الله يخليكم احد يساعدني ويقولي ايش اسوي
انا اشك انه خطيبي يخونني مافي اي دليل ولا اي شي بس كده مجرد احساس مع انه هو يحلفلي انه مايخونني بس كده الشك قاتلني وحاسه حرام اني افك الخطوبه لانه صارلنا سنتين ونص وباقي شويه للفرح ماكنت اول اشك في ابدا بس من فتره بس صرت اشك من غير اي سبب مره احس انه عنده ايميل وماسنجر ثاني غير الي اعرفه
ساعات كثير احس انه انا مريضه بالشك ايش اسوي؟؟
امس دخلت ماسنجره الي اعرفه ولقيت ايميل من بنت اسمه look at my pic ولما دخلت لقيته موقع صور ولما رحت شفت الماسنجر لقيت ايميل البنت هذه محدوف من عنده ولما قلتله حلفلي انه مايعرفها وقالي انه راح يغير باس ورد الايميل ولا عاد راح يدخلو وسوا لنفسه ايميل جديد قلتله خليني انا اغيره قالي لاء قلتلو ايش يضمني انك ماراح تدخلو تاني قالي وانا ايش يضمني انك ماراح تبطلي شك وتدخلي تاني ومن ساعتها وانا ماباابطل شك وكل مااجبلو سيرة الخيانه ولا شي يزززززززززززززززززززععععععععععععععععععقققققققققققق ققققققققققققققققققققققققق ويتحول لمجنون وانا سمعت كثير انه الي يخاف من شي على طول تكون ردة فعله انه يزعق وهو قبل سنتين تقريبا قالي انه كانت في بنت تتصل في وتقولو اسمه وانه هو كان يكلمها بس عشان يعرف مين هي وكيف عرفت اسمه ورقمو وقعدت تتصل في لمدة اسبوعين ولما ما شاف انها راح تعطي وجه ماسار يرد عليها مني قادرة انسى هده الحكاية وكثيير افتكرها واجلس ابكي انا لو اي واحد غريب يدق عليه اصصصصصصصصصلا ماارد عليه مو ارد واقعد اخد واعطي معا حاسه حرام انه اهدم الي بيننا واحنا خلاص قربنا الفرح مع اني احسه انسان جدا سلبي وبارد مايبينلي حبو الا لما اجلس ابكي او لما اشوفو في التلفون دايما ساكت ولا مره قالي وحشتيني الا لما انا اقولو الي يخليني استحمل كل هدا الوضع احساسي انه كل الاولاد صاروا كده ومافيا اسيبوا واتعذب لاني احبه ومااتخيل اني اقدر اعيش من غيروا ماادري هو مسألة تعود ولا حب من جد وخلاص كل احلامي بنيتها معا مااتخيل اني اقدر احلم مع انسان غيروا مره تعبت من كتر الشك ومن كتر البرود الي هو في مع العلم انه انا في بلد وهو في بلد ولما اروح ويك اند للبلد الي هو في لازم مره يطلع مع اصحابو او قرايبو انا احس انه المفروض يكون معايا كل الوقت ومايرضى انه يضيع دقيقه واحده مع غيري بس هو لاء ولما يجيني البلد الي انا فيها لالالالالالالالازم مره او مرتين يروح يخرج مع قريبو يلعبوا بلياردو ماادري ايش اسوي الله يخليكم ساعدوني