بسم الله الرحمن الرحيم

أخواني وأخواتي اعضاء المنتدي اكتب اليكم وأنا منهارة نفسيا ممافعله والدي وأرجو ان تساعدوني لكن هذه المرة قصتي تكاد تكون طويلة فاحتملوا اختكم وسأحاول ان اختصر أحداثها

إخواني وأخواتي انتم تعلمون أنني مخطوبة كتوب كتابي من فترة وتعلمون ان خطيبي يسافر ويرجع كل 10 ايام واحيانا أكثر وبعد ما بيرجع بيقعد في البلد اسبوع وبعدين يسافر وهكذا المهم ان ابي موقفه غريب تجاه خطيبي ومش عارفه ايه السبب في البداية كان بابا رافض ارتباطي بخطيبي بالرغم من اخلاقة وتدينة واحترامه والكل بيشهد بكدا حتي بابا لكن دايما يفتعل المشاكل بدون سبب المهم يا أخواني خطيبي جه الاجازة دي ويمكن قبل كدا انا كتبت لكم وقلت انه متضايق وما بيتصل عليا ودا علشان الازمة اللي هو كان فيها واللي شرحتلكوا ظروفها قبل كدا المهم خطيبي جه وهو محضر مفاجأه لي كل ما افتكرها ابكي لموقفي وقتها المهم خطيبي جاني البيت وخرجنا نبارك زواج اصدقاء لنا وفي اليوم التالي كان المفروض انه معزوم عندنا علي العشاء لكن هو اتصل واعتذر بشدة لانه كان مشغول وبصراحه قبلنا عذرة لكن اللي حصل اننا قلنا لبابا انه مش هايتعشي معانا علشان ظروف وبابا بصراحة مقلش حاجة المشكلة ان خطيبي اتوفق في انه ينهي مشوارة بدري واتصل عليا قال انه جي بس ماتعمليش حسابك في اننا نتعشي سوي وخليها ليوم تاني المهم جه وبابا اتكلم وحكالي علي مشوارة واللي تم فيه كل دا وبابا قاعد مخنوق منه وبيتهئ لي انه كان عاوز يقولة يمشي المهم استاذن خطيبي بعد ما اتكلمنا في كل شئ ناوي يعمله واستأذنا نروح لنبارك زواج اخته اللي طلبت منكم تساعدوني في اختيار الهدية ليها المهم بابا وافق ومشي خطيبي وفوجئت ان بابا بيقولي هو ليه جه مش قال انه مش جي قالت له اللي حصل انه خلص مشوارة وجه عادي يعني لقيت برضه عصبي وبيكرر السؤال فقلت له بابا يعني كنت هاعمل ايه ؟؟؟؟ يعني كنت هاقول ليه انت جيت ليه ثار عليا ونزل عليا ضرب ومعرفتش ايه السب سيبت بابا بعد مخلص كلامه معايا ومشيت من غير ما اقول اي شئ لسبب علشان موقفي مع ابويا حساس نظرا لاني من أعول البيت الآن بعد مرضه من 4 سنوات المهم مشيت وانا كل الم ومرارة من اللي حصل لي المهم قلت مش مشكلة خطيبي مشفش حاجة تاني يوم ودا كان امس لقيته بيكلمني بطريقة جافة فقلت مالك يابا ودا علشان اصالحة بالرغم من موقفة اللي مقدرتش احدده برضه كانت ردة فعله عنيفة جدا عليا برضه قلت اسيبة يهدي ومتكلمتش لحد ما جه ميعاد ذهابي انا وخطيبي لأخته وجهزت نفسي لحد ما جه خطيبي تخيلوا ان بابا مكلمهوش ودخل قعد في الغرفة اللي احنا فيها بدون مايقول السلام حتي وكان شكلة صعب قوي المهم خطيبي لاحظ لكن معلقش علي حاجه غير بعد ما مشينا