هذه الرسالة تفيد بأنك غير مشترك. للإشتراك الرجاء اضغط هنــا

إعلان شبكة الألوكة شبكة الألوكة  

 

 

الرئيسية قوانين المشاركة في المنتدى لاستعادة كلمة المرور لتفعيل العضوية لطلب كود تفعيل العضوية لطلب اعلان
العودة   منتدى عالم الأسرة والمجتمع > عالم الحياة الزوجية > المتزوجين

فعاليات و أنشطة المنتدى


المتزوجين مواضيع تهم المتزوجين من الرجال والنساء.

إغلاق الموضوع
 
أدوات الموضوع طريقة عرض الموضوع
  #1  
قديم 11-03-2006, 05:45 PM
الصورة الرمزية الخاصة بـ لمسه حنونه
لمسه حنونه لمسه حنونه غير متصل
عضو نشيط
 
تاريخ التسجيل: May 2005
مشاركات: 130
rolleyes زوجي مو مهتم فيني

سلام الى اعضاء احلى منتدي

بقول لكم مشكلتي او قصتي وابغي اعرف شنو رايكم؟؟

انا خلصت من الاربعين وبعد كم يوم نزلت علي الدورة الشهرية انا قلت اخلص الدورة وارجع بيت زوجي نظيفة و مخلصة..
في هالايام والدتي تعبت علينا و اخذناها الى المستشفى بعد الفحوصات والمعاينه تبين ان عندها حصى في المرارة ولازم يستاصلون المرارة لان الحصى حجمها كبير..المهم لين بتسوي وامي العملية لازم يكون احد في البيت و لاني اكبر اخواني فأحس بالمسؤلية يعني ما راح ارجع الى بيت زوجي الا لين امي اتسوي العملية و تقوم بالسلامة...
امي تقول لي رجعي بيت زوجك بس ما اقدر اخلي امي واخواني وابوي برووحهم في البيت انا عندي اخت اصغر مني بس عندها جامعه..

المشكلة زوجي مو مهتم فيني يعني اهو صح يزورني في بيت ابوي كل يومين وساعات يبات عندنا بس احس ما ادري شلون احس فيه برود مو طبيعي لين يكون في البيت معاي ما احس انه موجود يعني اول وين كنا مخطوين او ما تزوجنا يعني سامحوني على هالكلام مافي احضان ولا قبلات حتى كلامه الحلوو صار نادار ما يقوله لي تصدقون ما سألني لحد احين متى بترجعين الى البيت ولين ما يكون وياي ما يتصل ولا يسأل عني حتى ولين اتصل يسأل عن بنته وآخر شي يسأل عني لا تقولون لي غيرة بس انا الاصل المفروض يسأل اول شي عني....
بصراحة بديت اشك فيه ان عنده علاقة بوحده ولا شي من هالقيبل لان فيه برود مو طبيعي كلش
واحنا صار لنا سنتين تقريبا من تزوجنا..

شنو الحل وش اسوي لان عن جد نفسيتي واايد تعبانه والمشكله ما ابغي اخلي بينتا يحسون بأن عندي مشكله مع زوجي كفاية مشاكل بيتنا الله يعنهم عليهاا.

مع خالص شكري لكم...
  #2  
قديم 11-03-2006, 06:43 PM
بنوتة المدينه بنوتة المدينه غير متصل
عضو جديد
 
تاريخ التسجيل: Aug 2005
مشاركات: 3
صدقيني هذي بس خيالات واوهام يتهيالك لكن زوجك شايف انه في بيت اهلك المكان غير مناسب للرومنسيات واكيد بتلاحظي الفرق في البيت لمن ترجعي بالسلامه واهتمامه في المولود شي طبيعي جدا لكن لا تكوني حساسه
  #3  
قديم 11-03-2006, 08:07 PM
الصورة الرمزية الخاصة بـ لمسه حنونه
لمسه حنونه لمسه حنونه غير متصل
عضو نشيط
 
تاريخ التسجيل: May 2005
مشاركات: 130
اشكرك اختي بنوته المدينه على ردك

بس صدقيني اول وين كنا مخطوبين يعني كان معقود علينا بس اشوفني اصير بروحي في الغرفع الا وصار شي بينا
احين يبات عندنا حتى كلمة تصبحين على خير ثقيلة على لسانه

