اعزائي...
بغيت اذكر لكم هاي المشكلة الي صارت حق صديقتي المسكينة تراسلني في الايميل....
صديقتي متزوجة زواج تقليدي ابواحد يدرس في امريكا سافرت و ياه واستقرت....المشكلة الحين انه ظهر ولد عمها الي كان معجب فيها بس ما صار نصيب لانه سكير و نصاب....يعني مال بنات وراعي مشاكل

المهم كيف ظهر في حياتها الزوجية..
مرة قالها زوجها اتسوي عشا لان في واحد من ربعه بجي يتعشى معاه...المسكينة سوت و جهزت السفرة لكن طلع المعزوم ولد عمها الي سافر امريكا علشان يلحقها و يخرب حياتها و طبعا علشان ينشر شره هناك....زوجها يتحرى انها لما بتشوفة ابتفرح علشان هو ولد عمها....

اتعشى وقام ينكت نكت سخيفة و يطالعها نظرات موب طبيعية ...ولما كان زوجها يدخل الحمام او يغيب اشوي ..يتعمد ولد عمها ان ايكون بجنبها ويتغزل فيها و يعطيها كلام يسخن الجسم كامل...

بس هي اتحاول تتجنبه و تسير على طول ورا زوجها داخل المهم تبتعد منه..ولين الحين كله عندهم ..كل اشوي يزورهم و يتعمد يلمسها في اماكن حساسة...هي اتحاول بكل قوتها انها تتجنبه و توقفه عند حده...بس ما شي فايدة...اتخاف اتقول حق زوجها اي شي علشان ما تكبر المشكلة....وتخسره لانها اتحبه و تبا تطرد هذا الشخص من حياتهم....

ساعدوها....................................

ما تبي تخسر مين؟؟؟؟؟؟؟ زوجها ولا ولد عمها؟؟؟؟
أيش اللي ما تبي تكبر المشكله؟ هي كبيره لحالها ماهي محتاجه تكبير
المفروض إنها تصارح زوجها و تقول له إن ولد عمه يتحرش فيها و تخليه يطلب منه انه يطلع من البيت (هذا إذا ما ذبحه و ترا إذا ذبحه عادي يستاهل الذبح )
أما عاد إذا سكتت و عرف زوجها بالسالفه يمكن يفهم غلط و عاد هذيك اللحظه لا تلوم إلا نفسها

__________________

لازم اتخبر زوجها في أسرع وقت قبل لا يسوي فيها شئ لا سمح الله وخل اتخبر عمها عن بلاوي ولده .

مشكورة حبيبتي على الرد.
.هي ما تبا تخسر زوجها...طبعا انا قلتها ان لازم تقول حق زوجها...بس ماب طايعه تخاف اتطيح السالفة فوقها و يطلقها ...

هي تبا طريقة اتخلي ولد عمها يتركها لحالها و بس...

تعطيه اللي يبيه و هو يوم يومين بيزهق منها و بيتركها لحالها أو حل ثاني تذبحه و تقطعه و تحطه في أكياس و تقول لزوجها انه اضطر يسافر

بالله هي مهي حاسه بالموضوع؟؟ أنا بس قرأت حسيت دمي فار و عصبت شلون أجل هي

لازم تخبر زوجها لازم لازم لازم إلا عاد إذا كان فيه شي هي خايفه انه ينفضح لما يكبر الموضوع فهذه عاد حكاية ثانية

__________________

اقول عطونا قصص تخش المخ

والظاهر انك انت وصديقتك تطلعون على قصص خياليه كثير

ولا تخربون المنتدى بالخرفات هذي

يلمسها بمناطق حساسه ؟؟
و في بـيت زوجها ؟؟

شلون يقدر يلمسها بمناطق حساسه اذا كان هي نفسها مااعطته مجال؟؟
وكيف تسمح له يقعد جنبها ويقولها كلام يسخن الجسم وهي تجلس وتستمع بعد؟؟

نفترض ان هالموضوع حقيقي !!!!!

زوجها ماله احساس ينتبه؟؟
والا كل هذا طيب وحسن نيه؟؟

ونفترض بعد انها قالت لزوجها ....
وش بيسوي لاسمح الله؟؟

يطلقها او او تكبر المشكلة على اي اساس؟؟

هي وضحت له المشكلة وقالت له ان هالآدمي مزعجني ..
لانه كان يبيني واكتشفت انه قذر ورفضته ...
والآن جاي يئذيني .. ويبي يسبب بيني وبينك مشاكل ..

والله لو كان اخوي هذا مو ولد عم حرمتي ..
لو كان اخوي كان مسحت فيه البلاط ..


واعتذر على اسلوبي ..
بس وين الغيرة وين اصول الإسلام؟؟

حسبي الله ونعم الوكيل

__________________
سبحان الله وبحمده سبحان الله العظيم

والله قصه غريبه
وعدم معالجتها إلى الآن أغرب
؟؟؟؟؟؟؟؟

قبل الرد على المشكله أقول للأخ أبو رغد لماذا التهجم على السائله هل أنت لاتعيش في العالم الوقع المشاكل أصبحت أشكال وألوان وهذا لأننا في آخر الزمان
وأنا في صف الأخت ملقوفع لأنه فار دمي من الكلام وإذا هي ماقالت لزوجها اليوم سوف ينفضح سرها في يوم من الأيام وهي خايفه تتطلق ليه في شئ بينهم وإذا مافي ماتخاف تروح لزوجها وبقلب قوي دام إنها واثقه من نفسها وتحكي القصه كامله بس قبل كدا تقول لزوجها أوعدني إنك ما تتصرف تصرف أهوج تروح فيه وأنا ما أقدر أعيش بدونك وأنا لو ماأحبك ماكنت قلت لك الكلام هذا وإحنا بيننا رباط مقدس لازم نبنيه على الصراحه وأنا أخاف الله المهم من هذه الشغلات ولازم تقوله لازم لازم لازم صدقيني السكوت على الشر يسبب شر أكبر منه تطيح هي فيه وكمان كيف تقدر تخليه يلمس أماكن حساسه والله لو مكانها لاقدر الله لصقعته كف على عيونه علشان ماعاد يشوف بها مرة ثانيه واليوم خلته يلمس أماكن حساسه وهي ساكته بكره يستدرجها ويأخذ إللي يبغاه منها ترى الشيطان ما مات تخاف من زوجها لايطلقها وما تخاف من الله عندما يسألها كيف سمحتي لواحد غريب يجلس جنبك ويلمسك سبحان الله لازم تخاف على نفسها زعلى فكره مافي طريقه تبعد ولد عمها إلا إنه يحس خرب بيتها ذيك الساعه يكون مبسوط

راي والله اعلم انها تحذره انها سوف تقول لزوجها ولا يجوز لها ان تجعله يلمسها (تضربه باي شي) واذا كرر العملية تقول لزوجها ولا تهتم لما يحدث .... لأنه سمعنا بمثل هذه الكوارث وادت الى مصائب اكبر واعظم والسبب(لا يريدون يسون مشاكل)