السلام عليكم ورحمه الله وبركاته

اولا : كل عام وانتم بخير قبل الزحمه وتقبل الله منا ومنكم صالح الاعمال انه سميع مجيب

انا واعوذ بالله من كلمت انا اول مره اكتب معكم وابي رايكم تكفون

ابشكركم وفقني الله وخطبت من ناس والله والف ونعم طبعا بعد ما راحت الوالده وكذا (الطرق التقليديه)

المهم ان البنت تدرس ثالث سنه في الجامعه يعني باقي لها سنه وشوي طبعا انا رحت لوالدها وقابلته وتكلمت انا وهو تقريبا ثلاث مرات المهم هو عجبني وانا عجبته وصارت النظره الشرعيه والبنت الحمد لله أعجبتني <<<< ( طيب وين المشكله) اجيكم في الكلام انا عملي خارج مدينه الرياض طبعا اهلي في الرياض لكن البنت بحكم انها بتكمل دراستها راح تضطر انها تكون في الرياض واخوكم في الله ربي يكون في عونه يعني لو صار الزواج زي ما انا راسم له في الصيفيه يعني بنقضي مع بعض شهرين وبتوكل على العمل وكل اسبوعين اجي يومين ولا ثلاثه للرياض وحدث ولا حرج شقق مفروشه واسحبها من مكان الى مكان يعني ماراح يكون فيه الاستقرار اللي ابحث عنه .... هذي المشكله الاولى

الثانيه : وضعهم المادي كويس ماشاء الله الله يزيدهم واهلها كلهم مناصب ابوها واعمامها وانا الوحيد اللي في العائله اللي فلحت الحمد لله راتبي كويس واقدر اصرف عليها لكن اقصد الفوارق الاجتماعيه ...


وبس واسف اذا طولت عليكم لكن تكفون افيدوني ,,,

تم تعديل العنوان ليتناسب مع المضمون..حائزة الأمل

أخي الفاضل..ألف مبرووك مقدما..

بالنسبة لمشكلتك الأولى فلم افهم قصة الشقق المفروشة هل تقصد ان تؤجر عندما تعود من عملك شقة؟

رأيي أن تحاول نقل عملك للرياض حتى تكون بقرب زوجتك وتشعر بالإستقرار او تعتذر زوجتك نصف عام دراسي

على الاقل من الدراسة حتى تكون معك ولكن الامر الثاني لااشجعك عليه(اعتذار زوجتك) لأن ممكن ان تعتاد عليها

ويصبح فراقها صعبا بالإضافة أنها ممكن ان تحمل طفلا في احشائها ويكون صعب عليها الدراسة..

الحل الذي افضله واحد من اثنان:

1-تأجيل الزواج حتى نهاية دراسة زوجتك وتذهب لتستقر معك

2-نقل عملك إلى الرياض

بالنسبة لمشكلتك الثانية فهي ليست بمشكلة والله يوزع الأرزاق فلا تنظر إلى من أعلى منك بل أنظر لمن هو أقل

منك وأحمد الله..والإنسان ممكن أن يكون بخلقه ودينه في أفضل المناصب ولاسيما عند الله عز وجل..أترك عنك

هذه المناصب المادية وإن كنت تسعى لمنصب فإجتهد في عملك وأدرس مايفيدك من لغات وحاسب حتى تتطور

نفسك ..والله يوفقك

أختك

حائزة الأمل

__________________

مبروك اخوي والله يوفقك...

بالنسبة للموضوع الثاني!
وهو الفوارق الاجتماعية لا تشيل هم!
الرجال بشخصيته صدقني لا عندها ولا عند ابوها..
اذا هي حبيتك صدقني تشوفك افضل من كل اهلها واقاربها وراح تصير انت عيونها وقلبها وحياتها..
وبالنسبة للأب اذا انت بذات شخص مثقف وطريقة في الكلام رزينة وتدل على شخص واعي وراقي...
فراح تقدر تكسبه وتكسب اهله لانه راح يشوفونك شاب مكافح..
بس انت من الأول حاول تقدر الظروف الجانبية زي طبيعة حياة البنت مصاريفها مصاريف الحياة معها لانه احيانا البنت لما تكون تعودت على صرفية معينة صعب تنزل عنها..
فانت حاول تقدر هالشي وايضا من خلال الأيام تبين لها خطتك في الحياة طبعا بأسلوب رومانسي..

