السلا عليكم ورحمة الله وبركاته.....اخواني الاعزاء واخواتي...ارجوكم ان تسمعوا قصتي واقسم بذات الله انها وقصتي وحدثت معي انا وليست مع احد اخر...وارجوكم ان تساعدوني ولو بافكاركم ونصائحكم النيره..
انا من دوله خليجيه انهيت دراستي الثانويه وذهبت عن طريق الابتعاث الى دوله خليجيه شقيقه لاكمل دراستي في الهندسه وقبل تخرجي بسنه ونصف تقريبا طلب منا ان نعمل تدريب باحدى الشركات لاكمال ساعات الدراسه(تدريب يعني) وقد تلقيت مكالمه هاتفيه من فتاة تطلب خدمه من هذه الشركه لكن هذه الخدمه لم تكن متاحه...لكن لهجتها كانت من نفس لهجت بلدي واحسست باحساس غريب...اردت مساعدتها باي طريقه لكن قوانين الشركه لاتسمح..طبعا كان رقمها ظاهر لدي فقلت لها ساحاول ان اساعدك واكلمك على موبايلك فقبلت لكن على استحياء..وقد توقعت اني ساكلمها من الشركه نفسها...كانت خجوله جدا..بالكاد تتكلم....انا يااخواني والله العظيم شاب ملتزم ولله الحمد بصلاتي وامور ديني واكيد اني مقصر كما غيري كثير...وعلاقاتي ايام الجامعه كانت تقتصر على مكالمات هاتفيه مع بعض البنات اللي في الجامعه...المهم كانت لدي شقتي وسيارتي الخاصه..برنامجي اليومي حافل بالدراسه وممارسة الرياضه انا انسان امتاز ولله الحمد بخفة الظل والدم كما يقولون..(طبعا قد يستغرب بعضكم لهالشرح اللي ماله داعي لكن راح تعرفون لاحقا انه ضروري جدا) حاولت اني اكلمها في الليل وماردت حاولت اليوم الثاني وانا متردد وماردت بعد المهم قلت خلص هذي اخر محاوله اذا ماردت ماراح اتصل واذا بها ترد ..نعم ......قلت:عفوا ماعرفتيني(شوفوا الغباء) على اساس غزل..قالت لا ماعرفتك...واصرت انه من وين حصلت رقمي....وانا احاول الف وادور..ثم بدات تبكي والله قلبي تقطع...قالت يعني مستحيل صارلي سنتين هنا بعمره تيلفوني ماجاه رقم غريب غير اهلي مين انت قول اتكلم وهي تبكي....قلت خلص يابنت الحلال اقولك بس ماتزعلين...وهي تبكي ردت لا لا بس قوووول....قلتلها اقولك بس اسمعيني للاخير .....قالت طيب قوول....قلت لها موضوع الشركه طبعا انصدمت انه كيف تسمح لنفسك تاخذ رقمي وتكلميني وهذي الشركه المحترمه كيف تسمح لنفسها بس هديت شوي..قلتلها انتي وعدتيني انك ماراح تزعلين...بعدين والله ماشدني الا لهجتك وعرفتك بنت ديرتي والا انا كل يووم اتلقى 100 مكالمه بهالشركه بس واله ماعمري سويتها...وبعدين انا محتاج انسانه تكون لي اخت خصوصا انه مالي خوات وفعلا حنا بس شباب ماعندي خوات...المهم وقلتها انب ابي اساعدك وفعلا واله العظيم الشيمه والنخوه هم الي اجبروني اني اتصل عليها...المهم قلت لها بالنسبه للخدمه الي تبينها بعد ماخلصت دوام من الشركه رحت ودرت بسيارتي لين دخت وحصلتلك ياها وموجوده في المكان الفلاني...قالت مشكوووووور...وقلت لها والله ماخلي دموعك هذي تطلع مره ثانيه..وربي ماراح اتصل مره ثانيه والله يوفقك...انتهت السالفه....طبعا بعدها بدقايق ارسلتلي مسج وشكرتني..مر الشهر الاول ومافيه شي والثاني والثالث..طبعا انا عرفت منها انها في نفس جامعتي من خلال مكالمتنا...طبعا انا مسحت رقمها...وفي يوم يرن تيليفوني الساعه 2 الصبح..وجالس لحالي بشقتي رقم مو غريب بس ماتوقعت انها هي...المهم كم مره اقول الو وماترد ثالث مره ردت ويالله اسمع صوتها ...المهم اذتكرتها وكلمتها.......
