السلام عليكم ورحمة ا لله وبركاته
لا اعرف كيف ابدء بالموضووع ولكن سوف اتكلم عن الموضوع واتمنى ان تفهموه ...
اخواني انا باقيلي شهر فقط على زواجي
وما يمر يوم الا وتصير مشكله بيني وبين خطيبتي
والمشكله هي في اصحابي
انا الحمدلله ماني مقصر واشوف طلبات البيت من اثاث وحتى ما اروووح الا هي معاي
واكثر اثاث البيت من اختيارها
المشكله ان خطيبتي لا ترديني ابد ابد ان اذهب او اخرج مع اصحاابي تردني ان اقاطعهم نهائيا
تقول شوف اخواني بعد الزواج قاطعوا اصحابهم نهائيا
اقولها انا غير اخوانك تقوول لا
كل الناس كذا تقاطع اصحابها نهائيا
وانا والله اموت فيها
والمشكله بدت من هنا
يوم قالت يانا يا اصحابك
قلتلها انتي اكيد لاني مالي في الدنيا غيرك
قالت ابيك توعدني
وبرضه اصرت علي ان يا اوعدها او مثل مادخلنا بالمعروف نخرج بالمعروف
المهم انا احترت وهي زادتني حيره يوم تقول رد علي
قلتلها اني ابيك انتي ومابي احد غيرك من الدنيا
وتقريبا قعدت اسبوعين ما اخرج
وانا خرجاتي اصلا غير يوم الاربعاء او الخميس ويمكن ساعه بس حتى مو كثير
المهم اتصل علي احد اصحابي وقالي انه مجتمعين مع الشباب ويبوني اجيهم
قلتلهم اوكي
المهم رحت
واتصلت علي وانا هناك
ورديت عليها وقلت لها اني مع اصحابي
قالت خلهم ينفعونك
المهم بعد ماقفلت السماعه
قعدت مع اصحابي وماكملت وضاق صدري فرجعت البيت
ولما رجعت الا هي تتصل علي
فاتصلت عليها وقالت انك خنت العهد اللي بيننا وانك ما حافظت على الامانه
وان الامانه ماحافظت عليها الجبال والارض من عظمها وانت خنتها
المهم قعدت تبكي وتقول انها خلاص ماراح تصدقني بعد هاليوم
المهم انا بصراحه من زود حبي لها تعبت ومادريت عن نفسي يمكن اغمى علي وقتها او حاجه كذه
المهم تصالحنا من بكره
ورجعت للموضوع الرئيسي لا صحابي
وقالت كذا وكذا ومابيك تخرج معاهم انا خايفه عليك
يمكن احدهم يسحرك او يحطلك شي او يعبي راسك بالكلام
واكييييييد حاسدينك على الزواج لانك انت اصغر واحد فيهم وتبي تتزوج
المهم انا وافقتها على كل اللي تبيه علشان ماتطلب الطلاق لانها تقولي يا كذا او كذا
وانتم عارفين الزواج ماباقيله غير شهر
وتقريبا ثلاث ارباع اثاث البيت ركبناه مثل المطبخ وغرفة النوم وفرشناها والادوات الكهربائيه والمساند والستائر ..الخ
والشقه بعد مستأجره وماهي ملك الواحد يقدر يقوووول عليها شيء
المهم انا قلت خلاص كرهت الاصحاب علشانها وكرهت كل شي
المهم امس اتصل علي واحد من الشباب يبغى محاظره مني لاني لسى طالب بالكليه ...
وتصلت هي وحصلت الخط انتضار
ماسكرت الخط الا الرساله جايه
خل اللي ممعك ينفعك
واستعنت بالله وقلت ايش هالبلوه حتى اتصال ماتبيني اتصل او اكلم احد
المهم اتصلت عليها وماردت وقلت خلني اطنشها احسن
المهم اتصلت هي بعد شوي ومسويه نفسها تعبانه وبالقوه تتكلم
وبعدين قالت كنت تكلم مين
قلتلها واحد من اصحابي اتصل علي ؟؟
قالت وكلامك امس
قلت انا كلامي على خروجي ممعاهم
ولا تبين حتى ما اكلمهم بالجوال او اذا اتصل علي احد ما ارد عليه
قالت ايه انت قلت تقاطعهم مره وحده والجوال هذا لازم يتغير
انا والله مدري ايش اسوي فيها
وتقعد تسوي نفسها تعبانه علشان اراضيها
المهم البنت ماتبي ترضى الا اذا قلتلها اني خلاص اترك اصحابي نهائيا
وانا والله حتى النوم ما اقدر انام
واليوم الصباح لما صحيت اتصلت عليها اتطمن عليها لانها كانت تعبانه امس
قالت مافي شي ومدري ايش
قلت لها والله لو ما تقوليلي ماراح اخليكي تسمعي صوتي مره ثانيه
قالت انها تعبت امس وطلعت دم من صدرها مدري بطنها من الضيقه وانه انا السبب
وقبل قليل اتصلت علي وانا عند العمال قاعدين يركبون غرفة النوم
وقالت ابيك تعطيني كلمه
قلتلها خلاص احنا اتفقنا ان مافيه اصحاب ايش تبين ثاني
قالت ماني مصدقت لانك وعدت واخلفت بوعدك
المهم قلتلها انتي كل شوي تعيدين نفس السالفه كل هالدرجه منتي واثقه في
والله انسدت نفسي اني جتى اقعد عن العمال اللي يركبون الغرفه اني تركت البيت وجيت اشكيلكم
انا محتار قولولي فهموني ابغى ارتاح
ابي اعرف انتو يالبنات كلكم ماتحبون الاصحاب ؟؟
كلكم تبون مثل خطيبتي ولا هي تبالغ
ارجوكم ردو علي باسرع وقت ممكن لان كلامكم يريح البال وعلى عيني وراسي
ويعطيكم العافيه فمان الله