السلام عليكم اعضاء المنتدى الرائعين

بالبداية ودي اشكركم على روعتكم وجهودكم

ماتتخيلون الاستفادة اللي نحصل عليها من منتداكم القيم000

واتمنى اكون عضوة خفيفة عليكم

واسفه ان اول مشاركة هي طلب 000

عندي سلوم حبيب قلبي عمره 6شهور و5ايام

وودي اسافر ماليزيا بعد شهر

بصراحة انا وزوجي ودنا يروح معانا ولا نتخيل السفر من غيره00

بس سمعت كثير عن ان الاطفال يتعبون ويغيير عليهم الجو 00
والسفره تروح بين المستشفيات00
وخصوصا انه فديته شكله يسنن

وعندي الوالده الله يحفظها انا ساكنه في نفس العماره00

تقول حرام خليه عندي اريحله لانه مو داري وش السالفه 00

بصراحه انا متعلقة فيه بشكل جنوني لانه جاء بعد انتظار سنتين وكانت ولادته صعبة جدا جدا

احس ان روحي فيه ماجاء بالساهل00

انا رحت ماليزيا بشهر العسل وطبعا ماليزنا حركة كثير ومن مدينة لمدينة00

ابي اسئل ايش تنصحوني00

ولو بيروح معايا وش النصائح 000

وهل اشتري حمالة (شيالة) اللي على الكتف او عربية صغيرة؟؟؟

امانة اللي سافرت مع طفل تردلي ارتب نفسي وايش اخد معي ضروريات00

حبيبي لسى مايحبي ولا يجلس 00
اسفة على الطالة وادري اني زودتها00
من اولها اموووون


اختكم ام سلوم