السلام عليكم ورحمة الله وبركاته ..
مابي اطول عليكم لكن بخبركم بكل شي ..
انا الله يسلمكم متزوجه صار لي 9 شهور .. ومن بداية زواجنا حاولت احمل بس الله ما اراد .. انا دورتي مب منتظمة كلش ما تنتظم الا بالحبوب .. المهم رحت المستشفى قالت لي الدكتورة بتعطيني كلوميد .. هذا في الموعد الاول وقالت لي اخذ موعد ثاني في يوم 12 من الدورة حتى تشوف التبويض .. لمن رحت لها في الموعد الثاني طلع في تبويض وبويضات وايده لكن ما في منها كبار يعني كلهم صغار .. وقالت لي اخذ تحليل دم عشان تتأكد ان هرموناتي اوكي .. مع العلم اني قبل مسويه تحليل هرمونات لكن هالكلام قبل الخطبة يعني من 2003 وكان كل شي طبيعي .. لكن يوم طلعت النتيجه هالمره طلع عندي هرمون الحليب ((البرولاكتين)) منخفض .. فعطتني حبوب السكر ميتفورمين 500 وخبرتني انه يكبر البويضات واستخدمته من يوم 12 للدورة الين تييني واتركه وخبرتني ان الدورة بتنزل علي بكثافه عشان جدي عطتني حبوب ثاني حتى يخفف من الدم اللي بينزل وانا كان اخر دوره لي 30/8 يعني من المفترض انها تنزل في تاريخ 30/9 وما خبرتكم انها تييني بالتاريخ بالضبط هالاشهر يعني .. ولمن كنت عند الدكتوره في الموعد اللي طاف سألتها يوم عطتني حبوب اللي يخفف الدروه اقول لها يعني لازم بتنزل علي؟؟ قالت اي وانا اتسائل ليش يعني ما ممكن يصير حمل في ايام التبويض اللي اهي يوم 21 من الدوره؟؟ يعني تلحق البويضات تكبر من الحبوب مال السكر؟؟ .. وليش الحين أخرتني هل ممكن اني اصير حامل؟؟؟ او انه شي غير وارد .. واذا نبي ناخذ تحليل حمل منزلي متى يكون افضل شي حتى تطلع النتيجه واضحه واكيده؟؟
هذا وكلي أمل انكم تردون علي بأسرع وقت وبرد شافي عن كل تساؤلاتي ولا تبخلون علي بخبرتكم واي معلومه تعتقدون انها بتنفعني لا تترددون .. ومسامحه على الكلام الوايد تعبناكم معانا..
03-10-2005, 03:18 PM
ضوابط المشاركة
العرض العادي