اتطورت وقالتلي والله ماعمري كلمت رجال غريب بس والله كلامك الي قبل 3 شهور مايروح من بالي ودايما اتذكرك..استمرت المكالمات طبعا هي عمرها 18 سنه كانت يادوب مخلصه ثانويه..وجالسه بسكن لطالبات وهذا السكن يعتبر سجن صغير يعني من الجامعه للسكن والعكس ويوم الخميس يطلعونهن 4 ساعات مع المشرفات الى اي مركز تجاري للتبضع...وتعرفون نظام سكن البنات..مالكم في طويلة السالفه بعد 5 شهور وماشفنا بعض صار حب بيننا..اصحيها على صلاة الصبح تصحيني على محاضراتي...اخاف عليها خوف مو طبيعي فعلا كانها اختي الصغيره..احسها دايما بحاجه لرعايه..بعد 5 شهور انا ماطلبت اني اشوفها هي طلبت مني لاني خلص تقريبا انا اتخرجت ويمكن ماراح تشوفني ابدا ..فطلبت مني وعلى استحياء انه ممكن اشوفك بس من بعدين لانه عندي فضووول اشوف هالانسان اللي اللي اللي ومن هالكلام..فوافقت..(للعلم هي واهلها ساكنين بلد خليجي ثالث غير بلدها الاصلي وغير بلد الدراسه) وكانت انهت اختباراتها وبتسافر لاهلها فمافيه مكان اني اشوفها الا المطار وفعلا رحت للمطار وشفتها ...وياليتني ماشفتها...اقسم بذات الله تقريبا زرت كل دول الخليج وكل دول الشام والمغرب العربي ماعيني رات مثل جمالها..وعلى اني انتي الى بلد خليجي ربما اجمل بنات العالم فيه لكن كانت هي اجملهن كانت انيقه لم تكن منقبه..بقيت لمدة 3 دقائق لم احرك ساكن وعيوني طايرات عليها..قلت ماشالله فعلا لاعين رات ولا اذن سمعت..المهم شافتني بعد...وقالتلي والله مثل الصوره الي حاطتها في بالي....وقالتلي كلام حلو...بس اكيد انا اكثر مدحتها لانها فعلا تستاهل.....(ادري اني طولت عليكم تحملوني ماعليه)وعقبها سافرت للديره ورجعنا كان عندي نصف سمستر واتخرج انا اما هي مطوله يعني...ورجعت تيلفوناتنا عمرنا ماتكلمنا بالجنس..الى انا اتت هاللحظه وليتها لم تاتي...وبعدها ذهبت للتسوق مع الطالبات السكن وذهبت بسيارتي واخذتها من الباب الثاني وكان معاها اربع ساعات واول مامشينا كانت ترتعد وترجف وطلبت مني اني ارجعها وكان لها ذالك...بعدها باسبوعين قالت ابي اشوفك وفعلا طلعت مع طالبات السكن وطلعتها معاي بالسياره وذهبنا لشقتي وجلسنا هناك وقبلنا بعض وضميتها لصدري لانها اغلى انسانه على قلبي وربما فعلنا امور اكثر من ذالك قليلا (القبلات) وبعدها بساعتين ارجعتها لمكانها وركبت الباص مع صديقاتها ورجعت كانت هي فرحه جدا....اما انا فكان يوم اسود في حياتي اقسم بذات الله كنت ابكي طوال الليل واقفلت جوالي..وبقيت كذالك حتى صلاة الفجر...ثم ذهبت للصلاة وكنت ابكي وانا في الصاة حتى الشيخ جزاه الله خير قالي مالك ياولدي انت مش طبيعي اليوم...وهل كان بكائك خشوع اثناء الصلاة او قريب فقده...المهم عديتها مع الشيخ ورجعت للبيت...واستمريت في البكاء(لم ابكي مثل هذا البكاء منذ كنت صغيرا منذ اكثر من 15 عاما) طبعا بكائي اولا لانني اعتبر زاني..ثانيا لانني خربت اخلاق بنت طاهره وعفيفه لم تعرف هذه الامور...ثم اذا فعلا احبها ليش عملت كذا..ليش خربت برائتها وطفولتها لييييييييش؟؟؟؟؟؟ ليش اناني ليش مااحب الا نفسي خصوصا وانه انا عمري 25 سنه وهي كانت 18 سنه يعني صغيره يعني كيف فهموني......