وينكم يا اعضاء المنتدى ابغي اعرف رايكم و الحل؟؟؟
  #4  
قديم 11-03-2006, 08:29 PM
lavendergm lavendergm غير متصل
عضو نشيط جدا
 
تاريخ التسجيل: Dec 2005
مشاركات: 302
احس انك مكبره الموضوع يمكن تفاجا انك طالعه من النفاس وجالسه عند اهلك ومتوقع انك مشتاقه له مره وبتروحين للبيت اتوقع انه شايل بخاطره وانك مامهتمه فيه تبين نصيحتي اختك كبيره ماشاء الله ارجعي لبيتك وتشوفين اذا ماتغير___ وبعدين فتره الملكه مو مقياس لحياتكم الزوجيه الان ذاك الوقت متى كان يشوفك اويلمسك ومايجي الى وهو مروق ومستعد لك--- بس هذا مايدل على ان حبه لك تغير بالعكس يمكن ازداد مع العشره الله يوفق الجميع]
  #5  
قديم 11-03-2006, 09:56 PM
رازجي رازجي غير متصل
عضو نشيط جدا
 
تاريخ التسجيل: Feb 2006
مشاركات: 279
انا صار لي مع زوجي نفس الشي في نفاسي واكتشفت بعد كم شهر انه عنده علاقة مع وحدة وعلى قولته كان يحس بفراغ عاطفي لاني مشغولة عنه
انا ما ابغى اخليك تشكين في زوجك اكثر
عموما حتى لو كان عنده علاقة اللي عليك تسوينه ..
1\ماتحسسينه انك عرفتي
2\تزيدين من جرعات الحب بمعنى..انك تدلعينه..تكثرين من الكلام الحلو ..تفرغي له اجلسي جنبه امسحي على شعره ..سوي له مساج.والحركات اللي يحبها..وزعي حنانك عليه وعلى بنتك بس هو اكثر .
3\.تسألين عنه اذا ماكان عندك .
تدعين له اذا طلع من عندك ..
4\.لاتخلينه يحس بنقص او تقصير منك .حاولي قدر الامكان تنظيم وقتك والتفرغ له
5\ غيري من شكلك بعد النفاس وتجملي له دائما
6\ عليك بالدعاء له بالهداية وان يصرف الله عنه فسقة الجن والانس
اكيد انك عارفة كل هالكلام وتسوينه ولكني اقول لك اياه لاني مجربة
اسأل الله ان يشفي امك وان يصلح حالكم ويحفظكم من كل سوء
  #6  
قديم 11-03-2006, 11:09 PM
msshq msshq غير متصل
عضو نشيط
 
تاريخ التسجيل: Jan 2006
مشاركات: 188
الاخت لمسة حنونة انا مااشوف فية مشكلة
انتي كنتي نفاس وبعدين مرضت امك يعني سبب مقنع لزوجك انة يتقبل غيابك لان غيابك كان بعذر شرعي
بالنسبة للعلاقة بينك انتي وزوجك السبب في فتورها هو الروتين وعدم التجديد
تعوذي من ابليس ولاتخلقي مشكلة مالها اصل
اتمنى لك حياة زوجية سعيدة

m s s h q

  #7  
قديم 12-03-2006, 12:49 AM
الصورة الرمزية الخاصة بـ ابوجنا الشرقية
ابوجنا الشرقية ابوجنا الشرقية غير متصل
عضو نشيط جدا
 
تاريخ التسجيل: Feb 2006
مشاركات: 288
طبيعي ياأختي الشي هذا

وبعدين يمكن الرجال مراعي ظروف أهلك أشوي أو حاس بالمعاناه معاك وما يبغى يبن أنه مستانس أو شي زي

كذا وتفكرين أنه فرحان بمرض أمك....

وزي ما قالو الأخوان بس ترجعي البيت وبتلاحظين الفرق لأن يمكن ما خذ الوضع في البيت عندكم رسمي شوي ....

