وصوتها به من الحزن ماحمل
وقلبها غاص بكلمات وعتاب وألم
هجرها وهو معها لاتفه سبب ...



احيانا كثيرا اخواني وأخواتي الغاليات
نجهل الاسباب حينما يحل طارئ عتاب
نحن نساء لكننا لازلنا نجهل اشياء كثيره
بأزواجنا لانفهمها مهما عشنا معهم سنوات طوال
فالكل بهذه له طبعه ومزاجه المختلف والمتقلب
بين فينة واخرى حسب ظروف عصرنا المتعب ...



آآسفه دخلت في متاهات طويله ومقطعي الاول هو مضمون موضوعي
صديقه غاليه على قلبي ارادتني ان اخبر موضوعها المحزن مع زوجها
لدى شيخ قلت لها من الافضل ان تخبريه انتي
قالت الاسلوب لديك افضل فأنا لا اجيد التعبير عما يكن بداخلي
فأن تكلميه انتي افضل مني ....


لكن قبل ان اكلمه اردت ان اكتب موضوعها بمنتدنا القيم
فبأعضاءه المميزين نحاول ان نحل المشكله بإذن الله ...

قد تضحكون لكن لن ابالغ ان قلت ان ثلاث ارباع
المشاكل الزوجيه هي اقل ما يقال عنها مشكله ((( بدأت هند بفلسفتها اللتي لا تنتهي القارئ لكلماتي يحتاج الى قاموس لكي يفهم ما أقول )))

المهم تقول في احد الايام وعلى لسانها اقول
تأخر زوجي في العوده اتصلت به كي اسأل
قال انا في المدينة المجاورة لمدينتنا قد سافرت إليها
طيب تروح وماتقول وانا شنو عندك ومن هذا الكلام
لكن كلمات قليله والله تنعد
بعدها هجرها بكل ماتحمله الكلمه من معنى كيف ..؟؟(( أوووووه منك ياهند مره بالفصحى ومره بالعاميه لو ان المشكله لك ماكان تكلمتي بهالاسلوب لكن فعلا الواحد ماتحره الا شوكته ))))


لا والله انا فعلا ضايق صدري عليها
شلون هجرها مايكلمها طبعا
مايقرب منها حتى في الفراش
واسلوب خشن وقلب قاس
ومن هذا القبيل ...


قلت لها تعالي له بهدوء وقولي له شنو مضايقك فيني علشاني قلت كم كلمه
وسوت فعلا الي قلت وصار يقول لها روحي هناك وبعدي عني ..


قلت ما فاد لا تهتمين منه وطنشيه يمكن هالحل ينفع
وفعلا ماصارت تكلمه ابد وماتطلب منه شيئ
وبرضو مافاد ولا تغير شيئ .... وكأنك يازيد ما غزيت



الين طفح الكيل وقالت كلمي شيخ لي شنو اسوي
حاسه الدنيا كلها كاتمه بوجهي
والحزن كدرني
ولا عارفه وشو اسوي .....
وانا احتاج للرجل احتاج للكلمه الحانيه للقلب الطيب والا لماذا تزوجت ... ؟؟


فهل لديكم حل لأخبرها به ....؟؟؟

__________________
الحمد لله على نعمه وفضله وكرمه ..

الأخت /أم محمد
الله يجزاك خير بس الحين زوجها طفشان منها تقومين تقولين لها طنشيه عشان ما عطاها وجه يوم راحت تعتذر ، كذا ورطتيها زياده .
الرجل هذا قد يكون اعتبر كلامها له شيء كبير لكن مع الأيام راح يهداء ومفروض انها اذا كانت متأكده أنه بالأساس يحبها تحاول تتقرب منه بأسلوب حلووتقول له أنا آسفه -مو عيب الأسف حتى لو كان غلطان انه ما كلمها لكن هي ردت عليه انتي تقولي انها ما كثرت في الكلام لما قال لها انه في خارج المدينة الله هو اعلم وش قالت - المهم انها تعتذر وتحاول تهدي الموضوع اذا كانت تبي تحافظ على بيتها أما اذا طول بالزعل توسط اهله وتشوف وش رده والا بعدين تبداء بأساليب الحريم للتطفيش وانتم ما شاء عليكم يالحريم ما يحتاج كلام في ذا الموضوع (تخصص ) بس انا اتوقع انه ان شاء الله لو سوت اللي قلت لك عليه راح تمشي الأمور بخير .
وشكرا .

__________________
الحمد لله على نعمه وفضله وكرمه ..