بسم الله الرحمن الرحيم

السلام عليكم ورحمة الله وبركاته

إخواني اعضاء منتدانا الجميل أعود اليكم اليوم باستغاثة تحمل كل علامات الاسف لأنني منذ حوالي اسبوع كتبت لكم رسالة عن أفكار جديدة لاستقبال خطيبي واعطيتموني أفكارا أكثر من رائعة مشكورين حميعا عليها لكن كما يقال تأتي الرياح بما لا تشتهي السفن فقد قدم خطيبي الي البلدة ليجد كما من المشاكل لا حصر لها بدأت بمعرفته أن أخته بالمستشفي إثر حادث وكان ذلك وقت وصولة وطبعا ماسأل في ومعذور لان كتير الصدمة كبيرة لكن ما كان بايدي أعمل شئ .... ثانيا مفيش يومين وبعدين اصيب بخسارة قدرها 14 ألف جنية في مشروع المهم المشكلتين دول قلبوا الاجازة وخلوها نكد كلها بصراحة لدرجة اني اتخنقت اولا لاني معرفتش اخفف عنه بطريقة أو بأخري لاني كنت كل ما اتصل عليه ملقهوش بالبيت وفي يوم ما كلمته رد عليه بطريقة وحشة جدا لدرجة اني مكنش عندي اي فرصة اني اواسيه فاي من اللي حصل له المهم انا زعلت جدا لاني مش عارفة اكلمه من 4 أيام ويوم ما أجي اكلمة يتكلم معايا بطريقة كتير وحشة وبايخة زعلت ولما جه علشان يسلم عليا قبل ما يسافر تاني كنت لسه زعلانه منه كتير فكلمته بحده شديده جدا واتعاركنا بسبب الموقف دا وبعدين هو اعتذر وحس بخطأه لكن بجد أنا لسه متضايقة من موقفة معايا في التليفون وبعدين كان مفروض يجي بعد 10 أيام لقيته نازل فجأه امس وبرضه جه لاني زعلانه وحالتي وحشة جدا اتضايق ومشي لاني رديت عليه باسلوب مش تمام ومش عارفه أعمل أيه اعالج الموقف دا إزاي مش عارفه خصوصا اني بجد يعز عليا اوي انه يزعل مني لكن انا زعلت من موقفة رغم اني حاسة انه معذور بناءا علي كلامه ... نفسي بجد الاقي عندكم حل وتقلولي اعمل ايه علشان ازيل اثر الموقف البايخ دا وترجع الامور طبيعية كما كانت وياريت فعلا تقدروا تلاقوا طريقة أخرجه بيها من كل اللي هو فيه من حزن وهم وكمان نفسي تقولوا لي علي طريقة تجدد العلاقة بينا وتضيع اثر الموقف السئ اللي حصل دا أنا آسفة للاطالة

في انتظار ردودكم لا تغيبوا عليا لان الموضوع جد متعب نفسيا جدااااااااااااااااااااااااااااااااا

تقبلوا تحياتي