ودي أقرأ كيف كانت الرؤية الشرعية يوم شفتوا بعض . وكيف كان اللباس معك يابنت ( محجبة - سافرة ) ( فستان -بنطلون )



وهل تؤيدون الكلام والحديث مع بعض أثناء الرؤية بوجود المحرم ؟

السلام عليكم ورحمة الله تعالى وبركاته
أخي في الله،عن تجربتي ،الرؤية الشرعية ماهي الاخطوة لراحة النفس واطمئنان كلا الطرفين ،فأنا مثلا زوجي حفظه الله امتنع عن رؤيتي دون حجاب وكان المبرر أنه يريدني كيف ما كنت ،

وأن ما يهمه هو التدين والأخلاق والله كبر في عيني،

أما ما يخص كلام المخطوبين بوجود محرم فهذا لابد منه،ولكن في رأيي فهي لاتؤدي الى التوافق التام في الكلام لكن الكلام بوجود محرم له كل الفائدة وهي ابتعاد الشيطان والعياذ بالله

بالنسبة لي اخوي انا كنت خايفة مررررررر ه ومستحيه طبعا ..بس مرتاحه مررررررررره كمان ..
المهم انا كنت من دون حجاب وكنت لابسة تنورة ..
وعن الكلام انا بصراحه ماتكلمت مع خطيبي الا كيف الحال اش الاخبار .. وكيف المدرسة معاك "
وانا اقول كذا احسن لحد مايملكون على بعض ..
وسلامتك اخوي ..وهذي اللحظات من اجمل اللحظات في حياة كل شخص لازم تحسونها ..
ودمتم سالمين ..

__________________
!!شمــــــــــــ((الحب))ــــــــــــوخ!!

(( دلــــــوعـــــــة عــــدولـــــهــــا))

انا كنت في الحجاب وىبسه تنوره وتحدثنا بوجود محرم واندمجنا ومعظم الحديث كان عن الجامعة لاني كنت ادرس في الجامعة انا وهو لكن لم نكن نعرف بعضنا

انا كنت بدون حجاب ولبست جينز وتيشيرت

كنت مستحيه واااااااايد صوتي ماكان يطلع

مع ان اعرفه من قبل ..

اتفق مع اختي بالفعل الرؤيه هي للراحه والطمئنينه وسبحان الله تنزل راحه بال بعدها


انا قبل الشوفه صليت الاستخاره ودخلت وكان زوجي مع اخوي وكنت لابسه تنوره وبلوزه ساتره بس بدون حجاب وبدون مكياج ابد


والحمد لله طلعت مرتاحه

وزوجي الحين يقول انه برضوا قبل يجي كان مصلي الاستخاره ولما طلع حس براحه كبيره ووفقنا ربي وتممنا الزواج والحين مبسوطين وسعيدين مع بعض الله يتوج سعادتنا بالذريه الصالحه وكل محروم (امين)











تحياتي
دلوعه زوجي

أنا كنت لابسة مخور .........

وأول ما دخلت ,, وتوني قعدت






























أمة طلعتني وقالت خلاص حلوة؟؟؟؟؟؟؟؟؟؟؟؟؟؟



مو هذا اللي سبب الطلاق؟؟؟؟
الله يهديها

__________________

اهم شي في الزواج هيه الرؤيه الشرعيه الي لازم يشوفها وتشوفه ولازم تجلس هيه وهو بوجود امها ابوها احد من اهلها حتى يتم التفاهم فيما بينهم قبل المللكه مو بعدها يتكتب على الواحد مطلق او مطلقه يجب الاعتناء جدا في هذه الخواطات الي تححدد مصير اشخصين الي طول عمرهم
تحياتي للجميع

انا عن نفسي كنت لابسه تنورة و بلوزه ساترين و بدون حجاب طبعا هو تكلم معاي بوجود الوالد الله يحفظه بس انا ما قدرت ارد عليه و لا بكلمة الا كلمة وحده انا طالعه

__________________

عندنا النظرة بدون حجاب بس تكون لابسة لبس محترم و الكلام ممنوع , يناظروا بعض دقيقة و لا دقيقتين و يتوكل بسلامته. انا احس الكلام ما منه فايدة اهم شي يشوفوا بعض و يرتاحوا نفسياً لبعض. اخوي جلس يتكلم معاه شوي عشان يعطيني فرصة اشوفه (كنا متفقين على هالحركة قبل) بس يوم جينا للتطبيق ما قدرت ارفع راسي من الحيا مع ان اخوي ما قصر و طول معاه في الكلام و اخذه لعالم ثاني.