بسم الله الرحمن الرحيم




أنا شاب ابلغ من العمر حالياً 24 سنه

تزوجت قبل 5 شهور

بدأت حياتي الجديدة عالم الزواج

بمعاناة شديدة مع زوجتي الخجولة

التي إلى الآن لم تتخلص من خجلها

تصدقون بالله إلى الآن تغير ملابسها وما تبيني أطالع فيها

حتى لو أكون منشغل بأي حاجة تقول أنا ابغير ملابسي لا تطالع فيني



وكمان لما ننتهي من الجماع تلتحف بالمفرش وما تقوم إلا إذا ذهبت انا لدورة المياة للأغتسال

مشكلتي مع زوجتي قبل الجماع

إنها تطلب أن يكون النور طافي



ومن ناحية ثانية إذا بدأت بتقبيلها وملامسة جسدها ومداعبتها تنبهني وتقول حبيبي لا تذوب !!


وأنا قصدي بحركاتي رغبتي في الجماع


فمن كلامها أعرف إنها ما تبغى جماع

وبعدين اتركها واغير الموضوع بس أنا إنسان حساس وعلطول اتأثر وتتغير نفسيتي

وكأنها فهمت إني متضايق

فتقول حبيبي إذا بتزعل قم خذ حقك


فأنا أقولها أنا راضي عليك ... بس بيني وبين نفسي أقول مستحيل اجامع زوجتي وهي ما عندها رغبة

لأني ابغى احد يخش عالمي الجنسي

مو يكون جسد امامي بدون احساس ولا تفاعل ولا إثارة






ومن ناحية اخرى
اثناء الإنتهاء من الجماع
زوجتي تقول المرة الجاية بعد ايام يعني تقول 4 او 3 او 5 ايام

ومهما حاولت اداعبها مستحيل إنها تبادلني التقبيل واللمسات فأتركها


لا تقولون انها تستحي تبادلك

زوجتي وانا اعرفها

بس هي ما ترغب بالجماع

وهي دائماً تأتيها الرعشة من شدة رغبتها في ايام محدده للجماع


اليوم كان فيه حفل زفاف وجلست تلبس وتتزين
وكنت جالست اتناقش معها بموضوع عائلي
وقالت حبيبي خلك منهم ولاتهتم

شوف وجه حبيبتك


أنا قلت انا وش ابغى في وجهك

وزعلت زوجتي

( انا قصدي ليش اناظر وجهك وانتي ما عندك رغبة بالجنس.. يعني بس اتعب نفسي على الفاضي )

وعلى فكره هي الحين حامل بالشهر الأول أو الثاني وشوي







وبعد كل هذا
تمنيت لو عندي زوجة ثانية مع ان ظروفي ما تسمح لي


واقول بيني وبين نفسي
العادة السرية احسن حل

بتقولون انت متزوج وهذا بيضرك ومدري ايش


اقول سواء فعلت العادة ام لم افعلها

زوجتي لن تستفيد مني لأن ما عندها رغبة في الجماع

وهي تحبني مووووووت وكل وقت تبوس فيني وتعضني بشويش

اخوكم انا كذا

أخي العزيز أنا كذا

كيف تقول تحبك وهي ما تحب انك تجامعها

حاول تبحث عن الاسباب ربما فيك شي يضيقها وتستحي تقول لك

حاول تتعطر لها وتكشخ زين ما زين

صارحها ترا والله الصراحه بتنحل المشاكل....ولو ان كل الازواج تصارحو من البداية كان ماتلاقي ولا مشكلة ....


ابدا مثلا انك تاخذها مكان هادي وتفاتحها بالموضوع ...بس اتذكر دايما انك تقول بكلامك انك تحبها ... وتحب الجنس معاها ... (((لكن توجد مشكلة وهي اني احس بعدم رغبتك فهل هذا صحيح او انها اوهام ووساويس))

او بأي اسلوب ثاني انت ادرى بزوجتك ....بس اتذكر الصراحه ترا بتحل نص المشكله بإذن الله



الله يوفقك ...

