السلام عليكم ورحمة الله تعالى وبركاته
يا جماعة الخير اليوم انا اكتشفت شي في خطيبي كنت شاكه فيه بس اليوم تيقنت
والله اني زعلت وحز بخاطري


يا جماعة اكتشفت انه يكذب علي يعني انا طلبت منه يودر التدخين وقالي بودر
وانا قلتله ان بالتدريج خطوة خطوة وان شاءالله بتقدر

فكل يوم كنت اقوله اليوم لا تدخن الا مره وحده
مرات اقوله اصبر من الصبح لليل وشوف عمرك تتحمل
المهم مع الايام قالي انه خلاص ودر التدخين وانه مرتاح
اكتشفت انه لا مودر ولاترك التدخين

مرات بعد يجذب علي انه مثلا مريض وما يقدر اييني وبالاساس هو ما فيه شي ولله الحمد
يعني يظهر حجه عسب ما يشوفني وبنفس الوقت يجذب



والله اني ما ابي ريلي يكون جذه مع انه يحلفلي انه يحبني ويموت فيني
بس ما ادري ليش يتصرف بهالطريقه

الي ابيه منكم يا جماعة الخير ترشدوني كيف اقدر اخلي ريلي يكون صادق معاي في كل شي
وما ابيه يجذب علي وبعد ابي افهمه ان الصراحه اساس الحياه الزوجيه

انا هدفي من الزواج تكوين اسره مبنيه على السعاده والرضا
وابي بعون الله اوصل زوجي لمستوى الالتزام ان شاءالله


عطوني نصايحكم وارشاداتكم والله يعطيكم العافيه