اخواني واحبتي في الله


حبيت ابشركم واحد واحد وتراني راجع للبيت عشان اكتب لكم شكري وتقديري لكم جميعا والي اتمنى كل واحد يشوفه

انقطعت من يوم الثلاثاء تقريبا عنكم المهم زوجتي امس طلعت من المستشفى وهي بصحه والحمد لله استغربت انا رحت لدكتور وسئلته شلون تطلع مايصير قال توكل على الله زوجتك مافيها الا العافيه وتراني سويت لها خروج وسويت لها موعد بعد 7 شهور قلت موعد ولا ايش قال موعد انا بصراحه بغيت اطير امشي يحسبوني مهبول بالممرات دخلت عليها وهي كانت عارفه بس سبقتها انا وشفت الدكتور قبل لا ادخل عليها بغت تضحك على وتسوي فيني مقلب ماتخلي حركاتها

دخلت ولا تكلمت المهم يمين ويسار بتسوي فيني بس كفشتها يا جماعه الخير ولله احس انها رجعت لطبيعتها حتى وجهها راد ما تقولون هذي الي شايفها باليوم الي قبله المهم بعد ماخلصنا من المستشفى قالت وين بتغديني فيه رحنا تغدينا

وقالت شوف ابي شهر عسل من جديد قلت شهر صعبه اجازتي مابقى فيها الا 20 يوم طبعا اخوكم طاير طاير من الفرحه

ماراح اتكلم بالتفاصيل المهم انا سويت حجز على ماليزيا وسنغافوره طبعا قبلها مكه هذا بفضل ربي ثم دعواتكم
الي ما راح انساها

مو معقوله اعيش الفرحه لوحدي حبيت تشاركوني فيها ربي يفرح قلوبكم يا احبابي

باقي على السفر 7 ساعات وحبيت ابشركم يلا يا احلى اعضاء بروح اجهز اغرضي

بغيب عنكم 17 يوم وأن شاء الله بعدها راح ارجع لكم

طبعا كتاباتي مخربطه لكن اعذروني
مع السلامه واشوفكم على خير