الصراحة انا متزروجة من سنه و عندي طفل و خوات زوجي لاصقات فيني لصقه و زوجي مزهقني فيهم اكثر طلعاتنا يطلعهم معنا و اذا بغوا فلوس ما يطلبونها من ابوهم ما عندهم الا زوجي مع انه علية ديون و احيانا يقصر علي علشلان يعطيهم و انا طفشانه مره منهم علما اني ساكنة عندهم و هم بوجهي على طول و مفيه فكه منهم ما ادري شلون افهم زوجي اني ما ابيهم يطلعون معي دايما و انه يقولهم ماعندي من غير ما يحس اني ما ابي اهلة او بطريقه ما تركهه فيني ابي حل سريع لاني حاسه اني راح انفجر..............

__________________

عندي الحل ياعيوني :
مثلا لمن يطلعهم معاك ويؤدي واجبه كأبن بار قولي له من حقي اطلع لوحدي معاك يعني اطلعوا طلعة شباب يعني آخر الليل نومي طفلك او حطيه عند حماتك او بناتها
كذلك حاولي تعوديه زيارة اهلك بكثرة وبعدين لمن يجي يآخذك تمشوا او روحي تسوقي وبكذا طلعتوا لوحدكم . . .
مع تمنياتي ببيت مستقل وحياة زوجية هانئة )))))))))))))))))

اصبري ان الله مع الصابرين
وقولي الحمد الله ترى الي مافيه خير لأهله مافيه خير لبنات الناس
اولا حطي فبالك ان هالوضع مصيرة يجي يوم ويتغير
يعني تروحون بيت بلحالكم سواء قصر الزمن او طال
يعني موحلوة بحقة يطلع زوجتة يمشيها وأمة وخواته جاالسين
وثانيا انتي لازم تغيرين طريقة تفكيرك .اعتبري خواته أخواتك وعامليهم أحسن معاملة ترى من زرع حصد
ازرعي الحب تحصدينة
وشيلي فكرة لزقة من راسك دام انتي رضيتي تسكنين معهم في البيت ...يعني يشوفهم ما يكلمهم ؟؟؟؟
ترى فيه ناس ثقيلين دم شوي وإذا كان خواته من هالنوع (الله يعينك) قولي لاجل عين تكرم مدينه
واصبري وبيجي يوم فية الفرج تكونين في مملكه خاصة لاكن إخذيهاقاعدة الزوج لا تستطيع المرأة ان تمتلكة أبدااااااااا
وعليكي بالدعاء والله يوفقك .

__________________
لااله الا الله العظيم الحليم لا اله الا الله اله رب العرش العظيم لا اله الا الله رب السموات ورب الارض ورب العرش الكريم

اختي

اكيد انتي عارفه بظروف زوجك الماليه واكيد مايقدر يمديه يسكنك ببيت لحالك

اختي الحل انك تفهمينه لكن بطريقه رومانسيه يعني قولي له اذا جيتوا تطلعون ابي اطلع انا وياك اخذ راحتي في الكلام امسك يدك بدون ما احد يناظرنا

بعدين لا تلومين زوجك ممكن هو قلبه يحترق بس وش يسوي

انا اعرف ثنين اخوان ساكنين مع اهلهم الكبير هذا ما يطلع لمطعم إلا ومعه خواته أما أمه ترفض ما تلطع حتى في بعظ الأوقات تخليه يطلع لوحده وما يأخذ خواته بس اهو قلبه حنين ما يبي يكسر بخاطر خواته وساكت ولا قال لأحد
اما الثاني طبعاً امون عليه كثير كنت مره اتعشى انا وياه في مطعم وكان في قسم عوايل وقال المطعم هذا لا يفوتك اذا تزوجته جو هادي وبعدين نصيحه لا تأخذ احد معك أنت وزوجتك وبس علشان تأخذ راحتك على الأخر يقول لأن الحرمه تبي تأخذ راحتها

__________________
دعواتكم لي بالتوفيق

تعوذي من ابليس
من خلال قرائتي لمشكلتك لم تقولي انهم يؤذونك او يحاولوا ان يخربوا بيتك او يفرقوا بينك وبين زوجك
وكل ماقاموا بعمله وهو اخوهم وقد يكون عائلهم بعد والدهم
لذلك قولي الحمدلله
غيرك يشتكين من اخوات ازواجهن باسباب اكبر وقد تصل الى الاهانه وذلك ليطلقها او يتزوج عليها
عليك بالصبر

اختي في الله
اخذي كلامي لكي نصيحه وراح تتذكرينه عاجلا ام آجلا
انا مريت بنفس مشكلتك تماما ولكن الزود فيها ان ام زوجي وخواته متسلطات لأبعد الحدود لدرجة انهم يسببون مشاكل سخيفه بغرض انهم يفرقون بيني وبين زوجي ولكن أنا عالجت نفسي بنفسي واحسنت النيه واقنعت نفسي ان هذي فتره معينه والبنات بيتزوجون وامه بتشوني ساكته عنها وراح تمل وتتحسف والعمر يمشي وما تسوى عليكي تخسرين زوجك واهله علشان طلعات العمر قدامك وراح تشوفين شغلات اكبر وراح تضحكين على مشكلتك لأنها شي بسيط وكل وحده جديده بالزواج تتمنى انها هي وزوجها لحالهم ’اللي احب اقوله لك حاولي تملكين نفسك وقت الغضب وفكري ان بالآخر زوجك لك لوحدك كل البيوت فيها ام واب واولاد ترى كلهم كانو مع حمولتهم والحين راحت الدنيا وكلن صار لحاله واذا بتعرفين السبب لأنهم صبروا وتغلبوا على نغزات الشيطان والذكيه اللي تطلع من بيت زوجها وهم ما مسكو عليها ممسك حتى لو تسمعين كلام يجرح او يتقولون عليكي بأي شي ما صار خلي اذن من طين واذن من عجين لأنهم بقرارة نفسهم يدرون انك ترفهتي عن هذي الامور وراح يموتون قهر وانتي استفدتي انك تحاشيتي المشاكل وهذي يا اختي نصيحه لوجه الله واتمنى ان تلجئي الى الله بالدعاء

وتذكري ما ضاقت الا لتنفرج

شكرا على ردودكم لي و راح احاول اني اسوي كل نصايحكم لي و اتمنى انكم تدعولي ان الله يوفقني و يحقق لي كل اللي اتمناه مع زوجي