السلام عليكم

يمكن موضوعي طويل بس ارجوكم تقرونه للنهاااايه ارجووووكم

اي بنت تتمنى انها تلاقي الانسان اللي يفهمها وتفهمه وتعيش معاه على الحلوه والمره

وانا دايما احاول اهون على نفسي واقوول فيه ناس اخس مني ليش مااتحمل يمكن في يوم يجي الفرج بعد الهم

مشكلتي بدت من بدايه زواجي من اول شهر اكتشفت ان زوجي يكلم بنات وايد مب وحده ولا ثنتين

واجهته ويمكن مواجهتي له كانت غلط كنت ضعيفه ومازلت يوم واجهته قام يقول انه انا اللي غلطانه وهذا مب رقم وحده هذا رقم واحد رفيجي

وانا مسجله باسم حياتي لاني اعزه وايد

واللي يحز في الخاطر انه مسجلني باسم الاهل!!! المهم اصلا شئ واضح انه كانت وحده ومب واحد لانه رفض انه يتصل حق الرقم

واتهمني بعد الثقه....واني اتدخل وافتش في اغراضه... مع ان الموضوع كان مجرد صدفه غير مقصوده

المهم تكررت المواقف ولو بذكر لكم ماراح انتهي وفي كل مره كنت اواجهه كان يبرر موقفه بشئ ويطلعني انا اللي غلطانه

اخر شئ قررت اني ماادور من وراه ولاافكر فيه وانسى هالموضوع يمكن الله يهديه

بس للاسف احس الموضوع كل ماله ويكبر اكثر كثرت سفراته للبحرين والامارات

وكل مااقوله بسافر معاك يرفض وللعلم من تزوجته ماسافرت كلش وهو يمكن في السنه توصل سفراته 10 اذا مب اكثر

وفي الفتره اللي راحت في الاجازه قال انه بيسافر تايلند وسافر وراح مده شهر وقبل لايرجع كان يكلمني من المستشفى

قلت له اشفيك يقول مافيني شئ بس اسوي تحليل شامل اشوف اذا فيني شئ ولالا !!!!!!!!!!! انا هنيه فهمتها لاني مب غبيه

والحمدلله الله عطاني عقل افكر فيه

المهم بعد مارجع لقيت بين ثيابه اللي كنت ارتبهم قميص على كتفه روج وتبون الصراحه طنشت السالفه

ولاجبت له سيره عن الموضوع

بعدها جاني الفضول اني افتش في جواله واشوف مسجاته لقيت مسجات بالهبل من بنات وهو مرسل لهم يواعدهم في اماكن

وكله كلام حب في حب وانا محرومه منه

المهم هو الحين مسافر وبيرجع على اخر الاسبوع

على قولته يغير جو

انا رحت عند هلي في هالفتره واخذت الاب توب معاي مع العلم هو مايخلي الاب توب في البيت كله في السياره

بس ذاك اليوم نزله لانه بيسافر

مافكرت اني افتشه بس اليوم قاعده اشوف رسايل البلوتوث اللي في الجهاز

لقيت الشئ اللي ماتوقعت اني اشوفه ابد يمكن كان عندي شك بس ماتوقعت اشوفه

شفت افلام له مع بنات في تايلند وفيه حركات ماقدر اذكرها

انصدمت انصدمت انصدمت فيه صدمه عمري يمكن قلبي كان ممكن يسامحه على الاشياء اللي راحت بس احس اني مااقدر اسامحه ابد على اللي قاعد يسويه

انا قبل لااتزوج كنت اشوف نفسي حلوه مب غرور مني بس انا كنت دايما اسمع الاطراء من الكل علي اني احلى وحده في خواتي حتى اني تزوجت قبل وانا صغيره


بس الحين صار ماعندي ثقه بنفسي اقول اكيد هو يدور وحده احلى مني يمكن هو يشوفني مب حلوه

مع اني مب مقصره معاه بس هو اذا واجته بشئ طلعني مقصره في حقه وايد عشان مايحس بذنبه

مب عارفه شلون اواجهه بهالافلام لين رجع انا ابيكم تساعدوني مابي ادخل حد بهالموضوع عشان لايكبر

ابي احاول احله لاخر مره بروحي

ساعدوني

انا فكرت اني اقوله خلنا نطلع شوي واواجهه لين طلعنا بالافلام اللي عندي واشوف رده فعله

بس اخاف تكون مثل مااتوقع

ويطلعني انا اللي غلطانه

ارجوووكم تساعدووووني لاني قاعده عند هلي ومابي ابين لهم ان فيني شئ وانا دموعي والله واصله لو احد يكلمني بكيت

اعتبروني اختكم ولاتبخلون علي بنصيحه يمكن تفيدني وتهون مصيبتي

انتظركم

تحبينه ؟

انتي تعلمين انه مسافر الان ... وانتي تعلمين انه في هذا الوقت ماذا يفعل ...!

