فعلا هذا ما قاله خطيبي بالحرف الواحد

كنت في الجامعه وفي وقت الاستراحه اخرجت عدتي من الحقيبه ( الكحل و احمر الشفاه ) لتعديل المكياج

وكنت منسجمه بالحديث مع صديقتي وكان جوالي على الصامت ( سايلنت ) وبدون قصد وانا ماسكه الهاتف

بيدي كان خطيبي يتصل وانا قمت بالرد عليه ولم اكن اعرف بهذا و واصلت حديثي .....

كنت اسأل صديقتي هذا حلو ( احمر الشفاه ) وبعد دقيقه ، سألتها ايهما احلى هذا او هذا ( اقصد الكحل الابيض

او الاسود ) قالت لي الابيض ....

وبعد ان انتهيت امسكت هاتفي لاتصل لخطيبي

والمفاجاءه كانت انه كان على الخط طول هذيه الفتره وانا مو حاسه بروحي

وهذا الحديث اللذي جرى بيننا ::::

انا : الووو اهلين

خطيبي : ( بدون مقدمات ) انتي رايحه الجامعه تتمصخرين ؟؟! ( واهو معصب حيييل )

انا : شفيك حبيبي انا و سويت

خطيبي : كل هذا وماسويتي شي ؟؟؟!

انا : كنت منصدمه حيييييييل ماني عارفه ليش معصب

خطيبي : من اللي حلو والاحلى يا مدام

انا : عن شو تتكلم ( ماكنت مستوعبه )

خطيبي : تقولين هذا حلو وتقارني بين الشباب بعد

انا : ( بعد ان تذكرت سالفه الكحل واحمر الشفاه ) قلت له السالفه انني كنت اقصد المكياج

خطيبي : ( كانت معصب و موراضي يسمعني )انا : اذا ماكنت واثق فيني هذي مشكلتك ( اكره شي عندي عدم الثقه والشك )

خطيبي : قالي اسف فهمت الموضوع غلط ( واهو منحرج )

انا : عمري دور لك وحده غيري تاخذها وتصدك عليها القفص علشان ما تطلع لاننا مانناسب بعض ( والله

لاتلوموني كنت معصبه حيل من اسلوبه وكلامه لان من اساس العلاقه هو الثقه )

انا : خلص وقت الاستراحه ومع السلامه

في هذا الوقت قام يتصل كثييييييييير وانا ما ارد لاني كنت في المحاظره معصبه وماني منتبهه مع الدكتور

طرش لي مسج مكتوب فيه : انا غلطان انا اسف حقج علي بس انا ما اقدر اعيش بدونج بمووت اذا تركتيني

ارجوج لاتتركيني وانا احبج وايد وايد ))) ياجماعه تعبت مشاكلنا اكثرها لانه مو واثق فيني

بعد ما خلصت المحاظره طرشت له مسج مكتوب فيه : انا مثل الشي القابل للكسر ولازم تحافظ علي واذا انكسرت

ماعتقد الجرح يتصلح اكثر من جذي )))كلمني في لما رجعت البيت وقالي الله يخليج عطيني فرصه وانا اوعدج انها بتكون اخر مره ( كلامه كالعاده )

قلت له طيب بعطيك فرصه اسبوع

بسألته انت ليش تشك فيني وماتثق فيني ( لانه من اقوله بطلع او بروح مكان يتغير مزاجه )

قالي بكل صراحه انا ماني واثق من نفسي لاني مو حلو واي شخص اكثر وسامه مني بفوز بقلبج

والله عورني قلبي لانه دايم يقولي انتي تستاهلين واحد احلى مني لانك قمر

مع انه عاجبني كثييييييير وبعيني اهو احسن رجال في الدنيا ،،،، قالي انا مو واثق من نفسي واشوف الناس

ارفع مني وانتي يستاهلك واحد احسن مني .....

والله من يومين وهالكلام محفور في ذاكرتي وماني عارفه شو اسوي

ماكنت ادري انه مو واثق من نفسه قام يترجاني اني ما اتركه

وانا ما احب الرجال اللي يترجى

ياليت تقولون لي رايكم في السالفه ومين الغلطان ؟؟؟؟؟

انتى بدورك حاولي تحسسينة انه اغلي شخص في حياتك ومستحيل تفرطين فيه وأنة بعينك أجمل رجل وعمرك ما بتفكرين في غيره وبكذا بيخف هو من الشك وبيثق من نفسه اكثر.......
واللّه يوفقنا ويوفق الجميع.............

انتي لازم تتكلمين معاه بحنان وتوضحي له انك تشوفينه أحلى واحد بالدنيا...لأنك تحبينه...وقولي له انك ماتحبين طريقة التشكيك..وحاولي تكثرين من عبارات المدح بشكله وأسلوبه ورجولته...واذا طلعتي معاه حطي عينك بعينه (ممنوع البصبصه هنا وهناك)عشان تهداغيرته..يعني سايسيه عشان المركب تسير..وتمنياتي لك بحياة سعيده..

يعطيكم الف عافيه على الرد والله منورين

الحين انا صار لي يومين ما كلمته لان قلت له بعديه مهله اسبوع

شو رايكم اكلمه او لا ،، لانه قاعد يتصل وانا ما ارد عليه

أختي ردي عليه وقوليله مثل ماقالوا الأخوات
وحسسيه أنه فعلا أفضل رجل في العالم
ترى الرجال يقتنع تماما بكلام مرته
أتمنى أفدتك بشي


تحياتي

اهلين اختي ..


بكل صراحة ..هذي فرصتك ..

الرجال يحبك لدرجة الجنون ..وهذي اعتبرها نقطة لصالحك ..كون انك متاكده من حبه لك ..

الدور عليك انتي ..

لازم تزرعين فيه حبك انتي ..وتثبتين له باكثر من طريقه انك مقتنعه فيه ..وانه ما فيه بالكون احد يستاهلك كثره ...

حاولي تستغلين كل موقف لصالحك انتي ..وما تجعلين له مجال انه يفكر بالنقص ..وان شاءالله راح يتحسن كثير


وتمنياتي لك بالتوفيق

سبحان الله ننذل لكم قبل الزواج وتنذلون لنا بعد الزواج خخخخخخخخ هكذا هي الحياة


انتي لازم تراعين الرجال فهو يغار عليك .. وهذا دليل حب


بعد هو الله يهديه .. زودها في الترجي من جد والله .. المهم اختي لاتنغرين وتحسين انك انت الاقوى

يعطيك العافيه على المشاركه الحلوة

الحمد لله يحبني واااايد وانا بعد احبه واااااايد

بس انا ما احب الشك ولا الغيره الزايده

يا اخي الغيره لها حدود بس مو كذا ، لو بوده يقولي لبسي نقاب بعد

انت صادق لانه وايد زاد في الترجي وانا ماحب الرجل اللي يترجى بصراحه يقل مقداره