ول .. ول .. ول .. كل هذي الألفاظ وساكت .. !! - منتدى عالم الأسرة والمجتمع

20-08-2005, 11:40 PM

الجواب

عضو جديد

تاريخ التسجيل: Jun 2005

المشاركات: 13

ول .. ول .. ول .. كل هذي الألفاظ وساكت .. !!

السلام عليكم؛

موضوعي يا إخوان بإختصار ، أنا زوجتي تحبني وأجدها بالفعل تحترمني وتحاول قدر المستطاع ماتسئ لي ، راح تقولون بعد شوية إش هذا التناقض ، كيف تحبك و ...!!! ...

زوجتي لما تعصب تنسى نفسها . ونا بصراحه مكبّر عقلي وأحاول كثير إني أطنّش ! الموضوع : إذا عصبت أسمعها وهي ماشية يعني ماتقولها بجرأة ووجه لوجه ودليل على عدم قدرتها على كذا !!

المهم إش تقول .. مثلاً وهي ماشية ومعصبة علي : الله يشيلك إن شاء الله - الله ياخذك - حقير - عمى في شكلك - الحياة معك تقرف. بس بس بس راح تقولوا الله كل ذا وتقول انها تحترمك وتحبك !!

صدقوني انها تحبني بشدّة وتقول كذا لأنها تفقد أعصابها . ونا أسوي نفسي ماسمعت عشان أحفظ كرامتي وشخصيتي . الرجل لازم يقدم تنازلات ويكبّر عقله شويتين - بس مرات أزعل ويطفح الكيل ولما تجي تصالحني وترتمي بحضني وهي تبكي من غلطها وأقولها ترى أنا مو ضعيف لأني أطنش ولا إني مهزوز الشخصية لا بس لأني صاحب شخصية متفهمة وعندي حكمة في أمور كثيرة أسكت وأسوي نفسي ما سمعت ويمكن تتعدلين .

بصراحة هي تقول أنت تستفزني وما تتفاهم ! بالفعل أنا في أمور ماعندي فيها رمادي يا أبيض يا أسود وفهتمها هذا الشئ وكررت عليها اش هي الأشياء هذي ولا عاد تعيدينها وتزيدينها معي . وتقول أبشر . ولكن ترجع مع مرور الوقت وتزيد وتعيد .

ويا إني سمعت كلام أمس .. ول ول ول بس سويت نفسي ماسمعت برظة ونايم . لكن مسكت في راسي وطفشت بصراحة ، أنا رجل أحب أعيش في هدوء وما أحب الحرمة تعاند وتصارخ . ولو ما أعرف طيبتها ونها تعاني من العصبية كان بالفعل ضربتها .. لكن مو حل للمشكلة ..

بصراحة صرنا كثير كثير ايام من الشهر متخاصمين ،، يعني كل اسبوع ناخذ لنا يومين ، وتركها لين ترجع وتبكي وسط حضني تطلب العفو . بس أنا ملليت وقلتلها ترى أنا أحب الهدوء فخفي علي الله يرضى عليكي . تقول انت خلليك متفاهم معي انت اللي تستفزني وماتعيريني اهتمام ،، ليش انته من دون الرجال شوف فلانه وفلانه ليش انا تمنعني بس عن هالشئ ولا ترضاه شوفهم كيف مع زوجاتهم ليش تخليني أظهر اني ضعيفة ومتحكم فيه .

قلتلها انا رجل وشخصيتي مستقلة عن غيري . يعني مو مثل فلان وعلان لازم أنا أكون ، أنا لي مبادئ خاصة وقوانين معينة أسير عليها في حياتي الزوجية .

قتلها أمس والله ترى أبدور الراحة مع غيرك وبتزوج ، ونتي الظاهر ما بتتعدلين . وحنا صار لنا قرابة 5 سنين متزوجين لكن مافي فايدة والي مأخرني من أول إنها بالفعل ضعيفة وتموت فيني لكن عصبية وألفاظها بصراحة تجرحني لكن أسوي نفسي

لا تقولون إنته ضعيف الشخصية

تراني كنت ألعب حديد

لكن بالفعل بديت أفكر جدياً بالزواج من أخرى وهل تعتبرونه حل ؟ وهل معي حق لمثل هذا السبب أني أتزوج ؟

والله ودّي أرتاح ،، ملليت من الخصام والزعل وطولة الصوت ، بس تدروا ممكن أنا عودتها وكانت نظرتي التحليلية خاطئة لما قلت عصبية ،، ونا كذا تركتها تتمادى، بس فهتمها لكن مافي فايدة

سلام عليكم ..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه