشي ولو ماكان عندج انصحج بماركة ريميل وتراه رخيييييييص وايد ولونه رووووووووووووعه
حطي لون روج مناسب لتدرجات الشدو اللي اخترتيها ممكن تختارين البني الفااتح المايل للكموني (يعتمد حسب درجات الشدو)
بس لو حطيتي مثل ما انا تخيلت فستانك والتدرجات المناسبه
بنصحج بجلوس ايضا من ريميل
لونه تقريبا بني فاتح ومناااااااااااسب جداااااااا للون البلاااااااااشر
بعدين اذا كان عندج بودرة الوجه والجسم اللماعه اختاري اي ماركه حتى الماركات العاديه تصلح مو شرط تكون غاليه
وزعي شوووووووووووي منها على وجهك
بعدين وزعي كميه متوسطه على رقبتك وكتفك والاجزاء العليا من جسمك لو كانت ظاهره
صدقيني تعطي لمعه حلووووووووووووووووه بس نصيحتي اذا تبين تستخدمينها وتبينها تثبت
قبلها حطي لوشن على جسمك قبل ماتحطين المكياج عشان يكون له اثر خفيف جدا على البشره ويساعد على ثبات البودره
احم احم نسيت اقولج شي لو رموشج خفيفه عندي طريقه لوضع الماسكرا افتحي عينج وحطي فرشاة الماسكرا وبعدين غمضي وهكذا وبعدين مشطي رموشج لازالة اي تكتل في الماسكرا
سامحيني نسيتها لاني ماستخدمها ابدا (قولو ماشاء الله) بس طبعا المسكرا بتكون الخطوه الاخيره في مكياج العين
انشالله يعجبج المكياج ولو تبين اي تعديل او لو عندج اي استفسار انا تحت امرج





نجي للشعر


بقولج طريقة صديقتي لعمل فير بالشعر او بيرم المهم يصير ملتف وكيرلي شوي
احسه يناسبج ويعطي شكل حيوي وحلو وطبعا بيكون ناااااعم عليج
وسبب اختياري الاصلي له انه الصبغه القديمه مابتبين ولاحد بيلاحظ ان لون بداية شعرج مختلف عن الباقي وصدقيني يعطي لوووون عجيييييييييب للشعر ويخلي الطبغه تبين كأنها جديده وهذا عن تجربه
طيب بقولج الحين طريقة التنفيذ ادري عورت راسج
اول شي سشوري شعرج على خفيف لانه ناعم مايحتاج وايد
بعدين قسميه الى خصل متوسطه بالتساوي خذي الخصله الاولى وحطي عليها كميه صغيييره من الموس (استخدمي موس لوريال احسن شي)
خذي الاداه الخاصه لعمل الفير ولو ماعندج موووووو مشكله خذي لفافات الشعر بس ماتكون كبيره وايد يعني حجمها يكون من وسط يميل للصغير شوي
المهم مشطي شعرج بعد ماتحطين الموس ولفي اللفافات بشعرج بعدين ثبتيها بدبابيس الشعر
سوي هالطريقه على كلللللل شعرج ليما تخلصين
خليها ملفوفه بشعرج
بهالوقت شبتسوين؟؟؟؟
(بتحطين المكياج بهالوقت عشان ماتملين وانتي تنطرين وطبعا عشان مايخترب مكياجج اذا حطيتيه وقعدتي مده طويله يمكن يسيح من الحر ولا شي)
المهم ليما تخلصين من المكياج يبيلج تقريبا ساعه وليما تلبسين الفستان وتخلصين كل شي ساعه ثانيه
نجي لشعرج مره ثانيه
خذي السشوار ومرريه على كل لفافه ليما يجف الموس يفضل تخلين حد يسويها لج اختج مثلا وممكن بروحج ولو كان في مرايه كبيره خلفج ومرايه ثانيه قدامج بيساعدج اكثر
المهم بعد ماتتأكدين ان كل الخصل جفت رشي على شعرج بالكامل طبقه من السبراي بس لاتكثرين
انتظري شوي وبهالوقت سشوري قذلتج او الغره واحلى لو تكون عباره عن خصل
بعد ماتخلصين فكي اللفافات او الرولات من شعرج شوي شوي وبحذر عشان ماتخترب لين تخلصين من فك كل اللفافات
رشي طبقه ثانيه من السبراي بس لاتنسين انج تلفين اللفافات على الشعره كامله يعني لين فوق عشان بداية الشعر ماتبين

واذا استخدمتي الاداه الخاصه بالفير بعد لاتنسين تعملينه من بداية الشعر
واذا حابه وزعي دبابيس صغيره بشعرج بس تكون نااااااااعمه وصغيره وايد مثلا تقدرين تستخدمين حبات اللولو مثل اللي بالصالونات او فراشات صغيره بس طبعا راعي لونها يناسب فستانج ومكياجج

اتمنى اكون افدتج واي استفسار حاظررررررررررررررين
واتمنى تكونين احلى وحده بينهم


تحياتي

__________________

ألف شكر لك يا مهاوي

تصدقين اني فاتحة الكمبيوتر وقاعدة اسوي المكياج ولما رحت لاهلي قالت امي وش تبين بالكوافيرة وانتي تعرفين
تسلمي يالغالية
المكياج واضح جدا وسهل و اسلوبك بالشرح بسيط
بالنسبة للشعر اتفقت مع اختي اني اروح لها ونسويه سوى
الله يعطيك العافية
والله انك حليتي ازمة عندي
مشكورة

العفو حبيبتي
واحنا خوات بالمنتدى ومالنا غنى عن بعض
واي شي تبينه انا حاظره ومن عيوني
تحياتي

__________________