السلام عليكم وحرمة الله وبركاته
ألف مبرووووك للعرسان ان شاء الله يا رب

هالموضوع موجه للشباب
راح اتطرق فيه عن يوم العرس من اوله الى آخره
طبعا بإستثناء الجنس .. لان المواضيع اللي انكتبت هنا عن الجنس كثيره جدا ومالها نهايه
لكن نادرا المواضيع اللي تتكلم عن الوقات الاخرى في هاليوم


نبداها من الصباح
بسم الله

حاول انك تنام 10 ساعات وترتاح راحه كاااااااااااااااااااااااااااااامله بدون تعب وشيل وحط
خلي شغل الصاله والبهذله على اخوانك وخواتك وابوك وامك هم يتصرفون فيها
حاول انك تصحى قبل الظهر
طبعا افطر فطور ممتاز حاول يكون فيه هالأكل
بيض - حليب - خبز - عصيرات
وبعد الظهر روح لاقرب نادي
وادخل السونا والبخار والجاكوزي علشان تهدي اعصاااااااابك وترخي عضلاتك وتكون مروق احلى ترويقه
وخذلك دش محترم وتنظف تنظيف مافي مثله
ولا تنسى يا حبيبي انك تحلق شعر الابط والعانه واذا شعر الساق كثير وتبغى تخففه على راحتك هذا شي راجعلك
وبعد العصر يا حبيبي على الحلاق
خليه يجهزك تجهيز من مجاميعه وتشمل .. طبعا والمحل فخم مو محل اي كلام :
1- حلاقة دقنك بالبخار
2- سوي تنظيف وجه ( سنفره ) بالبخار علشان وجهك يلمع
وبعدها تروح طال عمرك لمركز صحي يسويلك مسااااااااااج رااااااااايق ولااحسن منه ( طبعا كل هذا بحجز مواعيد يعني ما تستنى طابور )
خلصت ارجع للبيت وكل فواكه خفيفه ( تفاح - برتقال - عنب )
وبعد المغرب ترجع للحلاق مره ثانيه ( يكون قد اتفقتم على كذا ) وتخليه يسوي لك مكياج ( طبعا مكياج رجالي )
طبعا من الافضل انك تاخذ فيتامين سي فوار لانه ينشط

بعد العشا يا حبيبي انت تكون في الصاله ولا تتأخر ابدا ابدا
علشان تكون في استقبال الضيوف ( يا حلاتك يا عريس وانت متأخر )

خليك هادي وسلم على الحضور بكل أدب وهدوء وابتسامه ناعمه وهاديه
ولما يجي العشا انتبه لنفسك الله يخليك
كل على خفيييييييييييف وشي بسطي علشان تكون مرتاح


طيب الحين خلصنا العرس وراح تاخذ زوجتك وتروحون لمسكنكم
من الافضل يكون فندق ومن الافضل بعد انه يكون يومين او ثلاثه وفي جناح فخم وفندق فخم
معليش طلع من جيبك علشان هالليله
ومالها داعي تكون ليله وحده عاد زوجتك الحين تقول خلونا ليله وطردونا


الحين نبدا في بداية الجد
وانتم في السياره
طبعا خليك هاااااااادي وكأنك مستحي ( ركز على كأنك ) وحلو لو شغلت موسيقى هاااديه وترخي المسجل ويسير صوته خفيف مو كأنك تقول اسمعي !!!
ولو كانت حاطه يدها جنب القير امسك يدها ( اذا وقفت عند اشاره ) وانتبه تمسك يدها اذا كانت ضامتها لبحض او حاطتها على افخاذها
راح تستغرب منك هالحركه وتقول في نفسها : وش يبغى هذا !!!
خلك ثقيل هذا اهم شي

طبعا نفرض انك وصلتم البيت الساعه 2 الليل يعني يبقى على صلاة الفجر حول ساعتين
طبعا انت بتقول زنقه وما يمديني اسوي شي ..!! خليني استعجل !!
طبعا هنا اسمحلي تطلع غشيم
المفروض انك تستغل هالوقت وتشغل عقل وركز زين في الكلام اللي راح اقوله
بس خلونا نبدا الحين اول ما تدخل البيت او الفندق
افتح انت الباب وخليها تدخل اول
امسكها من يدها وجلسها على كنبة الصاله وتعال لهابكل رقه وحنيه ولاحظ انت في ايش راح تتكلم :
لا تقول مثل هالجمل : ما صدقت هاللحظه اللي تجمعنا - انا ما صدقت اننا سرنا مع بعض - احنى راح نخطط نبني حياه سعيده بيننا ونخلف صبيان وبنات
خليك على طبيعتك بس انتبه لا تنكت
ترا بعض النكت تطلع بايخه ولو ما ضحكت زوجتك ترا ما اعتقد تقدر تطالع في عينها بعد هالموقف
كل اللي تقعده معها في الصاله خمس دقايق بالكثير
وش تسوي فيها بالتفصيل:
امسك يدها بس الله يخليك بكل رقه وحنيه وقبلها قبله خفيفه جدا وظهرك يكون مستقيم.. يعني لا تنثني
وحاول ان القبله تكون على الاصابع والمسكه تكون في اطراف الاصابع
وهاذي المحادثه اللي راح تستمر في خمس دقايق :
العريس : هاه يا فلانه كيف العرس
العروس : حلو
العريس : وكيف العريس ووشرايك فيه
العروس يمكن هنا تستحي وما ترد واذا ردت بترد مثل هالرد : يجنن - احلى واحد فيهم - احسن واحد فيهم
العريس : تسلميلي يا بعد عمري انتي ( وتقولها والضحكه على وجهك وبصوت عالي شوي ) والله انتي اللي مغطيه على كل البنات اللي في الصاله
العروس اكيد ما راح ترد
العريس بضحكه خفيفه : يالله الحين هذا غرفتك اقعدي فيها على راحتك وسوي اللي تبغين وشنطك داخل .. بس لا تشلين فستان العرس بس شيلي الطرحه.. وانا بروح أخذلي دوش
اول ما تقوم هي قوم انت معاها واذا جت بتروح ناديها
العريس : وين رايحه
العروس : رايحه الغرفه
العريس : قبل لا تروحين الغرفه ابغاك في شي
العروس : ايش
امسك يدينها من اصابعها بكل رقه
وبوسها بوسه خفيفه على خدها لمدة 5 او 6 ثواني
العريس : تبغيني اساعدك في شي
العروس: بكل تأكيد وحياء ودلع : لا لا ما يحتاج
العريس : خلاص اذا بغيتي شي راح آجيك
العروس : طيب


طبعا روح انت خذلك دوش واسترخي وغير ثوبك واذا تبغا تلبس بجامه البس واذا تبغا تلبس دشداشه احسب حسابك وفصل دشاشه تفصيل لانها احلى بكثير ومرتبه من الدشداشه العاديه

راح تتأخر هي لمدة ساعه تقريبا معليش استناها
روح طلع الاكل ( اكل يكون احد من اخانك او اقاربك وصله للبيت ما تيجي ) يكون عباره عن مشويات وحلويات وفاكه وعصير ولا ننسى الاهم اللي هو الكيك
اذا طلعت لازم تشوف كل شي جاهز .. خليها تجلس جنبك ولازقه فيك وابدا بالعصير ..ربها عصير بيدك وخليها هي تسوي نفس الحركه
وبعدين ابدا بالمشويات بس كل على خفيف وبكل ادب لا تسير كأنك مفجوع واول مره تشوف اكلولا تكثر ابدا وبعدهاكل الحلا
وبعدما تخلصون من المشويات والحلى ابدؤو بالكيك وانتاكلها بنفسك وخليها تأكلك

شيل انت الاكل وخليها تساعدك بالهشي
بعدما تخلصون من شيل الاكل وتغسلون
اجلس معاها على الكنيه واقعدو تكلمو بكلمات الحب والرومانسيه وكلمات الغزل وبشرط انك تخليها بحضنك وتحسسها بالامان وتقبلها قبلات خفيفه وتعانقها
اذا اذن لصلاة الفجر بعد عشر دقايق روح البس وتكشخ وروح للصلاه
هنا فيه نقطه مهمه جدا وهي
انها بعد ما تعلقت فيك في هالكم ساعه راح تفقدك كم دقيقه وطول الوقت وهي تفكر فيك وتستنى رجعتك

وبعد ما ترجع من الصلاه هنا تقدر انك تفض البكاره براحه وبسهوله

نصائح مهمه
في الوقت اللي تكون هي فيه بحضنك ابعد عن جميع اماكن الاثاره وخلي يدك على كتفها وراسها وظهرها وجنبها ( هاذي الاماكن المسموحه ) علشان ما تحس انك ناوي على شيء
فيه كلمات رسميه ودي انك تبعد عنها مثل
شكرا - تفضلي - ممكن - آسف - رجاءً - لو سمحتي - وحاول ما تتكلم وانت جامد .. لا بالعكس خليك لين وشرح وما كأن فيه شي غريب


وش استفدنا من هالموضوع
انك هديت اعصابها .. كيف ؟ انا اقولك :
انت جلست معاها خمس دقايق بس وببدون اي مداعيه وبعدين خليتها تختلي بنفسها وتفكر في نفسها وهذا شي يريح الاعصاب
واكلت معاها وشلت الاكل معاها وهذا شي مهم يخلي بينكم معاونه ومافيه شي رسمي بينكم
بعد الاكل قمت وخليتها بحضنك تسمع كلماتك العذبه وتاخذ قبلاتك الرقيقه
انك لما رحت للصلاه راح تحس بفقدانك وراح يزداد الشوق بينكم
نتج عن هذا الشيء هدوئ اعصابها وتعودها عليك انك قدرت تخلي هالليله تمر على خير

ماشاء الله عليك تسلم والله سهلت على الشباب أشياء كثيرة

__________________


تسلم اليدين اللي سوت التوقيع
أختي ROod يااااااااااااامال العافية

اقتباس::--
خليه يجهزك تجهيز من مجاميعه وتشمل .. طبعا والمحل فخم مو محل اي كلام :
1- حلاقة دقنك بالبخار
وبعد المغرب ترجع للحلاق مره ثانيه ( يكون قد اتفقتم على كذا ) وتخليه يسوي لك مكياج ( طبعا مكياج رجالي )

وحلو لو شغلت موسيقى هاااديه

-------------------------------------------------------------------------------------------------------
الصراحة كلام حلو وجميل جدآ ولكن حبيت انبه ان هناك معاصي فلو نتجنبها ابرك لنا وبتكون افضل ليلة
1 حلق الحية
وقال صلي الله عليه وسلم((جزوا الشواربوأرخو اللحي))رواه مسلم
وقال صلي الله عليه وسلم من لم ياخذ من شاربه فليس منا.رواه مسلم
قالوا في اللحية
قال ابن تيمية : يحرم حلق الحية و قال القرطبي: لا يجوزحلقها ولا قصها ولا نتفها
و قال عبد العزيز بن باز:إن تربية اللحية وتوفيرها وإرخائها فرض ولا يجوز تركه

2 المكياج ::--- ما اعرف حكمها فلو احد من الاعضاء يبين الحكم فيها

3 -الموسيقى
الأدلة على تحريم الغناء:
* من الأدلة على تحريم المعازف والغناء قول الله جل وعلا : {وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُّهِينٌ} (6) سورة لقمان

عن أبي عامر – أو أبي مالك- الأشعري عن النبي صلى الله عليه وسلم قال (ليكونن من أمتي أقوام يستحلون الحر والحرير والخمر والمعازف ولينزلن أقوام إلى جنب علم (أي جبل) يروح عليهم بسارحة لهم يأتيهم لحاجة (أي طالب حاجة) فيقولون : ارجع إلينا غدا فيبيتهم الله ويضع العلم ويمسخ آخرين قردة وخنازير إلى يوم القيامة) علقه البخاري في صحيحه بصيغة الجزم محتجاً به

عن عمران بن حصين قال: قال رسول الله صلى الله عليه وسلم : (يكون في أمتي قذف ومسخ وخسف قيل : يا رسول الله ومتى ذاك؟ قال (إذا ظهرت المعازف, وكثرت القيان,وشربت الخمور)) أخرجه الترمذي -2213


وهناك امر مهم جدآ وهو الصلاة وزوجتك خلفك
تضع يدك اليمنى على جبهتها وتقول : ((اللهم اني أسألك خيرها وخير ما جبلتها عليه ، ويمكن أن تزيد هذا الدعاء أعوذ بك من شرها وشر ما جبلتها عليه ، اللهم بارك لي وقها وقيها شر حاسد إذا حسد ، وساحر إذا سحر ، وماكر إذا مكر ))


قال عبد الله بن مسعود رضي الله عنه : ( إذا أتتك امرأتك .. يعني يوم الدخول بها.. فمرها أن تصلي وراءك ركعتين وقل : اللهم بارك لي في أهلي ، وبارك لهم في ، اللهم اجمع بيننا ما جمعت بخير ، وفرق بيننا إذا فرقت إلى الخير )

عن ابن عباس رضى الله عنهما أن النبي صلى الله عليه وسلم قال : (( لو إن أحدكم إذا أتى أهله قال : بسم الله ، اللهم جنبنا الشيطان وجنب الشيطان ما رزقتنا ، فقضى بينهم ولد ، لم يضره شيطان أبدا )) .

__________________

*

كلمة ان شاء الله يكتبها بعضنا " انشاء الله " اخواني و اخواتي في اللغة العربية كلمة " انشاء " تعني
بناء و حاش لله ان يوصف بهكذا وصف ولكن ان اردت ان تكتبها فاكتبها " ان شاء الله " بمعني ان اراد
الله و هذا هو ما نرجوه ان يريد الله بنا كل الخير ان شاء الله
----
و كلمة لفظ الجلالة " الله " يكتبها البعض " اللة " بكتابة حرف التاء المربوطة بدلا من
الهاء فهكذا تكون خاطئة تماما فهي اسم صنم كان يعبده الكفار في الجاهلية
ولن يكتبها سوى جاهل بها ، فلا تلقي به إلى النار إن شاء الله.

موضوعك أخوي رائع جدا

ولكن عندي اضافة بسيطة وحلوة ومهمة وفيها البركة ان شاءالله

اول مايدخلون المعاريس الفندق

يستحب أن يصليا ركعتين، لان ذلك منقول عن السلف رضوان الله عليهم.
ثم يضع يده على ناصيتها، ويدعو بالخير والبركة كما جاء في الحديث عن رسول الله صلى الله عليه وسلم: (إذا تزوج أحدكم امراة فليأخذ بناصيتها وليسم الله عز وجل وليدع بالبركة وليقل: اللهم إني أسألك من خيرها وخير ما جبلت عليه، وأعوذ بك من شرها وشر ما جبلت عليه ).

اممممم ومن وجهة نظري ان كل شي مايصير بأول يوم

العروس بحالة خوف من انتقالها للحياة الجديدة ومن الرجل الذي امامها

يصبر شوي مهي طايرة عنده طول العمر

__________________
اللهم لك الحمد والشكر
"ولئن شكرتم لأزيدنكم"

اخي الكريم 0000

اشكرك على الموضوع لكن لفت نظري

حلق لحية - صنفرة - بخار - مكياج - خلك مستحي >>> هذي تناسب الحريم اكثر

يعطيك العافيه وان شاءالله يستفيدون الشباب اكثر واكثر ويكون عندهم اسلوب حلو

موضوع حلووووووووووووووووووو

و ردود أحلللللللللللللللللللللللللللللللللللللللللللللى

كلام جميل والله ........... الله يعطيك العافية
الاخوان اللى مستغربين موضوع الحلاقة والصنفرة واللاشياء الاخرة هذا كله موجود واغلب الشباب يسوها

كلام كله جميل لكن عندي استفسار بسيط اليوم عندك كم ساعة ؟؟؟؟؟؟؟؟؟؟؟؟؟؟؟



24



48




72



168