خطيبي مغرور - منتدى عالم الأسرة والمجتمع

01-08-2005, 01:21 PM

مزيونة قطرر

عضو جديد

تاريخ التسجيل: May 2005

المشاركات: 12

خطيبي مغرور

السلام عليكم أخواني وخواتي[]

انا عندي مشكله ومب عاااااااااااااااااااارفه اتصرف فيها صار لي ثلاث شهور مخطوبه يعني معقود قراني المهم .. خطيبي طيب وخلوق بس مشكلتي انه مغرور من كلام خواني عنه من اول الخطوبه كله يسالني شنويقولون عني؟؟؟ وهلي مايقولون الا شايف نفسه وطبعاً انا ما اقوله شي وحتى من اول ماخطبني يقولون هو يبي وحده حلوه نفسه ما يبي وحده يشوف حد من عقبها وانا اعرف اني عاجبته بس هو يعرررررف اني احتاج حنانه وحبه واقوله انك تعرف اللي ابيه وانا من طبعي اني واضحه وحنونه بشهادة هلي طبعاً بس هو مب عاااااااااارفه شلون اوصفه لكم احس كاني أطر واتوسل منه المشاعر ولما يقولها احس انه كذاب لانه يقوله عشان خاطري وتعامله معاي كزوج ما احس فيه كحبيب ولما قلت ابي اكون اكثر من زوجه لك قالي في علاقه تربط بين واحد ووحده اكثر من الزواج دايم يبغيني اسحب الكلام الحلو منه ما احس انه يدلعني لا ويقولي الدلع يجي بعد الزواج لما تكونين عندي هذي بعد ما اعرف شلون وفي اخر زياره له صار يتحرش فيني ويبوسني بس انا احس انه لازم اعطيه ويهه عشان هو زوجي ولا اتفاعل معه وانا معاه في هذي الحظه قعدت اصيح لاني مب عارفه اكون معاه لانه ما قالي انه ممكن يصير بينا شي او حتى ماكان يجيب طاري الا بغشمره واللي يخوفني منه انه يكون في الزواج جذيه مافيه رومنسيه او مقدمات هو دايم تفكيره شلون تعرفين فأخاف انسجم معاه ولكل يقولي لاتعطينه ويهه

ابليز ساااااااااااااعدوني لاني مب عااااااااااااااااااااارفه اتصرف معاه اسمع قلبي او ربعي واللي حولي؟؟؟؟؟؟؟؟؟؟؟؟؟؟؟؟؟وهو مسافر وبيجيني يوم الخميس ؟؟؟[/[/align][/I]font][/size]

01-08-2005, 01:53 PM

alhanoof

شمعة المنتدى التى لاتنطفئ

تاريخ التسجيل: Jan 2004

المشاركات: 4,250

هلا بعيوني ...

أول شي أحب أقولك .. ألف مبروك ... والله يوفقك إن شاءالله ...

وبدون أي مقدمات بقولك حاجه وحطيها في بالك ...

إذا تبغين الستر و زوجك وبيتك معاه ...... خلي كلااااااااااااااااااااااااااااااااام أهلك وربعك ورا ظهرك ...

حبيبتي ..

من الحلووووو أن تكون حياتك خاصه مع زوجك وبس ...

بس شكلك أنتي تتكلمين عن زوجك عند ربعك ... تدري ليه عرفت ..؟

لأنك تقولين ..

اقتباس:

اسمع قلبي او ربعي واللي حولي؟؟؟

أنا أقولك ... وأخذيها نصيحه من أختك يابنت بلادي .. أسمعي قلبك وفكري بعقلك وماعليك من أي إنسان مهما يكون ..

إذا تبغين حياتك تنجح ... وتستمر ... وإذا أنتي الله لايقول مستعده عشان تخسريه أسمعي كلام فلان وعلان ..

وشكلك تأثرتي كثير من كلامهم .. عشان كذا حسيتي أنه مقصر معاك .. مع أنه يحبك .. أكيد يحبك ..

شوفي ياعمري ..

مافيه شي .. يصير في يوم وليله ... أصبري وبتنولين ... مستحيل أنك بتغيرين طباع زوجك من أول الأيام .. صدقيني أنه مع العشره والأيام الحلوه بيتغير هو من نفسه ..
حسسيه بأنوثك .. تدلعي عليه .. بس بإعتدال عشان مايمل ...

عطيه الكلام الحلوووو .. وعلقي قلبه فيك .... وساعتها بتشوفين من المتكبر أو المغرور ..

ياعمري ترى الإنسان جايز أنه يغتر على الكل .. إلا اللي أهداه قلبه ....!!

نصيحتي لك ..

لاتتكلمين عن زوجك عند أهلك أو ربعك ... حاولي تحلين مشاكلك لحالك .. وكل مايسألونك عنه قولي لهم الحمدلله بخير وماعليه شر ..

لاتروحين تقولين له .. قالوا كذا كذا ... وتقولين لهم .. قال وسوى وفعل ...!

كرسي له حياتك وهو بكل تأكيد بيعطيك عمره وقلبه وحبه وحنانه وكل شي ..

طيعي كلامي هالمره ... وبتشوفين ..

