السلام عليكم
اخواني بصراحة انا شفت مواقع كثيرة متخصصة بالحياة الزوجية لكن مثل هالموقع مالقيت
قمة الاحترام والاخلاق و محد يبخل عن اخوانه واخواته بالمساعد
جزى الله كل القائمين على الموقع خير الجزاء

أبدأ في مشكلتي
انا اسكن في مدينة وامي وابي يريدونني ان اتزوج بنت عمي وهم ساكنين بالديرة بقرية صغيرة وريفية لكن مو مرة فيها اسواق ومستشفيات عشان محد يحسبني بتزوج من الصحراء
البنت احسها بدوية شوي حتى اسمها بدوي وسالت امي تقولي بالعكس البنت تلبس ملابس بنات المدن بناطيل ومن هالكلام وتحط مكياج وتقولي امي انها طباخة ونشيطة وماراح تفشلك اذا جا عندك ضيوف
وهي اصغر مني بسنة وحدة فقط وانا ابي وحدة تكون اصفر مني بخمس سنوات احسه افضل
وامي وابي مصرين اني اتزوجها وانا متردد جدا
انا افكر ببنت جيراننا وهي اصغر مني بخمس سنوات

والله محتااااااااااااااااااااااااار جدددددددددددددددددا

انا ابي بنت تحبني واعيش معها قصة حب وغرام مو بنت تعرف تطبخ و تعرف امور المنزل
ابي مشاعر مو جسد
المشكلة ان البنتين كلهم من عائلتي وعاداتنا ان الواحد يخطب وما يملك الا قبل الدخلة بيومين او ثلاثة
وانا ابي املك عليها قبل الدخلة بفترة حتى اكلمها واتفاهم معها ونتناقش واعتقد انه مستحيل املك عليها قبل الدخلة بفترة

والحمدلله ابشركم ان البنتين حافظات للقران

انا محتار ارضي امي وابي او ......... ما ادري بصراحة
هالموضوع شغل تفكيري كثيييييييير

اريد مشورتكم الله يرضا عليكم