مساء الخيرات
بصراحه الي شجعني على كتابة الموضوع هو مشكلة مرت علي وبفضل الله تعالى قدرت اتخطاها بنجاح
طبعا كلكم عارفين اي زوجين باول حياتهم مشاكلهم كثير وهذا حالتي بعيد عنكم
المهم صارت لي المشكلة والخطا كان على الطرفين يعني بالعربي المفروض كلانا يبادر بالاعتذار بس وين زوجي حالة سوبر مايعتذر لوتطلع مرارتي تتمشى قدامه
المهم فكرت ان كل اساليب الاعتذار الي كنت استخدمها صارت ممله لي قبل زوجي ففكرت اني اسوي شي جديد طبعا كل وحده تعرف نقطة ضعف زوجها يعني مثلا زوجي لو المس اسفل رقبته من ورا يموت ضحك
طبعا استغليت هالنقطة
كنت جالسة وكالعادة ماده البوز خمسة امتار ومطنشة وهو تعود اني اكلمة واواجه واسالة وش مضايقة جلس ينتظر اني اقول حرف واحد وانا ولا همني المهم تعب من القعده وراح يمد جسمه
وهو يحب ينام على بطنه ويااااااااااااسلااااااااااام
عاد جيت وطلعت على ظهره(ملاحظه:الحركه هذي للاوزن الخفيفة مانبي ضحايا ترا مفي الجيب ريال واحد مرا دفع اي ديه لاتقولون ماقلت لكم)
المهم وقمت ادغدغه بظهرة الين صار يصيح بعدها صار يقول خلاص انا اسف بس قومي تعبت من الضحك بس فيها عيب واحد انه صار كل شوي يقول لي تراني زعلان
المهم انا قصدي من الكلام هذا ان خفة الدم لها تاثير عجيب على الحياة الزوجية يعني بصراحه الدلع والرومنسية وكثرة استخدامه يخلي الزوج يمل ويترك البيت ويطنش ابو الي فيه عزيزتي الزوجه لا تقولي زوجي ثقيل دم و ما يحس في النهايه هو بشر يحب ويكره ويمل ويحب التغير (في حدود المعقول)
بيدك تخلي الحجر مويه لانك عايشه مع رجال في داخله طفل يحب يكون المدلل يكون لمطلوب يكون لك شي ماتستغنين عنه عبري له بمشاعرك لا تنحرجين منه قولي له احبك صريحه غيري بشكلك بلبسك بريحتك بشعرك بكلامك
كوني له الزوجه بحبها وغرامها
كوني له الام بحنانها وعطفها وسعه صدرها
كوني له الاخ بنصايحك
كوني له الصديق بخفة دمك وصدرك المفتوح له
كوني له الشمس الي يقوم على دفئها ونورها
كوني له القمر الي ينام على ضؤه وجماله
كوني له الخادمه في طلباته
كوني له دمه الي يمش بعروقه
كوني له حياته
عزيزتي صدقيني بيدك كل شي بس خلي في بالك رضاء زوجك وسعادته
صدقيني راح يبادك ويعوضك بشي ماتتخيلينه واكيد لازم تتعبين بس هذا زوجك ويستاهل كل وقتك وجهدك وتفكيرك
اخيرا ادري طولت الفلسفة عليكم بس والله تجربتي الي مرت علي خلتني اشوف اشياء حلوة بالحياة الزوجية
الله يجمعنا في جنة النعيم يارب