السلام عليكمورحمه الله وبركاته ...

طبعا هذي اول مشاركه لي .. حبي فيها اقولكم السبب الرئيسي الي خلاني اسجل بالمنتدى
مادري من وين ابتدي بس مشكلتي كبيره.. وابي الحل

بدت مشكلتي قبل فتره من حبيت وحده اكبر مني بسنه .. وحبينا بعض وكانت علاقتنا ان شاء الله راح تستمر للزواج من اتخرج واشتغل بس في اغلب الاحيان كان بينا مشاكل مثل اي مشكله بين اي شخصين يحبون بعض بس كانت تنحل الحمدلله ..
مشكله البنت الي حبيتنا انه عندها صديقه على طول معاها وصديقتها هذي ما كنت ارتاحلها لانها بنت الصراحه حدث ولا حرج ما كانت تعجبني اخلاقها ولا سلوكها وانا كنت خايف تاثر على حبيبتي لانه اهي كانت صديقه عمرها وكنت احاول اقنعها توخر عنها بس ماكو فايده واهي كانت سبب اغلب المشاكل الي بينا باغلب الاحيان ما كانت تسمع كلامي وكانت تاخذ بكلام صديقتها الي اهي والشيطان واحد ... ومنكثر ما كانت تسمع كلام صديقتها اثر هالشي على علاقتنا لانه انا ما كنت احب تطلع معاها وكانت تطلع معاها من وراي بدون ما تقولي بس عشان ام اقولها لا تطلعين معاها .. ومرت هالحاله فتره طويله وانا كنت احاول القى حل بس ماكو فايده لمن كثره الخلافات الي بينا .. وانا قررت انه اهدها لانه اذا بدايتها مو متوافقين ما اعتقد انه نصلح حق بعض بعد الزواج ... وانا حبيت اسوي حركه عشان تنقرص منها قتلها انه لازم نهد بعض اذا بتمين على هالحاله .. وقتلها خلاص لازم ننهي علاقتنا واهي كانت تترجاني انه اسمحها واعطيها فرصه .. طبعا انا هذي حركه كنت مسويها عشان تسمع الكلام كنت حاط في بالي انه اهدها فتره وبعدين ارجعلها بس عشان تسمع اللكلام ... وكانت غلطه عمري انه سويت هالحركه .. ضلت فتره كل يوم تترجاني انه ارجعلها بس انا كنت مصمم اكمل الي بسويه عشان بعد فتره ارد لها كانه شي ماصار.. بس المشكله بعد سبوعين من هديتها دق علي قاله انه بتنخط والملجه بعد سبوع .. انا على بالي انه كانت حركه منها عشان تشوف رده فعلي انا طنشت قتلها الله يوفقج لانه ما توقعت تكون السالفه صج .. انصدمت بعد فتره انه صج تزوجت انا هني صكت فيني الدنيا ولمن كلمتها قاتلي انه انا سكرة الدنيا بويها واهي حاولت تنساني باول واحد خطبها او وافقت عليه بدون تردد .. انا هني طبعا حاشتني حاله لانه ما توقعت هالشي يصير وما كنت اتصور انها تكون مع غيري .. طبعا بالفتره هذي عشت حاله صعبه وحاولت اقنع نفسي انه البنت خلاص راحت والله يوفقها ان شاء الله .. وبعد فتره تعديت الحاله هذي والحمدلله .. بس انصدمت انها قامت ادق علي واهي طبعا متزوجه بس ليلحين مو ساكنه مع زوجها لانه بعد ما تخلص دراستها تروح تسكن معاه بعد فتره مدتها 5 اشهر وبالفتره هذي راح تكون قاعده مع اهلها .. انا استغرب لمن دقت علي ورديت عليها وادري انه شي غلط اكلم وحده متزوجه بس قلت يمكن في شي ضروري او سالفه مهمه وطبعا كل شوي انصدم اكثر كانت داقه تسال عني وتبي تسلم علي انا قلت البنت فيها الخير والبركه يمكن بس كانت تبي تكلمني لاخر مره .. بس كثره اتصالتها وانا كنت بين المتردد والمستانس .. مستانس لانه رديت اسمع صوتها ومتردد لانه الي قاعد اسويه غلط البنت على ذمه ريال وقتلها هالشي هذا انه انا ما ارضى عليها وما ارضهاها لو انا كنت بمكان زوجها بس مع الايام الي فهمته منها انها مو مرتاحه مع زوجها وانها ندمانه لانه تسرعت وكل يوم ادق علي تقولي الفتره الي كنا فيها مع بعض مرتاحه فيها اكثر من الحين مع زوجها لانه انا كنت اهتم فيها اكثر من زوجها هذا حسب كلامها وتقول لانه مو لاقيه اهتمام من زوجها خصوصا لانه الحين اهم كل واحد عن اهله ناطرين بس يحصلون الشقه وبعدين يسكنون مع بعض .. انا قلت يمكن هذي حاله تمر فيها اي بنت اول ما تتزوج وتكون انها مو مستوعبه انه متزوجه توقعت انها تنساني وتستانس مع زوجها بس الي قاعد يصير العكس كل يوم ادق تتشكى منه كل يوم تندم على اليوم الي تزوجت فيه وتقول نها تسرعت وانا احاول اقنعها انه هالشي خلاص صار وخلص وما منه فايده واذا في شي زوجج مضايقج فاتحيه بالموضوع حاول تفهمينه تقول حاولت بس ما قدرت وكل ما قالت شي تقول لو انته جان ما سويت مثله وجان مهتم فيني اكثر ولو ولول ولو .....
انا كل يوم انصدم اكثر لين قالة كلمه خلتني مادري شنو اقولها قالت انها تبي يطلقها بس ماكو فايده الفاس طاح بالراس لانه خلاص( دخل عليها ) وانا حاول اقنعها انه ان شاء الله الامور تتعدل بينهم وان شاء الله تستانس مع زوجها بس ماكو فايده الي فهمته من كلامها انه تبي زوجها يطلقها عشان ترجعلي ... هذا الشي الي انا خايف منه وما ابيه يصير
ليه درجه انه مره سوت حادث ما دقت على زوجها على طول دقت علي ...
ادري انه السالفه بكبرها غلط لانه اكلم وحده متزوجه بس كنت احبها من قبل .. بس ما استحمل اشوفها متضايقه بدون ما اسوي شي طبعا انا مابيها تطلق وتهدم حياتها لانه خلاص صعبه انه اردلها بعد ما تزوجت شي صعب ...