بالنسبة للموضوع الاول.. هو وظيفتك..
فمعليش كلها سنة وتعدي... ما أدري هل في بيت أهلك صعب يوفرون لكم مكان في حالة تواجدك بالرياض؟
فمثلا في الفترة الاولى معليش تحمل شقق مفروشة بس بعد فترة لما تتعود عليك شوف هل فيه فرصة سكن عند الأهل فقط فترة تواجدك..
أيضا انت هناك سكنك وحدك... يعني ممكن تهيء السكن هناك في فترات الاجازة
الله يكتب لك السعادة وييسر أمرك..

بسم الله الرحمن الرحيم

اختي حائرة الامل اشكرك على الرد

لكن المشكله في الحلول

يعني صعب اأجل الزواج اكثر من سنه واعلق بنت الناس كذا

الحل الثاني النقل ياليــــــــــــــــــــت بس للظروف احكام

وشكرا على اهتمامك ,,,

========
اختي اتكاءة حرف

مشكوره اولا على ردك واهتمامك

وبالنسبه لاابوها انا وهو اوكيه خلاص سمن على عسل

اما بالنسبه لااهلي يقدرون يوفرون سكن

لكن انا عندي قناعه شخصيه بانه الشخص المتزوج ما ينفع يسكن مع اهله

ودمتم ,,,,

مبرررررررررررررررررررررروك فهدددددددددددددددددددد

ربي يجمع بينكم بخير

تصدق انك عجبتني بكلمته

اخوي عندي لك ثلاثه حلول

الأول / ياأنك تصبر على هذي الحاله لين ربي يفرجها

الثاني / انها تترك الجامعه

الثالث / انها تنتسب في الجامعه ووقت الإختبارات تحمل والشكوى لله

يعني حاول تكلمها وتتفقون على شي

__________________
دعواتكم لي بالتوفيق

تزوجها أخي وتوكل على الله ..

وكل أسبوعين مثلا قم بزيارتها ، وخذ لك غرفة في فندق مادامك مقتدر والحمدلله ..حتى تنتهي البنت من دراستها ..

كثير ناس في مثل حالك ..

والنتيجة : لاضيعت وظيفتك ولاضيعت دراسة البنت ..

وبالتوفيق ..

__________________
أحب جبالك يالجنوب وأحبك لأنك أنتي الجنوب

بصراحة حلول الاخت العزيزة ( حائزة الامل ) منطقية جدا

مابيها شي اذا اجلت الزواج سنة لحين تخلص دراستها .. وانت بتحكي معاها وم اهلها وتفهمهم ظروفك وهي اكيد بتريد الاستقرار وتعيشو مع بعض في بيت مستقر وهادئي

التاجيل في صالحكم انتم

وربنا يوفقكم ويسعدكم

امين

نور حياتي

__________________

أنا من رأيي أن زوجتك تتوقف عن دراستها وتتفرغ لبيت زوجها وحاول تقنعها بالعدول عن الدراسة

أما إذا رفضت فخلها تنتسب بالجامعة ,,,

ومبروووك وعقبال العزابية

المشكلة الاولى بسيطة ...
اخي الكريم الموضوع كله بياخذ سنة وحدة فقط ..انا وضعي زي وضعك بس اتخيل اننا عليه لمدة 3 سنين و ازيدك من الشعر بيت هو بدولة و انا بدولة
و ما يجي الا كل شهور و شهور
يعني قول الحمدلله ظروفك اسهل وفترة بسيطةخلي ببالك انها فترة مؤقتة بالعكس قد تكون من اجمل الفترات
لان بيكون فيها شوق كبير و بتكسروا روتين الحياة ..
اضف ان البنت نفسها بتتعود عليك اكثر و بتروح بيتك الا وهي مشتاقة لك موت و لبيتها و مستعدة 100% لحياتها الجديدة
اصبر و لا تستعجل..

المشكلة الثانية كمان لا تعتبر مشكلة ..
عمك اذا ما كان واثق فيك و باخلاقك و شايف انك مناسب لبنته و لاسرته ما كان وافق عليك من البداية
فلا تبتدي حياتك بهذا الشعور عشان ما ينقلب مشكلة مستقبلا
الرجل باخلاقه و افعاله

الله يوفقكم و يجمعكم عن قريب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله