عندي مشكله أحسها مشكلة غريبة وقلت غريبة لأنو الأشياء تحصل من الرجال فى الغالب ليس من النساء
فترة الخطوبة تعتبر عند أغلب الناس أحسن فترة وألذ فترة وهو المتعارف لدى الناس
أما انا فالدي تكون فترة عادية جدا
تمر لدي الأيام ولا أكلم خطيبتي وليس والله العيب مني ولا كن منها أدق عليه ماترد تكون نايمة تصحا بعدين
وتنشغل وادق مرة ثانية وأقلها ليش مادقيتي تقول أنشغلت ولا ماشفت الجوال بالعربي ماهي مهتمة الأمور عندها
عادي طبعا كلمة أحبك وكلمة وحشتني ماأسمعها الا فى بعض الأحيان
واتخيلوا انو انا أسألها تحبني وتقول الا احبك يعني لازم أسألها
هو عدم أحساس أوعدم مبالاة طبعا لية سنه مأرسلتلي الا رساله وحدة وقتها كنا مزاعلين
دحين ان شاء الله شبكتنا ماتسأل ايش سويت ايش أشتريت كأنها مالها دخل غير مبالية
بعض الأحيان أكلمها ساعة نصف الساعة هاذي ساكتين خلص الكلام طبعا انا أحب أتكلم وأعبر عن مشاعري وهية ولا شي وقلتلة أنا أحب اللي يسأل عني ويدور علية لكن لا حياة لمن تنادي
ممكن حل للمشكله هاذي واللي يحلها أعزموا على الشبكه(الملكة)