اخي من قالك انها ما ترغب في الجماع
زوجتك مشكلتها انها تبغى تدلع لكن ماعندها اسلوب
وانت الله يهديك تفهم كلماتها غلط
هي لما تقولك لاتذوب قصدها تتمنع شوي وترضي غرورها الانثوي معك
يعني انت مو أول ماتقولك كذا توقف بالعكس استمر وبتشوف العجب
صدقني زوجتك ما فيها شي بالعكس ترى حركاتها هذي انا فاهمتها هي على بالها انها قاعده تغريك
لما تسوي معك كذا انت حاول تجاريها وبتستانس كثييييييييييييييير

الله يوفقكم

نفس الحالي بس الفرق اني انا الزوجه وهدا اصعب بكثييييييييييير

صارحها باللي في خاطرك وهي اكيد دام تحبك مابترضى بشي يضايقك... اما تقول كذا عنها وانت مافتحت الموضوع معاها فهذي هي المشكله لأنك لسى مو فاهمها وهي كمان موفاهمتك .....يعني كل واحد يتصرف بكيفه وعلى باله الثاني مبسوط منه...وبداية حل المشكله ...المصارحه!!!!!!! والله يوفقكم...يارب

__________________

انا حرمه وافهم في هذه الحاجات.شوف ياخوي

لمح لها انك تحب الجنس وكنت تحب تتزوج وحده تكون جنسيه ماعنها حدود في هذا الشي وانك انصدمت فيها وان ودك تتزوج وحده تانيه جنسيه مرررره ......................

على فكره اولا واخير يكمن العيب في الرجل يمكن انت احرجتها في شي من اول ومسكته عليك ترى الحرمه اذا الزوج احرجها لو بالمزح تنجرح ويمكن تكره تعاشره.

موضوع العاده السريه انا اشوف هذي حركات بزارين لاعب في عقلهم الشيطان وانت لايوسوس لك ابليس


الله يوفقكم

__________________
حبيبتي أمي

أستغفروا الله....الله أكبر

محمد رسول الله

أعتقد أن زوجتك ليس لديها وعي كامل بأهمية الجنس في الحياة الزوجية

فهي لا تعرف أهميته بالنسبة لك كرجل .. ولا أهميته بالنسبة لها كامرأة



عليك أن تصارحها وتفهمها و تثقفها في هذه الأمور


وفقك الله

__________________

أخي الفاضل..أنا كذا

بعض النساء تظن أن حاجة الرجل كحاجتها هي فقط لربما هي تنظر الى ان مرة او مرتان كافية بالنسبة لها

وثقافتها الجنسية لاتتعدى الا ماتفهمه ولاتستوعب حاجتك كرجل..

ولربما صمتك ساعدها كثيرا..هذه الأمور لايصمت بين الأزواج عليها..بل تناقش ويتوصل لحل لها..

تريد طريقة لاتجرح بها زوجتك وتوصل لها مبتغاك..

احكي لها قصة سمعتها تصف نفس حالتكم واذكر في الاحداث كيف تبدلت الزوجة الى الافضل من خلال توسيع

ثقافتها من خلال هذا المنتدى على سبيل المثال لان منتدانا ينمي الثقافة بشكل رائع..وكيف ان زوجها بات يقدرها

كثيرا..

تخيل نفسك وشعورك ولكن عن طريق تصوير اشخاص معينة..وتخيلها طفلة تحكي لها قصة وتريد ان تصل لمغزاك..

جرب التلميح فإن لم ينفع فسارع بالتصريح

الله يسعدكم

أختك

حائزة الأمل

__________________

غريبه من جد....بس انت صارحها وشف وش فيها وش مشكلتها يمكنن تتالم او فاهمه الدلع غلط؟؟
والله اناأ تضايق من الرجال اللي يكتبون مشاكلهم الجنسيه بالنت او يشكون لربعهم
انا دايما بالفراش امسك زوجي رغم اني انا الزوجه...والمفروض استحي اوكيه استحي بس هذا الشيء بيسالني الله عنه يوم القيامه هل اعطيت زوجي حقه او لا...عشان كذا انا اساله السؤال كل بين فتره والثانيه انت مبسوط معي او لا؟؟
واللي يضايقك قلي علي واذا قصرت نبهني بس باسلوب لاتجرحني كل شيء الا انه يطالع غيري او يسوي العاده السريه!!