إلى كل من يستطيع مساعدتي
السلام عليكم ورحمة الله وبركاته
من وقت طويل وانا اتابع مواضيعكم وخاصة المشاكل والحلول
واحاول اني الاقي حل لمشكلتي من غير مااضطر اني افصح عنها
لكن مالقيت مثل مشكلتي ولا اظن اني اسمع عنها غير في حياتي انا وبس
بعد ماقريت موضوع أم جمانه حق مكر النسوان اعجبتني رجاحة عقلها ماشاءالله عليها
وقررت اني اكتب الموضوع
بالرغم اني حاولت وحاولت اني اغير كل ماينغص حياتنا انا وزوجي بكل الطرق لكن من غير فايده
بداية الحكايه اني تزوجت صغيره في السن
وزوجي يكبرني بضعف عمري وافقت تحت ضغوط والدي سامحه الله
وبعد الزواج لا انكر ان زوجي احتضني بكل الحب وكان يعاملني وكأني طفلته ماني زوجته
لدرجة انه لما يحايلني يقولي ( يابابا )
مليت من معاملته لي وكأني طفله
لايثق في قراراتي ودائماً هذا جزء بسيط من المشاكل اللي تواجهني مع زوجي
اهمها اني حرمت من نعمة الإنجاب بسبب حادث بعد الزواج مع اني مازلت في العشرينات
ومااخبي عليكم ان زوجي وقف معاي خلال مرضي وسافر بي برا محاول انه يلاقي حل
لكن قدر الله وماشاء فعل ( والحمد لله الذي لا يحمد على مكروه سواه )
مع الايام كل يوم يدخل ووجهه عابس وإذا سألته قال فلان جاه ولد!
مع العلم ان عنده ولد والعديد من البنات من زوجته الأولى
وإذا قلتله طيب أنت ربي أعطاك ماحرمك الله يحفظلك
قال وايش المانع اني اطلب من فضل ربي ويجيوني عيال يساعدوني في شيبتي
مع العلم انه في الخمسين !
وفي يوم طرحت عليه إقتراح اني أخذ يتيم واخلي وحده من اخواتي ترضعه عشان يصير محرم لي وربيه عشان يشغل وقتي واشبع غريزة الأمومه اللي في داخلي
لكن جوابه كان الرفض وبشده !
حاولت معاه بكل الطرق من غير فايده
وفي يوم من كثر مااشوفه عابس وزعلان قلتله تزوج وجيب الأولاد اللي تحلم فيهم
قلت في نفسي اني بكذا اكسبه ويحبني أكثر
فرح ودارت فيه الدنيا من السعاده
وصار يسمعني من الكلام المعسول والوعود اني راح ازيد غلا وإذا مازاد غلاي ماينقص
وتزوج ......
وزادت علي الضغوط
كل مااروح مناسبه مع زوجته الجديده قالولي الحريم زوجك اعمى اللي ياخذ هاذي عليك
واعتزلت في بيتي عشان مااشوف نظرات الاستغراب والدهشه اللي اشوفها كل مره
وبدت معاملة زوجي تتغير وراحت الوعود ...
وفي يوم كانت الدنيا في عيني مثل خرم الابره قلتله ياابن الناس اذا انت شايف ان مالي داعي في حياتك خلاص كل واحد يروح لحاله
انت وحصلت على اللي تبغاه اتركني انا خلاص
كان جوابه غريب قال ايه تبيني اتركك عشان يجي واحد غيري يتمتع فيك !
ياسبحان الله !!!!!
طيب وانا معاك ليش ماتحاول تسعدني وتنسيني المأساه اللي انا فيها
مشكلته انه خلاص نسي وضعي وعاش حياته الجديده
واعتبرني مجرد ((( متعه )) للأسسسسسسسف
وانا مشكلتي عصبيه شويه مااعرف اعطيه وانا في نفسي شي عليه لو اموت
يعني اذا فيه شي مزعلني يبان على وجهي مااعرف اخبي
وصريحه زياده عن اللزوم يمكن هذا الشي اللي مكدر عليّ حياتي
رجاء خاااااااااااص للجميع اللي عنده حل يطمني يقوله لي بدون تجريح
وانا طالبه المساعده خاصه من أم جمانه لأأني حاستها ماشاءالله عليها الله يحفظها ويسعدها دنيا واخره ان عقلها كبير وممكن تقدر تساعدني
ولكم مني كل الشكر والتقدير واسفه على الإطاله
__________________
كل
الأحلام إن سكناها تموت
وإن وصلناها نموت
لجل هذا عندي حلم
تبقى كل أحلامناأحلام
((تنويه : حروف ليست من نظمي لكنها من نبضي ))
شمس أنهكتها الغيوم
22-07-2005, 09:19 AM
ضوابط المشاركة
العرض الشجري