×÷·.·°¯`·)» يوم حب من صنع إيديكِ «(·°¯`·.·÷× - منتدى عالم الأسرة والمجتمع

09-03-2006, 12:10 AM

princees

من كبار شخصيات المنتدى

تاريخ التسجيل: Mar 2005

المشاركات: 2,815

×÷·.·°¯`·)» يوم حب من صنع إيديكِ «(·°¯`·.·÷×

اختى الحبيبة فكرت فى يوم حب تستمتعى به انت وزوجك فقط واردت ان اهديكى بعض الافكار ليكون يوم مميز من صنع يديك
وادعوا الله ان يسعدك مع زوجك وان يرزقنا الزوج الصالح

أقصر طريق إلى قلبه

طبعا كلنا عارفين المثل اللي بيقول إن أقصر طريق لقلب الراجل هو معدته واللي عايزة أضيفه إن الأكل فعلا هو أفضل وأبسط طريقة تعبري للي قدامك عن مشاعرك سواء راجل أو ست.. تخيلي نفسك لما تلاقي حد وقف وتعب نفسه مخصوص علشان يعمل لك حاجة بتحبيها، الشعور اللي إنتِ هتحسي بيه أكيد برضه هيوصل للطرف التاني.

انا هدي ليكِ مجموعة من الحلويات اللذيذة وإنتِ اختاري اللي يعجبك، الطرق سهلة جدا بس اللي هيفرق القوالب والتزيين. وهندي ليكِ فكرة عن القوالب.

قوالب رومانسية

طبعا متوقعين إن القوالب هتبقى على شكل قلوب وده فعلا اللي في بالنا.. اتفرجي معانا..

دي قوالب تيفال على شكل قلب لو مش موجودة عندك في البيت تقدري تجيبيها من أي محل للأدوات المنزلية، مش هتخسر، ودي هتنفعك في عمل التورتة جدا.

دي بقى قوالب البسكويت.. الأول ده للتقطيع، والتاني ممكن تدخليه الفرن، والقوالب دي كمان ممكن تستعمليها في صنع الشمع. ونبدأ في العمايل.

بسكويت سادة

المقادير:
نصف كوباية سمن.
ثلاثة أرباع كوباية سكر بودرة.
2 كوباية دقيق.
2 بيضة.
فانيليا.
1 معلقة كبيرة بيكنج باودر.

الطريقة:
شغلي الفرن من البداية على 140 درجة مئوية. ادعكي السمنة كويس بالمعلقة الخشب.

ضيفي السكر البودرة وربيه كويس لغاية ما يبقى زي القشطة. ضيفي البيض الممزوج بالفانيليا والدقيق والبيكينج باودر بالتبادل لغاية ما ينتهي المقدار وتتكون عجينة يابسة.

افردي العجينة بالنشابة وقطعيها بقطاعات البسكويت اللي على شكل قلب، اللي فوق. حطي القطع على صاج الفرن المفروش بالفويل في الرف الثاني من فوق في الفرن. تابعي العجينة لغاية ما يبقى لونها روز. ممكن تدهني البسكويت بمربى وتقدميه مع الفراولة مثلا.

كيكة الشيكولاتة السخية

المقادير:

1- الكيكة:

كوب وربع زبدة.
نصف كوباية كاكاو سادة بدون سكر.
1 كوباية مية.
2 كوباية دقيق.
كوب ونصف سكر بني ممكن تستبدليه بكوب وربع سكر أبيض+ 2 ملعقة أكل عسل أسود.
1 معلقة صغيرة بيكربونات صودا.
1 معلقة صغيرة قرفة.
1 معلقة صغيرة فانيليا.
نصف ملعقة صغيرة ملح.
1 علبة لبن مكثف محلي.
2 بيضة.

ب – الوجه:

ربع كوب الزبدة (المتبقي).
ربع كوب كاكاو (المتبقي).
بقية اللبن المكثف المحلي.
1 كوب سكر بودرة مصفى.
1 كوب بندق مكسر.

الطريقة:

ا – الكيكة:

سيحي كوباية زبدة على النار وبعدين ضيفي لها ربع كوباية الكاكاو مع التقليب وبعدين حطي المية وبمجرد ما يغلى الخليط شيليه من على النار. في طبق العجن اخلطي الدقيق والسكر البني وبيكربونات الصودا والقرفة والملح كويس. وبعدين ضيفي للخليط ده خليط الكاكاو وقلبي الخليط كويس بالمضرب الكهربائي (على أقل درجة). اخلطي في طبق ثلث كوباية (أو معلقتين كبار) لبن مكثف والبيض والفانيليا وضيفيهم لخليط الدقيق. سخني الفرن على درجة حرارة 180 درجة مئوية. ادهني القالب بالسمن. صبي الخليط في الصينية وسيبيه في الفرن لمدة 15 - 20 دقيقة لغاية ما تستوي التورتة (بحيث إن السطح يرتد عند الضغط بخفة عليه. الاختبار بخل الأسنان).