والي اكثر من هذا تقول انها تحاول تمنع زوجها انه يمارس حقه كزوج عليها .. وطبعا صارلهم شهر ونص على الزواج وما دخل عليها الا مرتين وتقول اهي تحاول تمنعه .. انا الي فهمت من كلامها عشان يكون في امل اذا تطلقت ترد لي بس انا مابي اهدم حياتها خصوصا انها الحين مو بكر ...
طبعا من الي سمعته انه زوجها خوش ريال مهندس والحمدلله الله منعم عليه وانا طالب وباقيلي سنه على التخرج ليلحين ما تخرجت يعني ما اعتقد انها تقلى ريال احسن من زوجها .. انا بالنسبه لي كنت مستانس لمن عرفت انه الي تزوجها ريال الحمدلله زين لانه كنت اقول اهي بنت وتستاهل كل خير وتستاهل واحد احسن مني .. قدرت اقنع نفسي بالشي هذا بس اهي ليلحين مو مقتنعه ... لانه ندمانه على الزواج .. وندمانه لانه تزوجت ... لانها كانت تبيني تبيني انا كون زوجها
ياريت تعطوني الحل وانا ما لقيت الا هالمنتدى الي فيه الخير والي ان شاء الله يحل مشكلتني
طبعا ارد واقول واكرر اني غلطان وغلطه كبيره اني اكلمها ليلحين .. بس والله ما اقدر اتجاهلها لانه ما اقدر اشوفها متضايقه وانا ساكت مو قادر اسوي شي حاولت انه اتجنبها بس ما قدرت
ياريت تفيدوني ابي حل باسرع وقت لمشكلتي لانه مو عارف شلون اتصرف او شسوي ... ونسيت اذكر لكم انه عندها موعد بالستشفى حق عمليه بسيطه وتخيلو تقول انه تبيني انا اوديها .. لانه تقول انه ريلها مو مهتم قالها شوفي منو يوديج لانه مشغول بالدوام .. وانا ودي اوديها واكون معاها وقت العمليه بس ادر اقول ادري انه شي غلط بس والله ضعت مادري شلون اتصرف شنو اسوي ..
والي يحز بقلبي اكثر كل ما سالتها عن زوجا ان شاء الله مستانسه تغير الموضوع تقول مالنا شغل فيه .. وتقول انه بالفتره الي كنت احبها فيها كنت ما اشوفها وايد بس تقول انه كنت مهتم فيها اكثر واقرب لها من زوجها .. ولو انه كل يوم يكون معاها كل يوم يطلع معاها ...