هل تريدين العوده له ؟

كل شيء مكشوف لك الان

حتى ما استحى من افعاله قام يوثقها بأفلام ..!!!

انتي حره في تصرفك وفيما تختارين ....

هل الطلاق امر صعب عليك !

أعتقد انه لابد منه وخاصه مع رجل كهذا

اختى الكريمه

انتى سيده الموقف

حاولى ان تكونى اقوى صبرا وأبدى بنفسك اولا

واسالى نفسك
هل تهتمين بمظهرك ؟ هل تشبعينه ؟هل وهل
ثم ابدى بالنصح سوء كان مباشر او غير مباشر
مباشر تقوليله تعال خلينا نصلى مع بعض قيام الليل
غير مباشر تقومى وتألفى قصه عن الزنا والامراض وكلام الرسول من زنا يزنى ولو بجدار بيته
وحبه حبه تلاقين نفسك ان شاء الله قدرتى تغيرينه
لاتتسرعى وتطلبى الطلاق او تخبر ى اهلك
حاولى انتى اللى تحلين المشكله
ولاتنسين الدعاء فهو سلاح المومن
واستعينى بالصبر والصلاه
ساعدك الله وعظم اجرك وجعل صنيعك فى ميزان حسناتك

__________________

بسم الله الرحمن الرحيم
الأخت الكريمة
السلام عليكم ورحمة الله وبركاته
بداية توجهى الى الله سبحانه وتعالي ان يمن عليه بالتوبة والهداية
ثانيا :ـ انت امراة مسلمة كريمة لم تقابلى افعاله بمثلها 0 ثبتك الله على التقوى والهداية
ثالثا :ـ بكل حزم وعقل وتدبر واجهيه وقارعيه الحجة بالحجة وذكريه بالله وثوابه وعقابه لأنه هناك افعال للإنسان لا تؤجل الى يوم القيامة ومثل ذلك الزنا وقانا الله واياك شره
رابعا :ـ اختى الكريمة كونى حازمة ومثال للمراة السملمة الصالحة واجهيه بكل حزم
ونحن ندعو الله لك وله بالهدية والصلاح وجمع الشمل وان يجمع الله بنكما فى الخير

المشكله اكبر من قرار اتخذه في هالموقف

لان بينا طفل وانا حامل

اعتقد ان اطفالي اولا افكر فيهم لكن الغيره تذبح

ومااقدر اتاقلم مع هالوضع ابدا

ابي رايكم

اواجهه بهالافلام ولالا

وشلون اواجهه عشان يعترف وانا ابي افهمه اني مستحيل اكون له ا لا اثبت لي انه تاب عن هالاشياء

يعني اعيش معاه جدام الناس بس

انصحوني شلون اواجهه بهالافلام

اختي ام حموووودي انا مع الأخت لمى 24

لأن الرجل مهما كبر يظل طفل وانتي اللي تقدري تعدليه بصبرك

و الله بيجازيكي الخير على صبرك

أشوف انه الطلاق خيار أخير و لا تتسرعي و تطلبيه


لأن انتي بنفسك قلتي انك أهملتي الموضوع من البدايه لما اكتشفتي و هو حس انك مو مهتمه و تمادى بأفعاله


تقربي من ربك أكثر وادعيله بالهدايه

وحاولي معاه



الله يوفقك يا رب

انا في البدايه كنت مهتمه للموضوع وكنت كل ماشوف عليه شئ اواجهه بس كنت اتعب نفسيا منه لانه مايعترف ويطلع كل الغلط علي انا

لا ويزعل بعد علي بالاسابيع وانا اللي المفروض ازعل مب هو

يوم شفت ان هالشئ تكرر اهملت الموضوع

أكيد ضروري تواجهيه لأن الصراحه أهم شي بالعلاقه

بس بدون ما تحسسينه انك كنتي تفتشي وراه

خليها كأنها صدفه


و خليكي قويه وانتي تكلميه عشان يحس بصعوبة الموقف عليك .. خليه يحس انك جاده بكلامك

وانتي أكيد جاده


وضروري تقعدي ببيتك معززه مكرمه .. لا تردي بيت أهلك مهما صار ..