ب – الوجه:

تخلط جميع المكونات وتفرد على الكيكة وهي دافئة.

ليلة رومانسية

طبعا بعد ما عملتِ الحلو فاضل إنك تجهزي ليلة رومانسية جدا.. يعني كارت يصاحب التورتة والهدية وماتنسيش الشمع.

شموع عايمة

الشموع بالإضافة إلى أنها بتدي جو رومانسي فشموعنا دي هتدي لك رائحة عطرية خطيرة هتخلي اليوم حاجة تانية خالص، ده بالإضافة إلى إن الطريقة دي سهلة جدا جدا..

قلب من شمع

المطلوب:

قوالب شمع على شكل قلب، وشموع عادية، وألوان مختلفة، وزيوت عطرية ودي هتلاقيها في أي سوبر ماركت أو حتى عند العطار (جربي مثلا زيت القرفة ودي بتدي ريحة رائعة) طبق زجاج أو بايركس فيه مية.

الطريقة:

دوبي الشمع اللي عندك في حمام مائي وبعد ما تدوب حاولي إبعاد الفتيلة وبعدين حطي نقط من الزيت العطري اللي عندك.

دلوقتي بعد ما دوبتيها صبيها في القوالب اللي صورتها قدامك وتقطعي الفتيل لحتت متساوية وحطيها في الفريزر تجمد، وفكيها وأشعلي شمعتك وضعي القوالب فوق الطبق وهتدوب وتفوح منها ريحة جميلة وقت دوبانها.

نصيحة: بعد دوبان المكعبات ماترميش السائل.. صبيه مرة تانية في القوالب واستخدميه للمرة الجاية.

كلمة في ودنك: ممكن كمان تحطي في طبق الشمع بتلات ورد مجفف أو طبيعي.

وكمان شموع لا تنسى

دول بقى شموع عادية لكن المميز فيها الديكور بتاعها أو الديكور اللي في الشمعدانات ودي ممكن تشتريها وليها كذا شكل.. اتفرجي عليها.

دي شموع على هيئة عصافير واقفة على شجر..... طبعا رائعة

دي كمان سهل إنك تلاقيها في أي حتة
الفرق بس في طريقة التقديم.. وده دورك

دي شموع بيضاء عادية جدا بس المميز في الشمعدان الفيرفورجيه اللي نازل منه عنقود العنب

دي كمان شمعة عادية عريضة ومعمول حواليها زي غويشة بالورد الصناعي واللؤلؤ المضفر

قل لي بحبك بصوت عالي

طبعا مافيش أجمل من الذكرى ولازم تعرفي إن اللي هيفضل من اليوم ده ذكرى حلوة، وطبعا لو كانت الذكرى دي على الورق هتفتكري على طول.. يعني بنتكلم هنا عن كارت بس مش أي كارت، ده كارت من صنع إيديك وبيعبر عنك إنتِ وبس.

كارت بسيط جدا

المطلوب:
نصف فرخ ورق كانسون أو كارتون أبيض أو وردي.
شريطة ستان رفيعة.
وردة واختاريها طبيعية أو صناعية زي ما تحبي.
قلم وردي أو أي لون تاني.
مسدس شمع.

الطريقة:
1- اطوي ورق الكانسون نصين وهاتي شريطة ستان رفيعة واعمليها على هيئة فيونكة (زي ما هو قدامك في الصورة).
2- هاتي الوردة وحطي فوقيها نقطة بمسدس الشمع.. نقطة شمع صغيرة، وحطي عليها الفيونكة واكتبي اللي إنت عاوزاه من جوه ومن بره الكارت باللون اللي إنت عاوزاه.

كارت فني للغاية

المطلوب:
نصف فرخ ورق كانسون أو كارتون أحمر.
وردة واختاريها طبيعية أو صناعية زي ما تحبي.
قوالب تشكيل البسكويت اللي على شكل قلب.
مسدس شمع.
قلم ريليف دهبي وده موجود في كل المكتبات.

الطريقة:
1- اطوي ورق الكانسون الأحمر نصفين وقصي ورقة بيضاء على قد الكارت علشان تكتبي فيها اللي إنت عاوزاه.
2- هتجيبي بقى قوالب البسكويت اللي على شكل قلب وتفرغي زي ما موجود في الصورة على شكل قلب وبالريليف الدهبي تحددي مكان التفريغ.
3- هاتي الوردة وحطي فوقيها نقطة بمسدس الشمع.. نقطة شمع صغيرة، وحطيها على الورق الأبيض بحيث تبان من القلب المفرغ.