وضبطي نفسك هالمره .. قبل ليرجع من السفر .. ورتبي له المكان اللي بتجلسون فيه .. وخلي الجو رومانسي .. وهادي .. وبعيد عن أي شي يثير الأعصاب .. تقدرين تحطين شموع .. وتاخذين له هديه بسيطه وحوطيها بالورد الأحمر وأكتبي له بإختصار .. وحشتني ...!!
بذمتك .. وش الانسان اللي ماراح يتأثر بهذا الكلاااام ...؟

حبيبتي ..

قبل الختام .. أحب أقولك .. اذا أنتي تبغين حياه سعيده لاتدخلين أهلك وربعك .. ولاتخلين كلامهم يأثر على علاقتك ... ترا زوجك يحترم ويصونك ويحبك .. حافظي عليه وماعليك من أي أحد ...

أتمنى أني ماطولت عليك ...

أتمنى لك التوفيق .. وإن شاءالله تبشرينا عن تطور حالته معاك للأحسن

تحياتي لك يالغاليه

أختك الهنوف

01-08-2005, 01:54 PM

محبكم المشتاق

موقوف

تاريخ التسجيل: Jul 2005

المشاركات: 135

أختي الكريمة وفقها الله

وجهة نظر شخصية كوني معه رسمية حتي تتمكني من معرفة اخلاق الرجل فشباب هذه الايام غريبين الاطوار وتفكيرهم ضيق ونظرتهم

للامور ايضا ضيقه وقد تحسب عليك بعض التصرفات مع العلم أنه زوجك من الناحية الشرعية لانه كما ذكرتي عقد عليك لكن من الناحية

العرفية ما تزالين مخطوبة والحذر مطلوووووووب من شباب هذه الايام.

01-08-2005, 02:02 PM

ابو سحايب نجد

قلم مبدع

تاريخ التسجيل: Aug 2004

المشاركات: 693

أختي انا مع الاخت الهنوف تماما واحب اضيف مايلي :
لا بد أن يكون لك رأيك الشخصي بدون تدخل الاخرين ويكون عندكي معاييرك الخاصة وليس إذا مدحوه أقربائك مدحتيه وإذا سبوه أنزعجتي .
من راقب الناس مات هما .
بالطبع هناك معايير نستقيها من الكتاب والسنه ( الدين والخلق ) بالنسبه للرجل والباقي تستطيعين تطويعه وتغييره ولكن المسأله مسألة وقت ومهاره منك .
وبالتوفيق لك يأختي في الدنيا والاخرة .
تحياتي

01-08-2005, 02:05 PM

مزيونة قطرر

عضو جديد

تاريخ التسجيل: May 2005

المشاركات: 12

مرحباااااااااااااااا الهنوف مشكورررررررررره على هالنصيحه وبحاول اسويه لانه جد من كلامهم قفلت عندي عدل

واخوي المشتاق مشكور على وجهة نظرك وصح كلام الواحد لازم شوي يحرص يعني لا تحاتي انا قد ماقدر احاول اشوف تفكيره بس هو اللي ذابحني

غرووووووووووووووووووووووووووووووووووووره يعني لو يتنازل شوي

01-08-2005, 02:22 PM

بنت العالي

عضو جديد

تاريخ التسجيل: May 2005

المشاركات: 47

سلام عليكم

اختك الهنوف وفت وكفت ماقصرت سمعي كلامها بالحرف الواحد ونفذيه

لان كلامها كله حكم وذرر لان المفروض المراه ماطلع اسرارها مع زوجها لاي شخص كان

وتحل مشاكلها مع زوجهابدون تدخل اي احد لان تدخل الناس يزيد الطين بله ولاتسمعي كلام

اي احد :

تحياتي اختكي بنت العالي)

01-08-2005, 02:20 PM

alhanoof

شمعة المنتدى التى لاتنطفئ

تاريخ التسجيل: Jan 2004

المشاركات: 4,250

لاشكر على واجب ..

بس صدقيني يالغاليه .. أنا متزوجه من سنيييييييييين ... وعارفه كل اللي أنتي تمرين به ... وحاسه فيك ... بس نفس ماقلت لك .. ترا الانسان يتكبر على اي شخص إلا اللي أهداه قلبه ...

صدقيني يالغاليه .. أنا تمنالك كل خير .. وسعاده وتوفيق .. عشان جذي أنا خايفه أن أفكار أتسمم من كلامهم عنه ... خلي الغرور على صوب .. شوفي قلبه وطيبه قلبه وحنيته عليك ... ألمسي لو شي واحد فيه ... وأتركي الاشياء اللي ماتعجبك فيه ... لأنه بيتغير بكل تأكيد ...

والأخ الفاضل بوسحايب ماقصر ويااااااااااااااااااااك في الرد السليم ... والمفروض انك تقتدين بشخص مثله جرب الحياه وعرفها عدل .. ولاتسمعين للبنات .. لأنهم بكره بيتزوجون وهذا وجهي إذا اسمعوا منك كلمه وحده ... كل اللي بتسمعينه ... هاااا .. لا لا حرام هذا زوجي ..!!

صدقيني يالغاليه أنا يمكن يكون عمري 22سنه وصار لي متزوجه من 7سنوات.. بس تعلمت من هذي الدنيا أشياء كثيره وتعلمت أن محد بنافعك غير زوجك ...

تحياتي والله يوفقك وألف شكر للأخ بوسحايب على مشاركته لك ...

ولاتنسين

اقتباس:

من راقب الناس مات هماً

التعديل الأخير تم بواسطة alhanoof ; 01-08-2005 الساعة 02:22 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه