السلام عليكم ..

الصراحه انا ماعندي مشكله ..

ولا ابي حلووول ..

بس ريلي ابيه يحس اني احبه شلوون .. ؟؟

اهواا عارف اني احبه بس ودي لو اقدر اشيله واحطه بعيووني

بس من كثر ماحبه احس بعد كل هالحب ماطلعت كل الل يبقلبي له

شلون اخليه يحس اللي شايلته بقلبي من حب له .. ؟

وشلون اهرف اذا كان يبادلني هالشي ..

صدقووني هالشي واحد شاغل بالي ادري شي بسيط

بس شسوي انا حدي حساسه ورومانسيه بهالمواضيع

ناطرتكم بليييز لا تخيبوون ضني فيكم

أختي إذا أردتي أن يحبك زوجك فترجمي أحساسيك الى افعال كيف ؟
* الكلام الحلو وسيبادلك زوجك بالشئ هذا
* الريحه الحلوه
* الاكل الحلو المتعوب عليه
* البيت الحلو وتنسيقه وتجميله
* العناية بزوجك من حيث الملبس .
* تقديم الهدايا المعبره .
* كوني دائما بجانبه إذا بحث عنك وجدكي .( يعني عدم الاكثار من زيارات الاقارب والصديقات .
فالاحسياس مثل الشجره وترجمتها مثل الثمره .
تحياتي

اهنيج اختي على الحب والوفاء الي نادر مايحصله الزوج من زوجته في هذا الزمن

حبيه ودلعيه وعطيه على قد ماتقدرين وخلي البيت جنه له وهني بحس بكثر حبج

له.
تحياتي بنت العالي

كلام رائع .. وما يحتاج ماشاء الله تبارك الله
توكلي على الله ... والأمر بسيط جدا .. ميسرة أختي

تحياتي وتقديري ؛؛؛

__________________
... ( بالحب نعيش أجمل حياة ) ...

الـــسلام عليكم ورحمة الله وبركاته ...

ابصراحه شي جميل انج اتحاولين تسعدين زوجج بكل الطرق وتبحثين عن ما لا يخطر على باله ...

أنا بضيف على كلام أخواننا وخواتنا أشياء حلوه وبتفيدج باذن الله ...
شوفي اذا طلع زوجج سواء في مشوار أو سار الدوام حاولي تتصلين فيه على فترات عشان تتطمنين عليه واتبينيين حقه انج اشتقتيله وحبيتي تسمعين صوته .. عشان تاخذين بور أو طاقه .. صدقيني بيستانس وبيسمعج كلام ما يخطر على بالج وبتكبرين اف عينه لانه بيحس باهتمامج ... وهالشي خليه طبع فيج على طوووووووول ...

وحاولي مثلا اذا كان بيطول انج اتسوين حقه كم أكله حلوه وجديده ما جربها من قبل ... بس لا تنسي اتوصينه اييج يوعاااان وما ياكل لقمه برع ...^__^ عشان ما تاكلين بروحج

وبعد حاولي اتغيرين في جو البيت او غرفه النوم بالاخص .. و سويله كم مفــاجأه حلوه .. مثلا قصاصات ورق مكتوب عليها عبارات حلوه في أركان متفرقه من الغرفه أو اكتبي على المرايا عبارات مختصره وجميله مثل .. أحبــك .. أو .. وحشتنــــــي ... و غيره

كل ما يرجع من برع استقبليه عند الباب بالأحضان والقبلات .. عشان لما تزعلين منه ايحس انه في شي ناقصه ...

إذا كان ايداوم الصبح حاولي انج اتنشين قبله .. تصلين وتتغسلين وتسيرين المطبخ اتسوين حقه الريوق بايدج .. وعقب اتوعينه وتسبحون ويا بعض لو امكن .. ولا تنسي اتأكلينه لو أول لقمه بايدج ... ترى غير المحبه الي بيحس فيها انتي بتكسبين فيها أجر ..

لاااااااااا تعاتبينه على أخطاءه أبـــــــداااا ... اذا كنتي مضايجه من شي منه ممكن اتبينيله لكن لا اتطولينها وياه .. ترى مشكله الرياييل انهم يتسرعون في الحكم علينا نحن الحريم .. أبسط شي بيحس انج متسلطه واتعاملينه مثل الأطفال وتتحكمين فيه ..

وعندي لج نصيحه بتقربكم أكثر واكثر من بعض .. جيبي المصحف الكريم وحاولوا تقرون بصوت عالي سوره في القرآن الكريم بصوت عالي وبترتيل جميل .. صفحه انتي وصفحه هو .. بتحسون انه في خشوع ونقاء و قلب صافي يطغي على شعوركم ...


وأتمنــــــــــــــالج السعاده ويا ريلج في الدنيــا والآخره ان شاء الله ...

يارب يدوم عليكم السعاده

بس كم صارلك متزوجه

__________________
ارجوكم دعواتكم لقريبتي بالشفاء العاجل بان يرجع لها بصرها ويشافيها من الجلطات الي اصابتها ويرحم ضعفها وترجع لها عافيتها ويرجعها لاطفالها وزوجها سالمه اللهم امين


لايرد القضاء الا الدعاء

*

ما أقدر أقول

إلا


هو بنعمة

بس مش حاسس فيها

وعلى قولة المثل

يعطي حلق للي ما لوش ودان <<< أذان



حقيقة أنت نعمة له

والله يوفقك ويسعدك مع زوجك :14: :14:


.

نياله والله انتي هدية من السما نازلة عليه
ربي يوفقكم ويخليكم لبعض