السلام عليكم .. عندي مشكلة وراح أدخل فيها بدون أي مقدمات .. انا بنت مملكة وزوجي من أول ماملكنا مارفع السماعة يسأل عني لأن مثل ماحكوا لي واللي عرفته بعدين انه خجول وانا والله اني خجولة بس قلت مو معقولة كل هالمدة وماتحرك قلت لازم أعمل حاجة أخليه يتحرك ..المهم أرسلت له رسالة بالجوال وهو على طول اتصل فيني وكان مستغرب اني كيف حصلت على رقمه وقلت له ان أخي هو اللي عطاني رقمه وقال تفاهمي معاه وعلى اساس انه زوجي وعادي كل هاللي سويته المهم .. الأخ ماصدق وصار له لمده اسبوع وهو يرسل رسايل وبعد هالأسبوع قالي خلينا نقطع الاتصال بس انا بالأول مارضيت بس بعدها رضيت لما حسيت هالشي راح يريحه . وبعدها بشهر ارسلت رسالة وقلت ان عندي مناسبة علشان كذا ارسلت هالرسالة وبعدها طلبت منه انه يطمني على نفسه كل اسبوع ووافق وبعد هالأسبوع ارسل رسالة وبعدها انا طلبت منه طلب ان أبغى اسمع صوته هو قالي زين ودق علي وكلمتة وظلينا على هالشي لمدة اسبوعين وبعدها جانا العيد وانا قبل العيد كلمني وسالني كذا سؤال وقال في احد خطبك .. قلت له كثير قبلك .. وبعدها طلب مني اني أتغطى وانا رفضت هالشي وقلت اذا صرت عندكم راح أسوي اللي تبغاه المهم ماحسيت انه متضايق .. وبعدها .. ارسلت رسايل على طاري العيد وأشوف زوجي مايرد على لمدة اسبوع طبعا أول رسالة بارك لي بالعيد وبعدها ماأرد علي وبعد هالسالفة باسبوع اتصلت فيني اخته وبعد ماسلمت على قالت في اشياء هو موعاجبته فيكي قلت ايش هي قالت انه حس اني جريئة كيف انا ارسلت رسالة واني انا اللي بديت بهالشي انا فهمتها قلت هالشي عادي مادام هالشي امام الله .. وقالت لي اكثر من شي .انا رديت عليها وقلت لها ليه هو ماقالي هالحكي قالت هو مايبغى يكسر بخاطرك خايف عليكي .. المهم بعدها قلت لها شوفي شاللي حاصل عنده وكل شي بالتفاهم وهي قالت صح كلامي .. المهم اجا أخي وقلت له على اللي صار وبعدها أخي اتصل على زوجي وفهمه قاله ترى هالشي هذا عادي وانت فهم اختي اللي هي زوجتك وقلها ايش اللي تبغاه لأن راح تتعب لهالطريقة وقاله تراها زعلانه بس هو رد قاله اأخي هد الموضوع ماصار الا الخير . وبعدها بيوم ارسل رسالة وانا مارديت وبعدها ارسل مرة ثانية ورديت عليه وقالي كل شي يحصل بالتفاهم .. انا قلت له المفروض تجي تكلمني ماتكلم اختك قالي انا ماكنت اعرف انه راح يحصل كذا وقالي انا زعلت على اختي ومن هالسوالف على اساس اني ارضى .. وبعدها ماهد السماعة الا وانا راضية مو متضايقة .. وبعدها اتصل فيني وقالي انا عندي شروط أبغاكي تنفذينها قلت اوكي وكل شي يجي بالتفاهم وبعدها تفهمنا وقالي انا اغليكي المهم بنات ابش رايكم باللي حصل ..بعد مانظر لي زوجي هالنظرة بأني جريئة ايش رايكم هل اتوقع انه راح يستمر ينظر كذا وانا ايش اعمل هلى أطنشه ولا أدر على مكالماته وخاصه انه قال ماأبغى الاتصال بيني وبينك ينقطع بس انا قلت اذا تبغاني انا موجوده اما اني اتصل فلا وألف لا علشان لايحط في باله اني جريئة بغير نظرته 180 درجة ايش رايكم ...