السلام عليكم و رحمه الله و بركاته

كيف حالكم .. عسى تكونو بخير كلكم و فى أطيب حال .

والله ما عارفة انا بكتب لكم لان عندى مشكله و بريد حل ليها ولة علشان حسة بضعف و شك جوايه من أقرب أنسان ليه ولة بكتب لكم علشان تشوفو تجربتى .. والله ما أنا عارفة .

بس انا حسة انى بكتب لكم لانى عارفة و متاكده ان كلامكم و ردودكم بعد ما بتنزل عليها عينى و اقراها و الله سبحان الله كانها بتنزل على قلبى و لو مولع فيه النار بتهدأ و برجع و بفكر بهدوء و براجع نفسى .. الله يخليكم ليه جميعا يارب .

أنا صاحبة الموضوع اللى كان بأسم ((أعترف لى بادمانه فساعدونى كى اساعده ))

http://www.66n.com/forums/showthread.php?t=89745

و حكيت ليكم ان ما مر على زواجى سوى 11 شهر و الحمد لله ربى رزقنى بطفل ايه فى الجمال و الروح و تزوجت بعد قصة حب 6 سنوات و لكن فى الاونة الاخيرة حسيت بزوجى يبتعد كتير عن البيت و ما عاد مثل الاول .. و طبعا بعد كتير من العتاب و المشاكل بينى و بينه فى يوم اعترفلى انه أدمن الهيروين منذ شهر ... شهر فقط لا غير ... فامتلكت اعصابى و ابتسمت له و اخدته بين احضانى و جعلته يشعر ان ما فى مشكله طول ما احنا سوا و بخير .. و جريت عليكم و قلت لكم على ما حصل و نصحتونى انى اصبر و اكون بجانبة و انه لازم يروح يتعالج فى مستشفى لانه ما راح ينفع علاج البيت و انه يستحمل و كان رد زوجى انه رفض و قرر انه يستحمل الاعراض الانسحابية فى البيت لانه ما يريد ان حد يعرف شىء من الاهل او يحس بشىء .


البداية

راح زوجى يتعذب امام عينى كل يوم من الاعراض اللى كان بيحس بيها و انا وربى كنت جانبة مثل ظله و ما يرى منى غير الكلمه الطيبة و الحضن الحنون و الابتسامة مع انه كان اوقات بينفر منى من شده الالامه .

لكن ما قدر يستحمل و أقنعته فذهبنا لدكتور و قال انه لازم ياخد محاليل تنظف الدم لمدة 6 أيام و اعطانى علاج عبارة عن مهدئات و منوم ياخدهم 3 مرات فى اليوم و فى المرة الواحدة 8 أقراص و فعلا كنت اواظب على العلاج فى مواعيده معاه وعلى المحاليل عند الدكتور حتى اخر يوم اللى راح نسوى فيه تحليل لنسبة الهيروين و كانت النتيجة مرضية الى حدا ما و وصلت نسبة الهيروين عنده الى نسب بسيطة قوى و الحمد لله لكن كان فى شىء بينه و بين الدكتور كنت حسة انى ما اعرفة بس حمدت الله على شفائة .

لكن فى خلال فترة العلاج لما كانت أم زوجى تزورنا أو نقابلها عند أمى كانت تنظر لأبنها نظرات غريبة كأنها بتدور على شىء فيه انا مش فهماه او مش عرفاه و لاحظت هذه النظرات ثم بدأت بالاتصال فى بيتنا فى جميع الاوقات تسأل على أبنها فين و لو خرج بتسأل مع مين و وصلت انها تروح تسال على حسابه فى البنك وصل كام و بيسحب فلوس قد ايه من معارف ليها بداخل البنك و و و و و و و و و و أسئلة كتيرة قوىىىى

حتى وصل الشك فى قلبى لليقين ان فعلا فى شىء انا ما اعرفه و زوجى كمان حس بنظرة التساؤل اللى بعيونى اللى ما قدرت اخفيها اكتر من كده و ..
...
...
...
...
...
...
...


و أعترفلى للمرة التانية
.
.
.
.
.
.
.

أنه مدمن للهيروين منذ 4 سنوات و ليس شهر و سبق انه اتحجز فى مستشفى و اتعالج و لكن عاد له تانى .

فصدمت و قلتله ليه ما قلتلى قبل زواجنا بالموضوع قالى سألت أمى اقولك الوضوع ده قبل زواجنا رفضت و قالتلى أوعى تقولها شىء حترفض زواجك و خوفتنى انى اصارحك ....



ياااااااااااااااااااااااااااااااااااااااااه حسة بجرح فى قلبى كبير قوى . حسة انى اتخدعت فى انسان حبيته سنين كتير . حسة بظلم مع العلم ان و ربى لو كان قالى ما كنت حبعد عنه زى ما امه قالت بالعكس كنت على الاقل حاخد بالى منه و احاول احافظ عليه من التهلكه اللى بيصيب نفسه بيها .
حاولت اخفى جراحى من على ملامح وجهى و قلتله انى نسيت اللى قاله و نفتح صفحه جديده لحياتنا و نحافظ على بعض و على ابننا و بالايام اللى جايه فى حياتنا ننسى اللى فات و وعدنى مايسوى الموضوع ده تانى و انه حبى فى قلبه زاد لانى أتقبلت الموضوع بالشكل ده و انى بقيت نور عيونه و حياته و فعلا بدأيغير أسلوب حياته .

بس أنا كل يوم تقريبا لما أدخل انام ما تشوف عينى النوم و افضل طول الليل أنظر ليه و ممكن اقعد على هذا الحال ساعات لحد ما النهار يبان .. و ما عارفة ليه

هل بسالة ليه خدعتنى ؟
هل مش قادرة فعلا من جوايه انى اسامحه ؟
هل الشك قاتلنى من جوايه فيه ؟
هل خايفة يرجع تانى للادمانه ؟

مش عارفة ... بس تعرفو أنا حسة بأيه .. حسة انى مخدوعة و انى مش قادرة اسامحه و الشك جوايه قاتلنى و خايفة يرجع تانى للادمانه .. كل ده حسة بيه بس لما بقابلو و بكون قدام عينية و معاه بقابله بأبتسامة ... قلولى أقدر ازاى احافظ على الابتسامة و ما تروح فى يوم من وجهى و انا جوايه كل ده ...

أعمل ايه !!!!