ودي مجموعة كروت ومن شكلها تقدري تاخدي فكرتها بسهولة

__________________

09-03-2006, 12:11 AM

princees

من كبار شخصيات المنتدى

تاريخ التسجيل: Mar 2005

المشاركات: 2,815

أفكار هدايا عصرية مية في المية

الأفكار اللي هقدمها ليكِ مش هتحتاج منك فلوس كتير ولا حتى تفكير، انا بقدم لك حاجات جاهزة تقدري تعمليها بمنتهى السهولة... وتعالي شوفي.

دايما بافتكرك يا حبيبي

الفكرة دي هتضمن ليكِ إنه هيفضل دايما يردد الأغنية دي، الموضوع ده هيستلزم منك إنك "تستولي" على الكمبيوتر بتاع البيت قد 10 دقايق من غير ما يشوفك، وده كافي جدا علشان تحطي له صور خطوبتكم وفرحكم علشان تتعرض "screen saver" لما يبطل شغل شوية ودي هتبقى مفاجأة رائعة. ممكن كمان تحطي له صورة متحركة على الـ"Desk top" زي دي مثلا.

شجرة أو وردة حبكم

طبعا اليوم ده بيكتر فيه الورد، بس فيه مشكلة صغيرة في الورد، وهي إنك بتضطري ترميه بعد فترة -غالبا ما بتزيد على أسبوع مهما اعتنيتِ بيه- علشان كده فكرت ليكِ إنك تجيبي ليه زرع أو نوع من أنواع الورد اللي بيحبه مزروع. وسميها وردة أو شجرة حبنا.. وفيه فكرة كمان ألطف، وهي إنك في اليوم ده تجيبي البذور وتزرعوها سوا، وكل يوم بتكبر فيه الشجرة أو الوردة دي اعرفي إن حبكم كمان بيكبر.

يوم في طاعة الله

لو إنتم مخطوبين أو لسه هتتخطبوا أو حتى متجوزين ممكن في اليوم ده تتفقوا إنكم تدعوا لبعض في اليوم ده باللي يتمناه التاني.. إنتم الاتنين هتاخدوا ثواب كبير، يعني هدية مزدوجة، ويا سلام كمان لو فيه وقت لقراءة سورة من القرآن وإهداء ثوابها للطرف التاني، وده ضمان أكيد إن ربنا هيبارك ليكم في حبكم.

هدية على ذوقه

فيه اختراع لطيف منتشر حول العالم اسمه "Gift certificate" واسمها بالعربي قسيمة الهدية ودي كمان موجودة في مصر ودي فكرتها بسيطة جدا.. تخيلي إنك عاوزة تهادي حد ومش عارفة ولكن عاوزة تجيبي له كتاب من المكتبات المشهورة.. ممكن تروحي تشتري قسيمة الهدية دي وتديها ليه يجيب بيها اللي هو عاوزه، والحكاية دي كمان منتشرة في محلات الملابس بس الغالية شويتين.

أنا وإنت ولا حد تالتنا

سجلي له CD عليه أحب الأغاني ليكِ وله وهتبقى حركة رومانسية موووت لو سجلتِ ليه في النص إهداء بصوتك إنت، ونفس الحكاية ممكن تعمليها ليه على شريط كاسيت.

ربنا يجعل كل أيامنا حب

__________________

التعديل الأخير تم بواسطة princees ; 09-03-2006 الساعة 12:14 AM

09-03-2006, 01:37 AM

MISS EGYPT

قلب المنتدى النابض

تاريخ التسجيل: Nov 2005

المشاركات: 1,452

دائما متالقه ومميزه حبيبتى

مشكوره يا عمرى على الموضوع

على فكره الى عجبنى فى الموضوع طريقه كلامك وشرحك طريقه رومانسيه وجميله

متطلعش مظبوبه غير من واحده زيك

09-03-2006, 02:20 AM

ta2ba

قلب المنتدى النابض

تاريخ التسجيل: May 2005

المشاركات: 907

يسلموووووو...الله يعطيك العافيه حبيبتي

أفكار رووووعه

__________________

09-03-2006, 03:38 AM

صاحبة السموء

عضو نشيط جدا

تاريخ التسجيل: Dec 2005

المشاركات: 342

ربي يسعدك على ها الموضوع الاكثر من رااااائع

ويخليلك ابو عيالك
ولاتحرمينا من افكاااااك الحلوة

__________________
[/frame]

10-03-2006, 11:45 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة MISS EGYPT

اختى الحبيبة اسعدتنى مشاركتك وتواصلك الدائم
مع تحياتى

__________________

10-03-2006, 11:47 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة ta2ba

يسلموووووو...الله يعطيك العافيه حبيبتي

أفكار رووووعه

تسلمى حبيبتى
مع تحياتى

__________________

10-03-2006, 11:58 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة صاحبة السموء

ربي يسعدك على ها الموضوع الاكثر من رااااائع

ويخليلك ابو عيالك
ولاتحرمينا من افكاااااك الحلوة

اللهم امين
بس انا غير متزوجة
ادعوا الله ان يرزقنى الزوج الصالح
مع تحياتى

__________________

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه