عزومة رمضانية(2)(بدون صور )
الفطار
صدورالدجاج على الطريقة المكسيكي
المقادير:
5 صدور دجاج.
3 فصوص ثوم مفرومين ناعم.
5 بصلات متقطعة حلقات.
3 ثمرات فلفل أخضر رومي متقطعين قطع صغيرة.
4 ثمرات طماطم متقشرين ومفرومين.
1 كوب عصير طماطم.
2 مكعب مرقة دجاج.
2/1 كوب زيتون متقطع.
1 علبة مشروم (من السوبر ماركت).
2/1 1 مشروم مسلوق ومقطع.
2 كوب ماء.
1 معلقة صغيرة زعتر مطحون.
1 معلقة صغيرة كسبرة مطحونة.
1 معلقة صغيرة فلفل أسود.
1 معلقة صغيرة شطة.
1 معلقة كبيرة ملح.
5 معالق كبيرة جبنة مبشورة.
2 معلقة كبيرة بقدونس مفروم ناعم.
1 معلقة كبيرة كاري.
1 معلقة كبيرة زبدة.
الطريقة
ا – صلصة التتبيل
حمري البصل فى الزبدة لغاية لما يصفر وضيفي الثوم والفلفل الرومي والطماطم والمشروم لمدة 10 دقايق. ضيفي للخليط عصير الطماطم ومكعبات مرقة الدجاج المذابة في الماء والزيتون والكسبرة والشطة والزعتر والملح والكاري.
ب - الدجاج
تبلي صدور الدجاج بـ2/1 كمية الملح والفلفل والشطة والكسبرة والثوم والزعتر وسيبيهم 10 ساعات في الثلاجة (يعني تحضريهم من اليوم اللي قبل العزومة). واشويهم على الفحم أو اقليهم في الزيت. ضيفي قطع الدجاج لصلصة التتبيل وسيبيهم يتشربوا الصلصة لمدة 10 دقايق. قبل النضج حطي البقدونس وسيبيه حتى النضج. يصب الخليط في طبق بايركس. وغطيه بالجبن المبشور ودخليه في فرن ساخن لمدة 3 دقائق حتى يسيح الجبن.
[line]
السحور
فول بالطشة
المقادير
خلّي بالك إن المقادير دي بتختلف على حسب عدد أفراد الأسرة.
1 معلقة كبيرة ثوم مفروم.
2 ثمرة طماطم متقطعة إلى قطع صغيرة.
1 ثمرة فلفل رومي متقطعة إلى قطع صغيرة.
كمون.
ملح.
ممكن كمان تضيفي صلصة طماطم وشطة لو عاوزة.
الطريقة
حمري الثوم في الزيت بشرط يفضل لونه أبيض (ما يتحمرش يعني). ضيفي الطماطم والفلفل الرومي وصلصة الطماطم والشطة وسيبيهم على النار لغاية ما يتسبك الخليط، وبعدين ضيفي عليه الفول والملح والكمون.
[line]
البيض المضروب بالتوابل
المقادير
5 بيضات.
4 ثمرات طماطم متقطعة إلى قطع صغيرة.
1 معلقة صغيرة ملح.
2 معلقة كبيرة سمن أو زبد.
1 بصلة متوسطة متقطعة شرايح.
2 ثمرة فلفل شطة.
1 معلقة صغيرة كركم.
1 معلقة صغيرة كسبرة جافة مطحونة.
5 – 6 أوراق كسبرة متقطعة إلى قطع صغيرة.
الطريقة
حطي البيض والطماطم والملح في حلة وقلبيهم كويس. وبعدين حطي سمنة في الطاسة. وضيفي البصل وشوحيه لغاية ما يطرى. ضيفي الشطة والتوابل وشوحيهم لمدة 2 دقائق مع التقليب المستمر. ضيفي خليط البيض المخفوق وقلبيهم بمعلقة خشب مع بعض لغاية ما يختلط البيض جيدا مع الخليط اللي في الطاسة. وإنتِ بتقدميه في الطبق رشي الكسبرة على الوش.
لاتنسوني من صالح دعواتكم لي اخواني بصحه والعافيه و ان يفرج همي ويرزقني الراحه بالدنيا والاخره
اللهم لك الحمد كل الحمد والشكر كل الشكر لما وهبتنى من نعمة قصرت وأقصر فى شكرك عليها
ولك الحمد كل الحمد والشكر كل الشكر لكل ابتلاء ساعدنى على الإقتراب من نعيم رحمتك
الحمدالله الذي بدل همي براحه ورضا
اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك
وبالهنا والشفا
التعديل الأخير تم بواسطة princees ; 14-10-2005 الساعة 01:18 AM
14-10-2005, 01:08 AM
ضوابط المشاركة
العرض الشجري