السلام عليكم ورحمة الله وبركاته..
اهنئكم بصراحة على هالقسم المفيد والرائع..
كنت كثير امر عليه واتصفح المشاكل وانبسط لما اشوف هالتفاعل..
وجا اليوم اللي احتجت اني اعرض مشكلتي عليكم لاني حيرااااانة..
انا مخطوبة من شاب ملتزم ويخاف الله وانا بالنسبة له زواج ثاني لهذا حرص ان يكون بيني وبينه تواصل قبل الزواج في الحدود المسموحة وبكل امانة تقدم لخطبتي خلال فترة بسيطة بعد ان استخار ووجد تقارب من الطرفين..
احيانا استغرب من تصرفاته واخاف انه يشك بسبب تعارفنا قبل الزواج..بس هو يعترف انه مايشك
واحيانا افسر تصرفاته انه يغار ويبيني له لحاله..بس انا معه اكثر الوقت اكلمه ولا اخليه الا لشي ضروري..
الحمد لله الزعل مايطول بس ساعات وكلها لانه مالقاني او مارديت وانا نفس الشي..
بس يزعل من الويتنق..
بس وين ويييين يحصل ويتنق..
يالله يحصل في الاسبوع مرة..ومتى يحصله؟اذا كنت طالعة ومضطرة اكلم اهلي مثلا او كان فيه موضوع صاير بالشغل وفيه مفاوضات بيني وبين احد من البنات..
وانا مااسوي له مشكلة اذا شفت ويتنق علشان يتعود ان الموضوع عادي مادام انا اعرف وش الموضوع ويكلم مين..
المشكلة هو يتضايق بعدين يرجع يناقض نفسه او يمكن يسوي انه عادي ويقول لا من حقك وعادي..
بس اليوم دق لقاه ويتنق ولما دقيت عليه على طول لانه قطع قال انا اخر اهتماماتك اليوم وبسكر علشاني وعلشانك وتبين شي..لما قلت له لا..على طول قفل بوجهي وسكر جواله وله الحين اكثر من 6 ساعات مقفله ومو عادته..
انواع الرسايل ارسله ولا مجيييييييييب...
انا براضيه مثل العادة بس مدري وشلون بعدين اتصرف معاه..
صح انا اقول له انه مايهمني الا انت وانت كل شي بس مقدر انعزل عن النااااااس مرة وحدة..
حاولت اقلل اتصالاتي واخليها على البيت ولا ارد على البنات الغير مهمين..بس حتى لما ماارد يزعل..
ادري انه يبي اهتمام بس انا مااحب الزعل واذا بعد عني احس انه مايقدرني وعادي انه يطنشني واحس اني ودي اطنشه مثل مايسوي فيني بس مقدر..واخاف شوي شوي اصير اقدر..

ياليت اسمع آراااااااااااائكم

وعليكم السلام ورحمة الله وبركاته


أولاً ماادري هل إنتِ متملكة عليه أم لا حالياً؟؟؟


وإذا كنتِ متملكة فأ سلوبك خاطيء

وش يعني لقى مكالمة إنتظار...إنتهت الدنيا؟؟.....ليش ماعندك أحد غيره في العالم؟؟


بصراحة أنصحك إنك لازم الأن تزعلين أنتِ وخليه هو يجي ويراضيكِ

إنتِ ماغلطتي ....والظاهر إن زوجك من النوع الغيور وهذا جداااا صعب

فأقترح إنك ماتكلميه حالياً وإذا جاء وراضاكِ لازم تحطين خطوط رئيسية بينكم

إنه مايزعل من هذه الأمور التافهة ولازم يعرف إن فيه أمور ثانية إنتِ مشغولة بها ومو معناه إنك ماتحبينه

وخبريه إن تصرفه أزعجك وضايقك وأنه لازم يقدرك ويثق فيكِ ويحترمك


بمعنى أقلبي الطاولة عليه يعني خليكِ إنتِ الزعلانة لإنه الظاهر تعود إنك تتنازلي في أشياء بسيطة ....لذا بيكون من الصعب التعامل معاه بعد الزواج.


وإذا كان يحبك صحيح بيراضيكِ وإذا كان طنشك وزعل فنصيحتي لاتسألي عنه


وماادري يااختي يمكن زوجته الأولى ملت منه من هذا التصرفات.


والله يكتب إللى فيه الخير

__________________

ابنتي هبايب نجد
(مع احترامي الشديد لأختي أم جمانه)
من اكثر الاشياء التي تفجر مخ الرجل وتشعلل ناره هو ان يجد زوجته {حبيبته} في اتصال اخر في الوقت الذي يتصل هو فيه
اول مايتصل عليكِ استئذني فورا ممن تحدثين وردي عليه فورا وقولي له : أهلا حبيبي أهلا حياتي ، انا كنت اكلم فلانه وقطعت الاتصال معها لكي ارد عليك فأنت اغلى من في دنيتي ياحبي
تبرد ناره فورا ويزداد حبه
حتى لو كان الاتصال ضروري جدا وتتحدثين في موضوع مهم جدا ،[blink] الزوج أهم[/blink]

لاتلطعيه على الخط

حسسي الرجل بأنك تحبينه وارضي غروره
اجعلي عقلك كبير
لاتهتمي بما ستقوله صديقتك عندما تتركينها وتردين على زوجكِ فحياتك الاسرية واستقرارها اهم من صديقاتكِ كلهن