سالني قلت له مفيش دا سوء تفاهم بيني وبين بابا وانت عارف طباع بابا شديدة شوية معلش متزعلش منه سكت بصراحه لان الوقت مكنشمناسب لأي كلام رحنا لاخته وخرجنا من عندها اتعشينا في مكان حلو وكانت المفاجأة هدية جميلة وحاجة كانت نفسي فيها من سنة من فرحتي بيها بكيت لسبب واحد هو بيعمل معايا ايه وبابا بيقابل كرمة وذوقة معايا ومع كل اللي في العيلة باسلوب وحش قوي وكأنه بيعقبنا علي اننا اختارنا بعض المهم رجعنا البيت وروحت غرفتي اغير ملابس الخروج لقيت بابا سايب المكان اللي خطيبي قاعد فيه وانتقل لغرفة أخري وسابه لواحدة قعدت مفيش 10 دقايق بعد ما خلصت ونزلت علشان اقعد مع خطيبي فوجئت بابويا بينادي عليا بطريقة قاسية اوي طلعت بقوله نعم يابابا قالي نظفي البقيت كله وامسحية دلوقت وجهزي لي عشاء غير دا استغربت جدا ازاي هاسيب خطيبي قاعد لواحده واعمل دا وبتاخد الحاجات دي وقت المهم قلت لبابا حاضر وبدأت فعلا ارتب في البيت واخويا قعد مع خطيبي اللي هايتجنن ويعرف فيه ايه علشان يطمئن عليا المهم خلصت دا في ساعتين ونزلت اقعد تاني لقيته بينادي عليا تاني وبيقولي ايه اللي مقعدك تحت ؟؟؟؟؟؟؟؟؟؟ استغربت جدا وبقيت مش عارفه اقول ايه المهم قلت له خطيبي بيسأذن يمشي وعايز يسلم عليا قالي طيب بسرعه واطلعي المهم نزلت وفعلا خطيبي مكدبش خبر وراح قايم ماشي وهو زعلان جداااا بعدها فوجئت ان بابا عايز يفك ارتباطي بخطيبي لمجرد انه مطلعش في شريط الفيديو بتاع الفرح بتاعنا ودا قال لان خطيبي كان قاصد دا علشان يرد بيه علي انه طرده من بيتنا قبل الفرح بيوم وكان رجع ليه حاجته وقاله مفيش جواز يابني وانا فلا اعلم ان خطيبي مظلوم جدا وان دا مكنش مقصود وانه خطا المصور المهم دا السبب في كدا ودلوقتي مطلوب مني اقول لخطيبي ميجيش طول اجازته غير يوم واحد بس وله ساعة يقعد معايا فيها ومفيش خروج ولا تليفون واذا معملش كدا يفك الارتباط اللي بينه وبيني وانا بجد هاتجنن ....... المهم انا قلت لخطيبي علي موضوع الزيارة دا وكانت حجتي ان الدراسة واخواتي هايذاكروا وحاجات زي كدا لكن هو فهم كل شئ وقالي متزعليش معلش استحملي وانا متخافيش مش فارق معايا اللي باباكي دا بيعملوا وهاستحمل لحد ما تخلصي جهازك ويجي الوقت المناسب للدخول ودا بس علشان احافظ عليكي وعلي صورتك انتي قدام الناس وتخرجي من بيت ابوكي بزفه وفرح وابوكي يكون وكيل ليكي ودا يهمني اوي فحاولي تستحملي بصراحة انا كلام خطيبي طمني لكن انا خايفة من ابويا خاصة وانه ممكن يعمل اي شئ وبدون ما ياخد راي حد وان بحب خطيبي "زوجي" موووووووت ومقدرش اتخيل نفسي ولو للحظة بعيدة عنه قولوا لي أعمل ايه ؟؟؟؟؟؟؟؟؟؟؟ هاموت ألحقوني بآرائكم ومتتأخروش عليا
وآسفة للاطالة
تقبلوا تحياتي

