تحية طيبه لجميع الأخوة والأخوات أعضاء المنتدى
حبيت أطرح مشكلة تواجهني مع زوجتي وهي مشكلة غيرتها الجنونية شيء لا يعقل لكن في الحقيقة انا ما ادري هي ناتجة عن حب زائد أو حب تملك وسيطره وانا لا استبعد الأمرين.انا راح اقول مواقف وانتم عطوني رايكم ومشورتكم:
1. اختي تعبت شوي وجات جلست عندنا في البيت كلها يوم او يومين بالكثير وراح تروح. وكان الإتفاق اني اوصلها الصباح للكلية وصحيت الصباح ولاحظت ان زوجتي مزاجها متعكر مو صافي ابد وقالت لي انا ما ابغى اختك تجلس في مكاني في السيارة (وإلا غير الكرسي.. تخيلو)وما ابغاها تسولف معاك وتجلس تبكي( ياصباح خير
) وكانت تنام بعد ما اروح لكن طار عنها النوم وجلست تفكر ليه تجلس في مكاني وليه تسمع صوتك ومن هذا الكلام. رغم ان علاقتها بأختي أكثر من ممتازه وموفره لها كل سبل الراحة عشان تذاكر.احيان افكر اقول كيف لو اقول لها بتزوج عليك ما ادري ايش يصير فيها.
2.اذا جيت من الدوام وسلمت على ابني تتضايق ليه تسلم عليه وانا ما تسلم علي وتقولي انا كل شي في حياتك ما لك شغل فيه لا تنشغل عني .
3. احيان يوم تتصل علي عالجوال في المكتب تسمع اصوات التلفونات الثابته عندي واذا قلت لها لحظة شوي برد على التلفون تقولي انت تحبهم اكثر مني طنشهم وخلك معي ( يا حلاااااوة).
احنا متزوجين لنا سنة وكم شهر وغيرتها احسها في ازدياد ،،، واخوكم ورطان واحيان اسمع كلامها عشان ما ابغى كلام كثير ودوشة دماغ لكن مو في كل الأمور.
ايش الحل مع زوجة بهذا الشكل؟؟؟؟