لو كنتِ قصيرة لازم تبعدي عن البلوفرات المخططة بالعرض لأنه هيبين القصر أكتر. وحاولي تختاري نقشات بالطول ويكون البلوفر مقلم بالطول.

ولو كنتِ طويلة ابعدي عن البلوفرات المقلمة بالطول لأنه هيدي لك طول أكتر، وحاولي تلجئي للبلوفرات المقلمة بالعرض..

لو كنتِ ممتلئة القوام ابعدي عن النقشات العريضة والكبيرة والبلوفرات القصيرة لأنها بتبين تخنك.. الجئي للبلوفرات متوسطة الطول لأنها بتبينك أرفع.

بنقول لك عليها لأن ببساطة إرشادات الغسيل دي ممكن تؤثر في قرارك بالشرا، يعني ممكن تشتري بلوفر بــ100 جنيه وتكتشفي إنه لازم كل مرة يروح للتنضيف، يعني هتصرفي عليه تمنه وأكتر. وممكن تشتري بلوفر وتكتشفي إنه صعب جدا في المكواة فلازم تبصي على الإرشادات اللي موجودة على التيكت بتاع البلوفر ولازم تاخدي بالك من إن كان بيتغسل في الغسالة ولا يدوي ولا لازم يروح التنضيف الجاف، وإذا كان بيتكوي ولا لأ وكام في المية صوف علشان تعرفي فعلا يستاهل تمنه ولا لأ.

وبالنسبة للألوان فهما الأحمر والأسود، ودول ملوك الألوان في كل وقت وخصوصا الشتا ده، بخلاف الألوان التانية زي البيج والبني والزيتي

والجاكتات منها الطويل ومنها القصير، يعني بتناسب كل جسم.. بس لازم تحرصي على إنك تختاري الملائم لطبيعة جسمك يعني ماتلبسيش جاكت منفوخ وإنتِ مليانة لأن ده هيضاعف حجمك، والعكس.. يعني لو إنت صاحبة جسم نحيف يبقى الأنسب لك إنك تلبسي الجاكت المنفوخ..

والجاكيت بيتميز بإنه ممكن تلبسيه لوحده بس تلبسي من تحته بودي مناسب له من حيث اللون والشكل، يعني ماينفعش تلبسي بودي مفتوح على الجاكيت المفتوح وماينفعش تلبسي أحمر وأخضر على بعض.

والجاكتات أنواع، فيه منه "الووتر بروف" وفيه منه القطيفة وفيه كمان الجلد.

وده كمان من الأشكال الموضة السنة دي بألوان هادية ومتناسقة، الفوشيا الهادي مع خيوط بيضاء رفيعة مع شراشيب متناسبة مع طول الشال.