والله مادري اشلون ابدي بمشكلتي مع زوجي والي ودي انكم تعلموني اشلون اتعامل معاه ولولا ثقتي بخبركم ونصحكم ما كنت كتبت لكم الهم الي بقلبي كاتمته فياريتكم اتعلموني


زوجي انسان كريم طيب رجل بكل معني الكلمه لاكنه قاسي وسبق وذكرت قساوته معاي يعني لو غلطت بشي تافه واهو رد علي بعصبيه وزعلت خلاص انسي اني زوجته لا كلام لا سلام ولا حتي كلمه طيبه هجر وماكو طلعه اقعدي بلبيت لا والسب علي كيف كيفي تعبت تعبت حيل قاسي بالمره والله ابكي قدامه ساعتين وثلاث وهو يطالع التلفزيون ولا ينام ويخليني عادي لا بعد كلمته الدائمه ( الحمدلله والشكر ) استغرب معقوله هذا زوجي الي اعشقه الي كلي بين ايديه فلوسي وحناني هذا الي وقت الجماع يقولي احلي الكلام واحلي المدح معقوله حبه فراش وبس استغرب ما يهتم هالشي بس يجرح بابشع الكلمات يا يا يا.....
لدرجه اني اشيل فراشي وانام علي الارض والله ولا قلبه يحن ذبحني ذبحني لا تقولون انتي اتسامحي انا بس لو يلمني انسي الدنيا بس كرامتي ما تسمحلي انه يجرحني ويسبني وانا الي اراضيه مستحيل بس المشكله انه ما يحن علي ولا اهمه بديت بالفعل اكرهه واكره طبعه واكره السنين التسع الي عشتهم معاه

تم تغيير العنوان

__________________
ارجوكم دعواتكم لقريبتي بالشفاء العاجل بان يرجع لها بصرها ويشافيها من الجلطات الي اصابتها ويرحم ضعفها وترجع لها عافيتها ويرجعها لاطفالها وزوجها سالمه اللهم امين


لايرد القضاء الا الدعاء