أتمنالك الخير من قلبي

طيب بالأول كانت شكوك وما قدرتي تمسكي دليل عليه


و الحين عندك الدليل


وهو ما راح يقدر يقول شي


يمكن مواجهتك له .. تكون سبب هدايته


سبحان الله

أختي أم حموووووودي
الله يكون في عوووونج

أختي الكريمه بالنسبه لتيلفونه والأرقام اللي تشكين فيها ... نصيحتي لج
أولاً أمتنعي حتى بمجرد التفكير أنج تفتشين لأنج راح تتعبين خليج على المثل اللي يقول ياغافيلن لكم الله
والله راح يعوض صبرج خير....... وتراني مثلج في بعض الأمور ...... مره قعدت اشوف تيلفون زوجي مو عشان أفتشه بس عشان أشوف مسجات حلوة من تيلفونه وأبعثها لتيلفوني وشفت أنه باعث رقم رصيد لواحد فماصدقت طبعاً لأن مستحيل يبعث لرجل رصيد ...
لكن قلت ما أظلمه كل شئ جايز ولما خذت الرقم اتصلت عليه وطلعت وحده..... انصدمت طبعاً
وواجهت زوجي بهالشئ وطبعاً غلطني وقال انتي غلطانه ليش تفتشين وليش تتصلين .. قلت له بدل ماتشرح لي منو هذه ترمي الغلط علي .. قال هذه زوجة صديقي
وان صديقه هذا متزوجها على زوجته الأولى بالسر وأنه طلب من زوجي أنه لما يكون مع زوجته الأولى يقوم زوجي بالواجب اذا احتاجت الزوجه الثانيه شئ ضروري لأن زوجها مايقدر يرد عليها اثناء وجوده مع الأولى ..
وطبعاً زوجي تربطه صداقه حميمه مع هذا الشخص وعلى قولته مايرفضله طلب ........
وأنا بصراحه انقهرت وقلت له حرام انك تكلمها هذه غريبه عنك وانت يعني زوجها عشان تجيبلها رصيد ........الخ
هو بصراحه في ايام الملكه قال لي ان زوجه صديقه تتصل فيه لما تريد تسأل عن زوجها ..
ومرة حصل انها اتصلت على زوجي اثناء وجودي وسمعت المكالمه لأن زوجي حطه على المايكروفون وكانت تسأل عن زوجها فقط ........

المهم هذه السالفه عديتها وصدقت كلامه .......

وبيوم من الايام وهو نايم فتشت تيلفونه ولقيت رقم من بلد آخر ولما اتصلت عليه لقيت وحده من .....
حسبنا الله ونعم الوكيل
شو أقول يا اختي والله اني سكت ومافتحت له الموضوع
وتصوري انه بعد يومين بالظبط اتصل زوجي عالرقم اللي اتصلت انا منه على البنت
يعني اكيد الحلوة قالت له ان في بنت اتصلت ........الخ
لكن طبعاُ مارديت عالرقم عشان مايكشفني ويسويلي مصيبه
ماعرف ليش يحبون يغلطون ومايبون نحاسبهم..... حسبنا الله ونعم الوكيل

وبعد هالشئ حرمت أحط ايدي على تيلفونه عشان ما أحرق دمي
وقلت بنفسي ياغافلين لكم الله
أختي نصيحتي
لاتتعبين نفسج
لأنج لو فتشتي ماراح تحرقين غير أعصابج


أما بالنسبه للاب توب والأفلام
الله يكون بعونج ونصيحتي لج
لما يجي من السفر قابليله بكل حب عشان ماتكوني مقصره
وكوني مجهزه شريط أسلامي يتحدث عن الخيانه ونتائجها على نفسيه الزوجه وعلى حياتهما ونتائجها المضره .......
ولما تلاقينه قاعد مع نفسه حطي اللاب توب والشريط الاسلامي فوقه .....
واختفي شوي عن أنظاره.. ولاتفاتحينه انتي مباشره بالموضوع لأن راح يغلطج انتي والظاهر ان زوجج نفس زوجي بالمغالطه ..... الله يهديهم ويسامحهم
المهم

خليه يفهمها بنفسه ......... ويمكن يأنبه ظميره


الله يهديه لج

آآآآآآآآآآمين يارب

__________________

لو الصبر مايفيد
ماصبر أيوب صبره

سبحان الله وبحمده
سبحان الله وبحمده
سبحان الله وبحمده