هل هذا السبب وجيه لتركها !!!!!!!
مرحبا
مشكلتي اخواني بكل بساطه في عناد خطيبتي
حيث انها لاتريد السكن في مدينتي (المدينة المنورة )
وتقول انها مدينة ماهي جميلة ومافيها شي يسلي وهذا الكلام يجرحني مررره خاصه وانها مدينة الرسول وماحب احد يتفلسف عليها
وتبغاني اجي اسكن معاها في مدينتها (جدة ) حيث الاسواق والمراكز التجاريه الضخمه والبحر حسب رايها
انا طفشت من هذا الوضع
انا متعلق فيها وهي متعلقه في اكثر بس معقوله وحده تحب واحد ماهي مستعده تضحي وتسكن مع زوجها ((حتى لو كان بقريه ))
علما انه مدينتي تبعد عن مدينتها 400 كيلو يعني لو كل اسبوع تبغا تروح تزور اهلها ماعندي مانع
ومدينتي المدينة المنورة حلوه وهادئه وكل شي فيها ويكفي الطمانينه لاننا بجوار الرسول
انا الان بافكر جديا في الانفصال لانه برايي انه وحده زي خطيبتي ماتستحق الي باعمله عشينها
علما بانه هي من الطبقه التحت متوسطه يعني مستواهم المادي مش ولا بد
هل تؤيدوا قرار الانفصال لانه مستحيل تقتنع انه تسكن معايه مع انه تحبني
انا الان مخير بين امرين يا مدينتي واهلي
او
خطيبتي واهلها
وانا الصراحه اخترت مدينتي
انتظر تعليقاتكم وخاصه من الجنس اللطيف الاقرب لتفكير خطيبتي
تحياتي
05-05-2006, 10:13 PM
ضوابط المشاركة
العرض الشجري