باقولك على تجربتي مع زوجي في التدخين لغاية ما تركه الحين له سنتين
طبعا ياغاليه من البداية هو عارف انو عندي حساسيه من الدخان بانواعه وكان يوعد طبعا زي ما قلتي انو يبطل الدخان
والصراحه هو ما يدخن عندي ابدا بالبيت ولو يبي يدخن يروح المخزن ( تخيلي التعذيب) او يطلع برا البيت
الموهم \ كنت بين كل فتره وفتره اذكره انو يبطل الدخان وطبعا يوعد ويماطل ويقولي انا خففت كثيررررررر
هو له 17 سنة يدخن , وفعلا بطل دخان فتره وصار يشرب شيشه زي ما صار مع زوجك بس طبعا الشيشه العن واسوأ من السيجارة وهو ماخذها ساعه ارقيلة (معسل) ومرة شيشه , هو يولع فيها وانا اولع منه قهرررررررر
لغاية ما مرة تهاوشنا هواشة جااااااااامده بسبب الشي ذا وصار يقول لو انك تفكرين انو باسلوبك ذا بابطل دخان تكوني غلطانه , انا سكتت عنه فتره لغاية ما صرنا نراجع عند الاطباء عشان الحمل لانو تاخر الحمل عندي 4 سنوات
(الله يرزقني ويرزقك الذرية الصالحه عاجلا غير اجل ) وكانو يسالونه انت تدخن يقول ايه , يطلبون منه تحليل الحيوان المنوي يلاقونه جيدجدا مو ممتاز والسرعه مو قد كذا
فنصحوه انو يبطل دخان عشان يتحسن وضعه ( مع انو بوضعه ذا اكدو انو قادر على الانجاب بس حكمة الله عز وجل )
وفي نفس الفتره كنا نتفرج على التلفزيون برنامج اوبرا عن التدخين وجابو صور ترووووووع لرئة مدخنين وحالات وفيات وامراض وسرطانات ومن ذا الكلام وكنت جالسه جنبه وقتها وبصراحه بكيت بصمت وماني قادرة اقول ولا كلمه لكن هو حس فيني وقال ابشري خير باذن الله راح ابطله
وبعدها بفتره قالي ياللا ياشوق تعالي معاي انا عندي مفاجأة لك واخذني عند مركز الابر الصينيه ولمن وقفنا قدام الباب قالي انا وعدتك والحين باوفي بوعدي خلاص انا بابطل دخان وان شاء الله ربي يقدرني والله يكتبلك الاجر لانك انتي السبب في اني ابطله
والله ياغاليه ذيك الساعه الدنيا مو سايعتني من الفرحه بس كنت خايفه انو ما يقدر يبطله لانو يبيله اراده حديد
طبعا رحنا للدكتور وقاله الابر الصينيه بس تساعدك انك تتحمل بس مافي اي علاج يخليك تبطل الا ( ارادتك ) قاله وانا موافق وبدينا اول ايام تررررك التدخين بصراحه يبغالك طولة بال عليه لانو يكون معصب على طول ويبغالك على طول متجهزه له عشان يرووووووق( طبعا انتي فاهمتني ) ويهدي اعصابه
وكان يعطيني كلام زي السم وانا اسكت وما ارد واتحمل كله بس عشان يبطل ولمن يهدا يرجع يتاسف وهكذا
قالنا الدكتور لو مر عليك 40 يوم وما دخنت خلاص انت كذا تعتبر انتهيت من التدخين واشغل نفسك باللبان والفصفص والمكسرات والاشياء ذي
والله ياغاليه كان بيتي مرمي الفصفص في كل مكان بس ساكته ومتحمله عشان يبطل
ملابسه كلها فستدق ومكسرات ولبان ومشي الحال بس يبطل
وكمان كنت كل ما اذن المؤذن للصلاه مع الاذان ادعي قدامه بصوت عالي واقول يارب يسد نفسك عن الدخان وهو يرد ويقول امين
والحمد لله الحين لنا سنتين مبطلين الدخان لدرجه هو عنده حساسيه منه اكثر مني انا هههههههههههههه
ولمن يروح عند اهله يروح بكمامه هههههههههه وهم يحشون فيه وهو عادي عنده يقول انا مابي الدخان ريحته تتعبني
تخيلي كنا وين والحمد لله صرنا ووووووين
الله لا يعيدها من ايام ولا يغير علينا يارب
ادررررررررري اني طولتها بس حبيت اقولك قصتي بالكامل عشان تستفيدي ويستفيد الاعضاء الباقين
والله من وراء القصد
ولا تنسيني من دعواتك الصادقه انو ربي يفرج همي عاجلا غير اجل
اختك شووووووووق
(إن شاء الله)تكتب هكذا
__________________
ربي لا تذرني فردا وانت خير الوارثين
يا وليّ في نعمتي .. يا صاحبي في وحدتي .. يا عدتي في كربتي..
اللهم فرج همي .. ويسر امري
سبحانك اللهم وبحمدك اشهد ان لا اله الا انت استغفرك واتوب اليه
التعديل الأخير تم بواسطة أبو فيصل ; 29-05-2006 الساعة 10:31 PM
27-05-2006, 10:17 PM
ضوابط المشاركة
العرض المتطور