اختي ، ما دام انه تم عقد القران ، وانتِ تحبين زوجك وراضية عن دينه واخلاقه ، اتفقي معه على تعجيل الزفاف ، انتِ الان زوجته شرعا ولم يتبقى الا شكليات الزفاف ، اخشى انه مع الوقت ستحصل مصادمات بين والدك وبين زوجك ستدفعين انتِ ثمنها ، ما دام والدك قد وافق على تزويجكِ به من الاساس فذلك يعني انه لم يجد به ما يعيبه كزوج لكِ ، ولكن هناك امور خفية اخرى تؤدي بوالدك للتصرف على هذا النحو واعتقد ان احد ابرز اسبابها هو خشيته من تدهور حالته المادية بعد ان تخرجي من بيت اهلك ، بما انكِ تقولين انه معتمد عليكِ في مساعدته .
اتفقي مع زوجك على الاسراع في اجراءات الزفاف ، وصارحيه بأنكِ تحبينه ومتمسكة به وتخشين من اثر اي خلافات بينه وبين والدك دون الدخول في التفاصيل.
وفقكِ الله.

مثل ما قال خطيبك.. استحملي وحاولي أن لا تعترضي والدك وعدي الموضوع على خير.. والحمد لله زوجك طيب وياخوفي يتعلم من أبوكِ.. إجلسي مع والدك في لحظة صفاء وفهميه أن معاملته السيئة لك أمام زوجك قد تأثر سلبياً على علاقتك بزوجك في المستقبل.. والدك يحتاج لأن تطمنيه أنك لن تنسيه هو خائف من ذلك لذلك يتصرف بعدوانيه تجاه زوجك لأنه هو الذي سوف يأخذك منهم.. اصبري وادعي الله العلي القدير.. كلها كم شهر وإن شاء الله تفرج.

وفقك الله لما يحبه ويرضاه..

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]

أختي الكريمة

شكراا علي ردك الجميل أنا عن نفسي انا وزوجي نفسنا ندخل خاصة ان زوجي معندوش اي مشكلة بالنسبة للشقة والحمد لله لو بابا قاله الصبح هاعمل الفرح مش هايعترض المشكلة في الحل دا يا أختي هو أنني لم أبدا في العمل علي اكتمال جهازي بعد "أي المتطلبات التي تأتي بها العروس في بلدنا" واللي هي عبارة عن ادوات المطبخ كلها والمطبخ وفرش الشقة بالكامل وبالرغم من ان خطيبي بيقول لبابا وأهلي انه لايحتاج كل هذه الأشياء ولا اي شئ ولا حتي فستاني هو هايجيبة لي لكن مفيش فايدة بابا عايزنا نستني سنة كمان مش عارفه أعمل ايه ؟؟؟؟؟؟؟؟؟؟؟؟؟؟؟؟؟؟؟؟

أختي الفاضلة ميس هاوااي

أشكرك علي مشاركتك ولا تنسيني بالدعاء

أختي مشكلة أبيك عادية جداً ومو من المفروض كل هذا اللي سواه

حاولي ترضيه بأيّ شكل أنت وزوجك وخلي زوجك يجيب هدية يحبها أبوك ................ ترى الهدية تزيل الضغينة والمشاكل خاصة إذا كانت من النوع اللي يسعد فعلاً وكانت في محلها فإنها تقع في القلب موقعاً كبيراً

وحاولي أن تقللي من زيارة زوجك لك في هذه الأحيان حتى تتم الخطة السرية السابقة وهي الهدية المرتقبة وننتظر النتيجة

__________________

حبيبتي انا من رأيي جوزك معاه حق وهو ذكي وصح استحملي ابوكي لغايه ما تتزفي وبعدين مفيش قوه فالدنيا تبعدك عنه وبعدين انتي عايزه تعدي مع ابوكي ويكون وكيلك خلاص مقابل ده استحملي ابوكي عشان جوزك وربنا يوفقك وتجمعوا في بيت واحد وتكونوا اسعد زوجين ومتنسيش تدعيلي ان مشكلتي تتحل وارجع مصر وشكرا

__________________
أختكمwardet2006


اللهم فرج كربتنا جميعا يا أرحم الراحمين

ليقلل زوجك زياراته إلى حد كبير ..

فمن الواضح أن أبوك بدأت تشتعل نيران الغيرة في قلبه ..

هو يحبك ، ويحتاجك ، ويخشى أن تنسيه ، خاصة وهو يلاحظ كيف تحبين زوجك وكيف يحبك ..!!

عشان كذا من الأفضل أن لاتظهري حبك لزوجك أمام أبوك أبدا ..

وأمر آخر حسسي أبوك أنك لن تنسينه وأنك تحبينه اكثر من كل الناس بل وأكثر من زوجك..

تصرف أبوك كان خاطئا للأسف ، ولكن يظل أبوك ..!!

لذا عليك بمراعاة مشاعره ، وعدم إظهار حبك واهتمامك بزوجك ..وستنحل المشكلة إن شاء الله !

__________________
أحب جبالك يالجنوب وأحبك لأنك أنتي الجنوب