واسف اذا ازعجتكم بالطواله .. واسف اذا كان الموضوع مو بمكانه يعني مو بالقسم المناسب بس سامحوني اول مشاركه لي ... وان شاء الله تحلون المشكله هذي وتساعدوني

بعد انا اول مشاركه لي...

اسمع تبي شوري وضعك انت وياها مزري

خل البنت تعيش حياتها ...واختفي انت عن اخبارها

وهي لو فيها خير ماشكت من زوجها وهم توهم اول الطريق!!!


من طلب الشور دخل بالذمه

مشكور اخوي يعطيك الف عافيه وما قصرت
... وانا ا ن شاء الله احاول ...
بس ياريت اشوف تفاعل اكثر من الاعضاء ابي راي الكل يا جماعه

تلك الفتاة ترتكب خطأ فادحا وانت تساعدها على ذلك ، فتوقف فورا اخي عن محادثتها ، لن تجلب لك الا المشاكل ، هي تخون الله وتخون زوجها ، وليس مبررا لها ان تتصل بك مهما كان زوجها مهملا لها ، ما موقفك عندما يعرف زوجها او احد من اهلها انك على اتصال بها ؟ وهل تضمن انها لن تقول لهم انك انت من يلاحقها ؟ فإن كانت لا تخاف الله وتحسب له حسابا فلن تحسب حسابا لأحد ، انصحها للمرة الاخيرة بأن تتوب الى الله وتتوقف عن خيانة زوجها ، ان كانت لا تريده فلتتركه يعثر على فتاة اخرى تحفظ العهد ، وقل لها انك لن تتزوجها حتى وان تطلقت من زوجها ، ما دام هذا قرارك ، لا تجعلها تتعلق بحبال الوهم من انك ربما ان تركت زوجها فإنك ستتزوجها .

لا ارتاح ابدا لتصرفاتها ، وان استمريت على التواصل معها فحتما ستجرك معها الى المشاكل ومعاصي.

فتوقف فورا اخي عن محادثتها

وقل لها انك لن تتزوجها حتى وان تطلقت

__________________

اللهم ياودود ياذا العرش المجيد يافعال لما يريد - أسالك بعزك الذي لا يرام وملكك الذي لا يضام ونورك ونور وجهك الذي ملأ أركان عرشك أن تغيثني وتصرف عني كل سوء -- ياحي ياقيوم

مشكورين اخواني الاعضاء على النصيحه الغاليه ومشكورين على تفاعلكم مع مشكلتي ... بس الظاهر خلاص انه ماكو فايده الحين .. البنت تطلقت اليوم هذا حسب كلامها .. لانه تقول انه زوجها كان ماخذها عشان يحرق قلب وحده كان يحبها قبل لانه اهلها مو موافقين عليه بس الحين وافقو عليه .. وقرر يطلقها ...
الصراحه انا مادري اصدق الي قاعد يصير ولا هذا كله كلامم فاضي ولعبه اهي مسويتها ...
الصراحه انا قمت اضحك على نفسي... لانه مو مستوعب الي صار ...

احس انه سالفتي صارت مصخره

حراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااام اللي تهببونه هذا....................اتركها.................لو فيها خير والا تستاهل ما واصللت مكالماتها معاك وهي عللى ذمة رجل اخر..............................وكما تدين تدان......................لا تستغرب بكره لما تشوف زوجتك تكلم غيرك ولو بعد حين او عيالك او عيال عيالك..................اتركها وغير ارقامك لو صادق...........................

__________________
[/IMG]