الدعوه عامه للدخول...وابي رأيكم بكل عقلانيه

26-06-2006, 07:29 PM

مشكلتي اصدق

قلب المنتدى النابض

تاريخ التسجيل: Jan 2006

المشاركات: 3,893

الدعوه عامه للدخول...وابي رأيكم بكل عقلانيه

السلام عليكم ورحمة الله وبركاته

يا جماعة الخير انا خلال اسبوع واحد فقط بنقل بيتي الجديد:14:
البيت دورين وفيه اربع غرف ومجلسين ومقلط وخمس حمامات الله يكرمكم
بصراحه البيت كبيييييييير ويبي له شغل في التنظيف اليومي خصوصا ان زوجي عنده حساسيه من ادنى غبار
عندنا مبلغ بسيط في الاسهم وانا المسؤوله عن التداول صباحا مساء
وطفشت حياتي من هالتداول ....الحمد لله ما خسرنا شي
بس اذا قعدت ولا حركتها احس اني اقرف حياتي وتتأزم نفسيتي...لأننا محتاجين اي ربح علشان نكمل امور البيت
وخايفه بشكل فظيع لا ادخل واخسر في لحظة سهو او خطأ...مع اني اخذ توصيات بس برضو مو مرتاحه

بعد ما دخلت هالاسهم بصراحه اهتمامي في البيت والطبخ قل. .وانا روحي في شغل البيت
اذا ما ربحت في يوم الله لا يوريكم النفسيه..........في الحضييييييييض
ولما اربح .....والله اسوي اكلات ولا فندق خمس نجوم
زوجي ملاحظ هالتغيرات
قاعده اقول له شيل عني هالهم مو راضي يقول لازم نعيش...تعالي على نفسك شوي واشتغلي...بس والله نفسيتي صايره زفت
والادهى والامر علم اخوانه اني اتداول واقنعهم اذا مو متفرغين يعطوني حساباتهم وانا اتداول...وكلهم بيتزوجون وما فيه مجال للخساره بس قاعده ادعي ان الله يحول بيني وبينهم ويستر عليهم .... والله ودي اخدمهم بس مو في الاسهم

يعني عندي اربع ساعات يوميا تروح هدر بالنسبه لي.......خلالها اقدر اسوي شغل جااااااااااااااااامد في البيت

نجي لبيت القصيد
الحين ما اقدر على شغل الشقه فما بالكم بيت دورين....وقاعده افكر في الشغاله
مع اني من اشد المعارضيييييييييييييييييييييييييييييييين لها
يوم قلت لبو وليد يجيب لي وحده قال مافيه ميزانيه
ابيها تجي تنظف وتغسل وتكوي وانا اللي اطبخ واهتم بزوجي وولدي والاسهم الله يقلعها لازم لها مقابله

ابي اعرف هل انا دلوعه يوم اني اطلب الشغاله؟والله اخاف من كلام الناس
(ما عندها الا ولد وجايبه شغاله اجل لو اكثر وش بتسوي؟)
اخاف من اهله يحسبوني ما اقدر الحاله الاقتصاديه اللي هي على الحفه...بس مع الاسهم محلوله
اهله طيبين بس مابي حد يفكر ولو شوي غلط
اخاف زوجي يفكرني اضغط عليه

ان جبناها هي بتستلم التنظيف والترتيب وانا اركز على الطبخ والاسهم
ابي طريقه اقنعه فيها ولا يفكر لثانيه اني اضغط عليه

ابي اعرف من الرجال في هالحاله ممكن تجيبون لزوجاتكم شغالات مع العلم اني شهريا ادخل مبلغ محترررررررم بس يروح في تجهيز البيت.....الشهر اللي فات اشترينا السيراميك لكل البيت بس من الارباح

ابي اعرف من الزوجات هل هذي الحاله ما تعتبر ضروريه للشغاله
كيف تدبرون اموركم

والله ياجماعه المسأله مصيريه ولا فيها مزح........كيف اقنعه بدون مايزعل ؟تكفون علموني

__________________
[/IMG]

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه