زوج هدفه بالحياه وأحلى منظر بحياته انه يشوف زوجته متنرفزة وبأستفزاز منه


زوج يحب ان زوجته 24 ساعه عند اهلها وان غابت عنه شهر بسبب ظروف صحيه وجلست عند اهلها


ويوم تشافت قالت برجع البيت يقولها لا ... لاترجعين البيت اللحين ...



زوج ما عمره مدح زوجته لا بشكلها ولا بجمالها ولا بلبسها ولا مكياجها وما عمره قالها كلمه حلوة واذا قالت له انت


ليش كذا يقول هذا اللي تقولينه كله كلام فاضي وخزعبلات وخرابيط مراهقين



زوج دايم التذمر من الحياه الزوجيه دايم التشكي من الأمراض ( الوسوسه) ما يعجبه اي شي...


زوج دايم يستحقر زوجته وأشد أنواع الحقران وبالذات بملامحها وشكلها ليش بحجه انه ما يبيها تنغر عليه وتركب فوق راسه!!!



زوج دايم المزح لكن مو مزح حلو ويضحك مزح سخيف وتافه وحتى النكت اللي يجيبها قديمه وما عادت تضحك...



زوج دايم يتهرب من المسؤليات وكل شيء يخاف منه ويتوتر على أتفهه الاسباب وانسان جبان الى أقصى حد...


زوج ما عمره تكلم بموضوع جدي اذا جيت أناقشه بموضوع جد ومهم يستهتر واذا قلت تكلم جد يقول بكل سخافه


( جد و الا عم )!!!



زوج يستحقر أي نصيحه من زوجته ولا يحب يسمع لها رأي ولو سفهها واستشار غيرها من الرجال يكون رايهم نفس رأي زوجته بس مع ذلك يقول انتي طفله ما أسمع كلام أطفال



زوج اتكالي الى درجه فظيعه جدا جدا جدا



زوج اناني ولدرجه غير طبيعيه من الانانيه


زوج يسب زوجته بألفاظ جدا بشعه يتلفظ عليها بأسماء حيوانات وكلام جدا قذر ومع ذلك ساكته وساده فمي


زوج ما يعجبه العجب ولا الصيام في رجب اذا ضحكتي قال قليله أدب


واذا بكيتي قال ماعمرك تكبرين


واذا ابتسمتي قال اجنيتي


واذا سكتي وقررتي الصمت قال انتي ممله وتجيبين الطفش والاكتئاب



زوج حارمني من صديقاتي لا أطلع معهم ولا أكلمهم ولا حتى أرسل لهم رساله جوال فرض حصار علي بكل النواحي



زوج جلس سنه كامله يهزء في زوجته ومقعدها بالبيت وان طلعها يمشيها ويوسع صدرها يطلعها بالشارع ياخذ لفه ويشتري كيس خبز ويرجعها للبيت


زوج جاب لزوجته حاله نفسيه صارت وانتو بكرامه تستفرغ بشكل فظيع ولما ودوها المستشفى وعملوا لها الفحوصات

والاشعات والتحاليل طلعت سليمه بس فيها حاله نفسيه ونوع من انواع الاكتئاب وصرفوا لها دواء اكتئاب

والطبيب قال هذي فيها ضغوطات نفسيه شديده لازم تطلعونها تمشونها تسافرون بها حتى تتحسن نفسيتها


ومع كل هذا يقول انتي تتدلعين وكلام الدكتور خرابيط انتي أقواء من أبليس!!!!



زوج كل كلمه والثانيه قال بطلقك بطلقك بطلقك من وانا عروس مالي غير اسبوع معه على اتفهه الاسباب يقول هالكلمه


مرة انكسر صحن طاح من يدي بالغلط عصب علي وقام يصارخ وقال بطلقك تخيلوا عشان صحن بيطلق








قولوا لي كلكم وبكل صراحه هي تصرفات زوج يحب زوجته والا يكرهها حتى أعرف كيف أتعامل مع هالانسان الغريب

كلكم فهموني هذا يحبني والا يكرهني

__________________

هدا ملخبط مع حاله زلايعرف كره ولا حب

لاتعليق

__________________

عزيزتي..
الله يكون في عونك..
نصيحتي ألحين ألحين تروحين تطبعين كلامك كله..
وتحطينه على سريره..
ولما يدخل الغرفة عشان ينام..
تدخلين الحمام وتطولين فيه أستحمي براااحتك.. وخليه يقرا الكلام كله ويشوف اللي بخاطرك..
والله يهديه...

اتحمليه شويه يمكن من معامله الحسنه يتكسف وينصلح حاله وربنا يهديهولك

كان الله في عونك لا أعرف ماذا أقول لكي

حبيبتي ترئ الحرمه فترت الحمل تصير عندها حاله نفسيه و بسبب الوحام تصير عندها كراهيه ,,بلنسبه لزوجك انا اشوف يمكن البعض يعارضني بس والله يا اختي رومئ خليني ادلعج ان تصرفات زوجج مثل تصرفات زوجي و انا حتئ صار فيني انهيار عصبي و فوق كل هذا مدمرني اكثر ,بس ما كنت ابين له اني متضايقه اخذ كلامه علئ انه مزح ,بعض مرات تطلع روحي من عنده ودي اذبحه بس اقول الصبر الله كريم ,,اخذ الكلام علئ انه مزح علشان لا يشوفني متضايقه و ما ابيه يستهزء ,اختي الصبر والله الصبر هو احسن شي و الله كريم ,,اهم شي ديرن بالج علئ حالج و علئ الجنين ,ترئ والله القهر ياذيج و حرام هذا الجنين ,اختي طنشي والله طنشي ,ترئ فيه ريايل ما يمشي معاهم غير التطنيش و اتمنئ لج التوفيق و الصبر و يهدي الله زوجج

مشكلتي ما اعرف أطنــــــــــــــــش


لا تقولين لي تغيرات حمل ولا تقولون لي وحام



هذا الكلام حاسه فيه من تزوجته وانا اكتم واقول يمكن يتغير




اختي بحرينيه ولكن لو أسوي الطريقه اللي قلتي لي عليها


يمكن يرتكب فيني جريمه لأني كلما قلت له وش اللي يضيق خاطري منه وكل ماقلت له غير اسلوبك معي الانسان له طاقه للتحمل يقولي انتي دلوووووووعه




انا تعبانه نفسيتي مو عشان الوحام او الحمل انا تعبانه نفسيتي من سنه و6 شهور غثاء وتعب وعذاب


والحل التطنيش ومشكلتي ما عرف أطنش أبدا


يا رب صبر قلبي على تعب هالزوج اللي أخرته بيخليني مثل المجنونه

__________________

__________________

لاتقولون لي ناقشيه بهدوووء


تعبت منه ناقشته بهدوء صارحته بهدوء

مانفع


عصبت عليه وصارخت وبكيت وقطعت شعري ما فيه نتيجه تذكر


انا زهقت انا طفشت


واليوم مسوي نفسه زعلان من صحيت الصبح ما يكلمني وماد الشفايف شبرين ويخبط بالبيبان

ويرمي الاغراض بالارض


مع اني ما قلت له شي غير اني امس صارحته بالاشياء اللي تضايقني منه


هذي حالتي من سنه و6 شهور زواج

__________________