السلام عليكم ورحمة الله وبركاته
اخواني اعضاء ومشرفين وادارة منتدى عالم الحياة الزوجية اشكركم من كل قلبي على تعاونكم ومواساة بعضكم البعض وانا عضوة مسجله من زمان بس من وراء الكواليس لان بصراحه في اغلب المشاكل في ناس يكون ردهم راح يفيد واحسن من ردي فأخلي الخبرة لأهلها
اخواني بصراحه انا اتمنى اني ما اطول عليكم بس ابي منكم حل جذري لمشكلتي اللي انا متأزمة نفسياً منها وشكلي بأستجن
انا متزوجة من ست شهور
وأنا عمري 19 سنه
وزوجي عمرة 25
وكنا قبل ما نتزوج مملكين لمدة سنه انا احب زوجي وزوجي يحبني واغلب مشاكلنا ما تنحل جذرياً بس استحاله تمر الليلة وننام واحنا زعلانين لازم يرضيني قبل لا ينام وانا بدوري طيبه ارضى بسرعه حتى لو كانت المشكلة كبيرة وبعدين ما نحلها لان ادري لو اني بأفتح الموضوع مرة ثانيه بتصير مشكلة ثانيه وانا ما صدقت نهدا
وهذا اكبر خطأ ادري
اخواني انا بقول لكم وش صار معاي الليلة بالتفصيل وهذا ولا شيء بالنسبه للمشاكل اللي تصير بيننا بس الليلة خلاص ماعاد استحمل لاني انطقيت بما فيه الكفايه
المهم
كنا جالسين بالصالة نشاهد فلم بالدي في دي وجات لقطة وحدة ترقص طبعاً
رقص خليع ، قلت له لا تطالع قاللي خلاص بعدي الجهاز عني وانا قمت بغير اتاجهه وانا ما ادري وقفت الفلم المشلكة ان الجهاز خربان ما يرجع ولا يقدم واذا توقف لازم ينعاد من اول وهو مندمج في الفلم فإنقهر انه الحين بيضطر يستنى هالوقت كله علشان يوصل للمقطع اللي ما شفناه
انا قلت له انا ما ادري بس هو وش قال ..::::
يحمارة ياحيوانه الله يلعنك انتي دايماً تخربين علي ذلفي عن وجهي افففففف ارتحتي الحين ومن هالكلام وانا حساسه من غير شيء ويقوللي هالكلام وبسرعه طاحت دمعتي وصرت اصيح وهو يقوللي صيحي احسن ورحت غرفة النوم وهو جاب اللاب توب في الغرفه علشان يشاهد الفلم لانه اللاب توب يرجع ويقدم وانا طلعت من الغرفه بس خلاص انا موصلة حدي كيف زوجي حبيبي يسبني ويلعن فيني كأني ماكله حلال ابوه وانا بس وقفت الفلم وانا ما ادري هذا سبب مقنع
رحت ورسلت له رساله جوال وكتبت فيها انك ما تحبني لانك لو تحبني ما سبيتني علشان فلم
وهو طلع من الغرفه وقاللي انتي السبب وهو يصارخ وصوته عالي وقاللي مافيه تطالعين تلفزيون !!
انا كنت طول الوقت ساكته بس الحين جد عصبت ورفعت صوتي وقلت له انت سخيف وعقلك صغير لانك تسبني علشان شيء تافه وهذي مو اول مرة يسبني دايماً يسب لاتفه الاسباب وانا ببيت اهلي حتى كلمة غبي او مجنون ممنوع نقولها فمو متعوده على هالكلام من اي شخص كيف يكون حبيبي
عاد هو عصب وقاللي لا تخليني امد ايدي عليك قلت والله يالله مد ايدك بس عطني اللاب توب( لانه ابوي اللي شرى لي اياه من قبل الزواج يعني لي) وقلت دامك اذا تهاوشنا تقوللي لا تطالعين تلفزيون اجل عطني اللاب توب بس هو ما رضى وانا عاندت وسكرت اللاب توب وهو عطاني كف وطبعاً طول هالأحداث وانا اابكي وهو ولا هامه
وانا عاندت وسكرت اللاب توب مرة ثانيه وقلت له عطني اياه وهو بعد قام وطقني على كتفي بشكل يخليني الحين مو قادرة احركه ومزع لي شعري وعطاني كم كف وحتى اسناني وفكي يألموني الحين وفي النهاية كسرت خاطرة لانه الم كتفي وجالي قاللي بشوفه انا صرخت بوجهه وقلت له ما ابيك عاد هو ما صدق خبر وعطاني طراق والله يمكن اكثر من عشر كفوف الليلة عطاني وللعلم احنا شاكين انه انا حامل ورفسني اكثر من رفسه على بطني وانا من قبل حملت مرتين وسقطت بسببه لانه دايم يتهاوش معي والدكتوره تقول لازم ترتاحين نفسياً
المهم اني ما خليته ينام وهو وراه دوام ومعصب والحين تركته وجيت لكم
انا ابي اعاقبه انا ادري اني بعد طولت لساني عليه وهو يقوللي قبل لا يضرب لا تنرفزيني وتخليني افقد اعصابي واضرب انتي ما بتستحملين بس انا عاندت وتفننت في نرفزته من الحرة اللي فيني
الله يخليكم دلوني على الطريقة اللي اخليه يحترمني فيها ولا يسبني على كل سبب
انا ما استحمل اشوفه يسبني وأثأر لكرامتي وهذا اللي يخليه يضربني بس انا بعد ما اقدر اسكت
انا قلت ما رح اكلمة لمدة اسبوع ولا بسوي له فطور ولا عشاء .. الغذاء هو يتغذى في العمل
هل صح اللي بسويه ؟؟؟
طيب اذا مو صح وش الصح انا تعبت من هالذل
مع العلم اني آخر العنقود في بيت اهلي ومدلعيني يعني عمري ما انسبيت ولا انطقيت علشان كذا مو قادرة اتقبل هالأسلوب الجديد في حياتي ابداً
وانا الحين ما اطلب اكثر من اللي يعطيني والله ما اثقل عليه بشيء
عطووووووووووووني الحل قبل لا استجن
24-12-2005, 03:00 AM
, قمي و أعملي الفطور والغذاء والعشاء ونظفي بيتك و أغسلي ملابسه بدورك أنتي الزوجة ولكن : لازم يكون عارف أنك أخذه على خاطرك ولازم يعرف بغلطته و يراضيك ِ .
ضوابط المشاركة
العرض العادي
