بسم الله الرحمن الرحيم

الأخوة الكرام أعضاء المنتدي السلام عليكم ورحمة الله وبركاته

كتبت اليوم علشان الاقي تفسير لكل شئ بيدور في بالي وكي لا اطيل عليكم سأدخل في التفاصيل انا فتاة عمري 22 سنة مخطوبة من سنة وعن قصة حب كبيرة جدا قائمة علي الاحترام والود والالتزام الشديد جداا لمدة اربع سنوات وهي فترة عملي مع خطيبي اتخطبنا وكتبنا الكتاب مع الشبكة واصبحت زوجتة أمام الله ولكن بطبيعة الحياة التي اعيشها موضوع كتب الكتاب دا كأنه لم يكن كأنها مجرد خطوبه عادية بالنسبة لأهلي فلا نجلس سويا لحالنا الخروج نادر لما نخرج لوحدنا وتبقي في حال انه يجي ياخدني من مكان عملي وبس هو معترضش ولا انا بالعكس احنا الاتنين كنا حابين قوي اننا نحافظ علي كل شئ لحد ما ربنا يأذن ونكون مع بعض في بيتنا لكن يا اخواني اصدقكم القول فجأة وبدون اي مقدمات بدأ خطيبي يتحدث الي انني لا اقول له كلاما ناعما رقيقا كما يحدث بين المخطوبين وتارة اخري بدأ يغضب من ذلك وبدأت علي قدر استطاعتي اني اتكلم معاه ببقي حاسة اني بتكلم في حاجة غلط مع انه يلتزم رغم كل دا بحدود الأدب والمسموح فلا يتلفظ باي لفظ خارج ودا كان بعد محددنا ميعاد الفرح لكن حصلت ظروف وتأجل الفرح لمدة 6 شهور جاية المهم من حوالي شهر بدأت كل تعاملاته معايا تتغير وفي يوم قبل ما يسافر لعملة جه علشان يسلم عليا وفي الوقت دا كنت في عملي لكن كنت في مكان العمل بمفردي جلسنا نتحدث فوجدته يقبل يدي وبعدها فاجاني بقبلة كان حاجة تانية غير ما اتعودنا خالص اتفاجات زعلت اتضايقت لكن محبتش احسسة اني زعلت علشان ميمشيش زعلان وزعلي دا كان لاني مكنتش حابة ان حاجة زي دي تحصل دلوقت , بس مش عارفه ايه اللي غيرة فجأة قلت بيني وبين نفسي انه موقف ومش هايتكرر لكنه اتكرر تاني ومش عارفه حاسة اني بدأت اتعود منه علي شئ زي دا , انا فعلا نفسيتي تعبانه بسبب الموضوع دا مش عارفة ايه حصل لينا وليه هو عمل كدا؟؟؟كمان سالته ليه بتعمل كدا قالي مش عارف ليه دا حصل !!!! ومش عارفة ليه انا مش بعترض ووقت الشئ دا بحس نفسي مبسوطة كتير انا بحبة جدا وهو كمان لكن خايفة مش عارفه ليه ؟؟؟ نفسي اكلمه في ان اللي بقي يحصل بينا دا ما يتكررش تاني وخايفة يزعل , مش عارفه اعمل ايه ...؟؟؟ أرجو منكم الرد بسرعه
آسفة للاطالة