طبعا الطامه الكبرى اني لما فتحت جوالي الصبح وانا مانمت اصلا اتصلت هي وذكرتلها اني ابكي واني اسف فجاوبتني بانه ماعليه حبيبي اللي يحبون يسون اكثر من هالشي ...تخيلوا جوابها طفله بريئه هذا اللي الله قدرها عليه..طبعا حاولت ابين لها انه حرام ومايصير كذا وجلست اشرحلها.....فاجاتني بجوابها رغم انها انسانه فاهمه ومثقفه وفعلا عمرها يدل على انها مش اقل من 24 سنه يعني عقلها كبير بس فعلا صدمت بجوابها...المهم طلبت مني الزواج..(معلومات عن عائلة الفتاة ابوها خريج امريكا وامها جامعيه ولديها اخت تكبرها تدرس في نفس البلد لكن في مدينه ثانيه وجامعه ثانيه) انا ياجماعه بدوي واهلي محافظين جدا والبنت ماتتنقب واخلاقها عاليه جدا رغم الغلط اللي ارتكبناه انا وهي بس والله مالها ذنب هي صغيره هذا ذنبي انا وانا اللي اتحمل مسؤليته الى يوم القيامه....صارحتني مره بانه ابوها يشرب البيره صعقت صدمت وذكرتلي بان امها متدينه وههي واختها واخوانها الشباب اللي اصغر منها مع امهم دايما يهاوشونه علشان يترك لكن قلتلكم خريج امريكا كان يرفض دايما...وهذي بعد صدمه لي خصوصا واني علمت انهم يعيشون في دوله ثانيه علشان باباها ياخذ حريته مع انه هي تقول لا بس علشان المدارس الانكليزيه...المفاجاه الثالثه انه اختها اتزوجت واحد ملياردير بس مش من اصول عربيه يعني عيمي..مع انه اختها كانت واعيه وجدا مثقفه وهي طلبت مني اني اخطب اختها ورفضت العلاقات العابره....طبعا انا اتخرجت ورجعت لديرتي والحمدلله انا على راس عملي مرتاح جدا ماديا ومعنويا...قبل لا ارجع للديره اختلقت مشكله معاها علشان تكرهني وتقريبا نجحت وقطعت رقم جوالي ....بس للاسف ياجماعه انا في الشهر الثالث الان ومازلت افكر فيها دايما على بالي في العمل في البيت مع اصدقائي حتى ان الجميع يلاحظ شرودي الزائد..احبها ياناس اموووووت فيها واله حبيتها قبل لاااشوفها يعني حبيت روحها ولما شفتها شفت القمر ...المهم قبل اسبوع افتح شريحة الجوال القديمه واشوف رسايلها اللي اتقطع القلب.تقول بس ابي اسمع صوتك ماابي شي....وكلام مااقدر اقوله يعني شي يقطع القلب
حرام اميره مثلها تتعذب علشاني واه حرااااااااااام.........
اخواني كتبتلكم في بداية قصتي بعض صفاتي واكيد انكم عرفتوا عني اكثر من خلال ماكتبت....واكيد انكم عرفتم شخصية هذه الفتاة(الرجاء من الاخوان ترك مقولة اذا طلعت معاك طلعت مع غيرك لانه هذي ظروفها غير واذا قراتوا القصه بتمعن تعرفون الجو والسكن والسجن اللي عايشه فيه فبالله بدون مزايدات الله يخليكم انا اعرف تماما انها اشرف من الشرف وبني ادم خطاء وحبت انها تعبر عن حبها وهي صغيره فهذا خطائي وانا اتحمل الذنب)
سؤالي...هل تصلح لي كزوجه هذه الانسانه....وهل اذا تزوجتها اكون كفرت عن ذنبي اللي اقترفته قبل الزواج
وهل وضع ابيها واختها مناسب لي ولاهلي المحافظين؟؟هل استطيع ان اغير من حياتها في دينها مثلا...؟؟بالنسبه للبس الفتاة هي لاتتنقب ولكن تخرج قليلا من شعرها ولكن لاتلبس البنطال وعبائتها فضفاضه...بالله عليكم ساعدوني
والله لايمنعني عنها اي شي سوى قناعتي الشخصيه اذا اقتنعت منذ الغد ساذهب لخطبتها لكني متردد واستخرت اكثر من مره لكن بدون فائده.............ل
لكم جزيل الشكر

السلام عليكم ورحمة الله وبركاته

قرأت قصتك وقطعت قلبي ، لن اتدخل في موضوع العواطف الآن ، ولكن لتصحيح الخطأ يجب عليك الزواج منها ، لأنه ليس لها ذنب هي لكي تقوم بتركها ، وليس ذنب اهلها ان لا تتزوجها ، وعن مسألة التنقيب يمكنك بعد الزواج اقناعها بكل هذه الأمور ولكن قبل هذا كله عليك تصحيح الخطأ

لمست في أسطرك أنك تخاف الله في أمورك وهذه مسالة خطيرة ما فعلته بها ، وخصوصاً انت البنت تعلقت بك عاطفياً ، حرام تخليها تتعذب أكثر وهي شكلها تبغيك ..

توكل على الله واخطبها وبشرنا

تحياتي

ــــــــــــــــــــ

توقيعك مخالف جدا يرجى سرعة تغييره لكي لا تتعرض عضويتك للايقاف وشكرا / البتول

اخي الكريم، توكل على الله واخطبها،وصدقني مو شرط ان اهلالبنت متدينين علشان هي تطلع متدينه
البنت باين عليها مؤدبه وشاريتك فلا تبيعها
انت اقنع اهلك وادعي ربك بان يجعل هالبنت من نصيبك
وبالنسبه عن شروطك ، تستطيع اخبار فتاتك بما تريد ،لكن اصبر عليها لأني هي متعوده على شي واكيد صدقني لأنها تحبك راح تسمع كلامك
توكل على الله والله يجمعكم على خير

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

السلام عليكم

قرأت القصة ولم اقرأ كل الردود

اخي الحبيب أنا ارى ان تتزوجها اذا الفتاة كما قرأنا عنها وهذا لعدة اسباب :

1- هذه الفتاة لن تنساها بسهولة وستؤثر على ذهنك في جميع الاوقات ولو تزوجت لن تنعم بحياة هادئة مادامت مسيطره على تفكيرك ستؤثر على حياتك الزوجية والعملية وحالتك النفسية .
2- بعد الزواج من غيرها سترى كل ماهو حسن فيها وترى كل ماهو قبيح في الزوجة الجديده .
3- ربما الفتاة تكرر تجربتها مع شخص الآخر لمليء الفراغ العاطفي الذي انت سببه (وليس كل مره تسلم الجره)
وباعتقادها ان كل الشباب سيكونون مثلك وهذا غير صحيح ربما تسقط في يد ذئب مفترش الله يبعدها عن هذا الطريق .

أنا ارى مراجعة نفسك واستعراض جميع العقبات التي ستواجهها من الحالة الاجتماعية والدينية .......الخ واذا سهل التغلب عليها توكل على الله

اوكي ماراح نحاسبك ولاشئ من هذا الكلام

انا اعتقد الحل الصحيح تروح تخطبها من اهلها وتاخذها مكان بعيد عن اهلها بس مو تقطع صلة الرحم لا انا مو قصدي كذه
انا قصدي عشان تقدر تغيرها وتخليها تصير افضل وهيا دامها تحبك راح تسوي المستحيل عشان ترضيك ولاتنسى انها صغيرة ولسه فيها براءة الطفولة وتقدر تعلمها وتعيشوا حياتكم بحب ومودة وبالحلال

الله يوفقكم ويسعدكم

اخطيت

نسأل الله تعالى أن يملأ قلبك بمحبته وخشيته وأن يغفر لك ذنبك .
أما بالنسبة لما ورد في رسالتك فالأمر لا يحتاج إلى تردد فعليك أن تسارع بالتوبة فالموت يأتي بغتة ولا تدري فقد لا يكون في العمر متسع -رزقك الله طول العمر وحسن العمل- فبعد أن تقرأ هذا الرد عليك أن تسارع بصلاة ركعتين بنية التوبة وتسأل الله تعالى أن يجعلها خالصة لوجهه الكريم، وكن على يقين أن الله تعالى لا يرد من وقف ببابه نادما مستغفرا، بل يفتح باب مغفرته ورضوانه لعباده التائبين وصدق الله العظيم "وَإِنِّي لَغَفَّارٌ لِّمَن تَابَ وَآمَنَ وَعَمِلَ صَالِحاً ثُمَّ اهْتَدَى ".

وما عليك إلا أن تستجمع شروط التوبة من الإقلاع عن الذنب والندم على ما فرطت في جنب الله، وأن تعزم عزما صادقا على عدم الرجوع إلى المعصية

ومن وجهة نظري :تزوجها وعيشوا في بلد محايد

واذا ماحصل نصيب ... (اهم شيء لاتخبر زوجة المستقبل بشيء)...

وربي يكتب لك الخير وين ماكان...

أنا مع اختي الفتاة المخملية بكل حرف

__________________


http://www.zzrz.com/mlion.htm

100%

__________________

السلام عليكم

أخي الكريم الحل واضح جدا...
توكل على الله وروح أخطبها إذا إنت تبيها ومتأكد من أخلاقها..

كم من منقبة الله العالم بأخلاقها وكم من محجبة وكم وكم...صحيح أن النقاب أعلى وافضل
ولكن الحكم ليس بالخارج إنما من الداخل
وبما أن اخلاقها عالية فتوكل على الله
وإعرض عليها الموضوع وشروطك بالزواج ..

أما عن والدها وأختها فأنت لن تعيش معهم..
وليس للبنت ذنب بسلوك والدها كلنا خطاؤون
بما أن والدتها ترفض فعل الوالد وهي دينه إذن العائلة طيبة بإذن الله
والكماال لله وحدة
لا تضيعها فتندم..إن كنت تريدها
فالتاة جميلة ومتعلمة ولا ينقصها شي قد تخطب وتضيع من يدك
حيث أنها بمجتمع يسمح بذلك..
توكل على الله
الله يوفقك

__________________

أنا اشووووووووووف انك تتوكل على الله وتخطبها من أهلها وان شاء الله يصير كل شي تمام
وتكفر عن غلطتك اللى سويتها وبعد الخطبه تقدر تقولها اي شي تبغاه لأنها تحبك

__________________
طعنة العدو تدمي القلب وطعنة الحبيب تدمي القلب