والله يوفقكم ...وشيلي التفكير من راسك وأهم شي الشك ....لأن الشك أحد أسباب فشل البيوت الزوجية

ولا تخربينها عليه...... تخرب عليك ......
  #8  
قديم 12-03-2006, 01:03 AM
الصورة الرمزية الخاصة بـ الحب ماء الحياة
الحب ماء الحياة الحب ماء الحياة غير متصل
عضو نشيط
 
تاريخ التسجيل: Mar 2006
مشاركات: 144
الأخت الفاضلة عليكي اولا مراجعة نصائح اخوانك واخواتك من المنتدى في تعليقاتهم على موضوعك .
اما نصيحتي لك فهو سؤال : هل تحبين زوجك ؟ هل تحبين الاستقرار لبيتك ؟ مع علمي انك تحبين وتسعين لذلك ولكن اذكرك طالما انتي محبة ومخلصة لزوجك وبيتك والعشرة فعليك ان رأيتي اي نقص أن تجبريه بل وتصارحي زوجك وتعوديه على المصارحة دائما في حياتكما حتى لا تتأثرين بوساوس الشياطين او هو يتأثر بذلك وعليك ان تجددي من نمط حياتك وتعرضي عليه ايضا اشعريه انك زوجته التي لم يراها من قبل هل تقدرين على ان تجعلي من نفسك عروس في لية دخلتها في كل ليلة ان فعلتي القليل لذلك لوجدتي عريسك التي رأيتيه من قبل
أسأل الله لك حياة سعيدة ومليئة بالحب والعشرة الطيبة
  #9  
قديم 12-03-2006, 01:36 AM
طبعي كذا طبعي كذا غير متصل
عضو نشيط
 
تاريخ التسجيل: Feb 2006
مشاركات: 111
اختي الكريمة الموضوع لا يحير ولا شي .......... وانتوا كذا يا حريم
اذا الرجال ترك زوجته عند اهلها وخلاها براحتها وترجع بيتها وقت ما تبي وتطلع وقت ما تبي ووو ((( قلتوا مو مهتم فيني)))
واذا الوحده فيكم راحت عند اهلها مع زوجها وجلس معها ساعه والا ثلاث والا اربع ورجعت معاه والا تركها عند اهلها وكل شوي داق عليها وحشتيني ووو (((قلتوا الرجال عمره ما شاف خير وعملتوا فيها الثقيله)))
يعني لا هو عاجبكم العجب ولا الصيام في رجب
وخير الامور الوسط ........ اذا ما سأل عليك اسألي عليه اش المانع على راسك ريشه ولا دلع بنات بس ....... طمنيه على بته .........حاولي تحسسيه انك ما تقدري تطلعين من بيتك الى بعد اذنه...... واذا رفض ترضين ولا تزعلين حتى لو لزيارت امك وحتى لو امك بين الحياه والموت........... طاعتة الزوج مقدمة على طاعة الوالدين ........
اهتمي في زوجك كثير ....... يهتم فيك اكثر
اسألي نفسك ماذا قدمت لزوجي وما ذا قدم لي من بداية حياتنا من خير ومن حب ومن ود ومن عطف ومن حنان ووو
وانا متأكد انك راح تخجلين من الاجابة بالذات اذا كانت ؟؟؟؟؟؟؟.........

[poem font="Simplified Arabic,5,orange,normal,normal" bkcolor="transparent" bkimage="http://www.66n.com/forums/images/toolbox/backgrounds/21.gif" border="double,6,orange" type=2 line=0 align=center use=ex num="0,black"]
ضاقت فلما إستحكمت حلقاتها = فرجت وكنت اظنها لا تفرج [/poem]

  #10  
قديم 12-03-2006, 02:09 AM
طفله عاقله طفله عاقله غير متصل
عضو دائم
 
تاريخ التسجيل: Jun 2005
مشاركات: 98
اختي

الحل الانسسب المصارحه

اختك طفله عاقله

كلمات اهديها لحبيب قلبي لغيابه عني:


فقدتك وجيت اتصل ثم هونت..
دامك بقلبي وش يفيد اتصالي..
ماودي اشغل وقتك بقول
وين انت؟؟
والا انت في قلبي وساكن خيالي

إغلاق الموضوع

علامات

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 04:53 PM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
جميع الحقوق محفوظة لموقع و منتدى عالم الأسرة و المجتمع 2010©