عموما

مشكلتكِ مع زوجكِ الآن

انتي بعثتي مسجات اعتذار

[blink]كافي[/blink]

وانتظري ان يرد عليك من نفسه بعد أن يهدا غضبه
ثم تكلمي بحزن وشوية دلع وقولي له انا اتصل وانت مطنش حبيبتك وتدلعي شوية عليه وابكي قليلا بشبه صمت
يعني حسسيه بالذنب والغلط )
وان شاء الله ترجع المياه لمجاريها
احذري المكابرة أو العناد أو التصلب في الرأي فالرجل لا يأتي الا باللين والدلع

والسلام ختام

__________________

سبحان اللـه و بحمده
سبحان اللـه العـظـيم

سلام ورحمة الله تعالى وبركاته
كلام اخ بو عبدالله جميل زي ما قال اقولك اختي ما تعاندي زوجك كبري دماغك وكوني حكيمة في تعامل معه باللين وحسسيه بغلطتك وخبريه انه هو شغلك الوحيد وحبك الكبير وانا ولا حد في كون قادر يشغل تفكيرك الرجل ببطبعه عنيد لو عاندت معه اكيد هو حساس ومحتاج للحب اكتر ربما ما لقاه في الولى ووجده عندك اعطيه اهمية اكبر لحد ما تقة تكبر بينكما تلفون متاعه مقفول عادي لانه متضايق سبيه واعطيه وقت يبقى مع نفسه ممكن لو كان تلفونه مفتوح حصل بينكما مشاجرة من لا شىء ويكون تجريح اكبر فعادي يقفل تلفونه لكي لا يخسرك انه اكيد بيدلع عليك لو بعتي مساج اعتدار وفيه كلام حب وود اكيد مجرد ما يفتحه حينسى وحيكلمك بس تمهلي وكوني بشوشة عبري ليه بحبك الكبير اليه وقلقك عليه وفي الوقت المناسب حسسيه انه ما يقفل الخط بس تكون مصارحة وحوار مفتوح مبني على الحب والوداحسن من الهروب الي بيكون قاسي على قلبك وقلبه
وفقك الله وحنن قلب زوجك فيك وهدوء الجو بينكا والرجوع ساكنة قلوبكما وحياتكما

__________________

السلام عليكم ورحمة الله وبركاته..
اشكر لكم اخوتي مشاركتكم بآرائكم واللي فعلا استفدت منها..
انا لما كتبت بالمنتدى كنت فعلا مرسلة له مسجات ابين له انه اغلى شي عندي واني ابي اكلمه بس مافتح جواله..
وآخر شي ارسلت له رسالة حب صغيرة وتركته..وجيت لكم اعرض القصة..
بصراحة كنت متضايقة مرة لانه في يومها كان مضغوط واحتمال ماكان يقصد ولو ماراضيته بيتحطم وبيلقاها من وين ولا من وين..علشان كذا لما أذن الفجر توقعت انه صحى ودقيت لقيت جواله مشغل بس مارد..وغصب عني نمت لاني كنت تعبانة..
لما صحيت لقيت اتصالاته ودقيت عليه وغصب عني كنت زعلانة وقلت له وشلون يطاوعك قلبك تغيب والمفاجأة انه كان مرووووق مرة وكان راضي وجلس يتأسف ويقول لي انه يغار علي ويحب اكون اهتمامه وانه من حقي اكلم بس وقتها كان مضغوط وحس اني ماجبت خبره واني ماني فاضية له بس لما قفل جواله وبينه وبين نفسه لقى نفسه غلطان وانه المفروض يتناقش معي مادام اني احبه وادور رضاه ولا قصرت ابد..يعني باختصار رجعنا احسن من اول وجيت هنا لقيتكم تأيدوني وتشجعون اللي سويته..
الله يجزااااااااكم عني كل خير..لما قريت كلامكم تأكدت ان موقفي صح
بالنسبة لاختي أم جمانة اشكر لك مشاركتك وفعر في اوقات اول ماعرفنا بعض كانت فكرتي مثلك بس هو انسان طيب وحبوب ويعترف بغلطته مع انه احيانا يكابر ويستعجل بس مايطول يرجع يعترف بغلطته..يمكن الفكرة اللي طرحتيها تتطبق على نوعيات من الرجال خيره..على العموم اشكر لك مشاركتك وطرح رايك والله يجزاك كل خير..
واعذروني نسيت اقول لكم اننا متملكين من فترة بسيطة وان شاء الله الزواج اذا ربي كتب بعد شهرين..
اتمنى لكم التوفيق..


طبعه صعب


الرجال مو صعب لا حاجة الرجال يحب يدلع عند حبيبته ويبغى يشوف رد فعل هبايب على هذه المشكلة البسيطة التي متعمدها هو أو ممكن تمر عليه ظروف صعبة وكان مزاجة متعكر شوي .... الله يوفقك يا أختي ...

أختي في الله ، فضلا وليس أمرا جاوبينا ، إنتو عاقدين قران ؟

__________________

انا برايي انك تقطعى اى اتصال غيره عند مهاتفته لك ولا يجب ان تتم الامور بالعكس فاذا اتصلتى انتى عليه لا يستوجب قطع اتصالاته
لانه زوجك خروجك باذنه ولا بد ان يتتبع اين انت ومع من