السلام عليكم ورحمة الله وبركاته
إخواني وأخواتي أعضاء هذا المنتدى الرائع
أنا عندي مشكلة وما أعرف كيف احلها؟
الحمد لله قبل خمس شهور كتبت العقد وإن شاء الله بعد ثلاث شهور بتزوج
وأنا أموت في حرمتي وأحبها بجنون وهي ما تقصر يوم أسير بيتهم تتكشخ وتتعدل
من أول أيام الملكة لين الحين
كذا مرة تزاعلت مع حرمتي والأغلب هي غلطانه
والأسباب غير معروفه وكل ما أسألها عن السبب تسكت واحيانا تقول ما يخصك
لكن للأسف أنا دايما أبدأ بالإعتذار إلا مرة وحدة فقط وشرطت عليها بعض الأشياء ووافقت لكن ما أوفت بالشروط
وأحس إني ما عندي شخصية بسبب ذلك
أحيانا أسير بيتها وتقول بمزحة إطلع من بيتنا
تظايقت أكثر من مرة بسبب هذا وقلت لها ما أحب تقولين هذا الكلام لكن قامت تكرر
وأمها مسكينه تقول لي كل يوم تعال بيتنا
أسألها تحبيني؟ تقول لا مع إن أفعالها تدل عى إنها تموت فيني
أمزح معاها وايد وهي تمزح معاي
زرتها أمس بعد صلاة العشاء وما قصرت يابت لي العشا
وبعد ما كلت قلتلها إجلسي بجنبي و رفضت ألححت عليها لكن للأسف ما في فايدة
أسألها شو تحبين وشو تكرهين؟ والجواب هو السكوت ولا شيء غيره
ويوم اسألها مثلا شو رايج بالزواج وهل تحسين بالسعادة؟ تقول ياليتني ما تزوجت مع إني أشوفها تضحك وايد معي وتبتسم(مع العلم أنها خجولة جدا حتى مع النساء)
أفكر إني ما أكلمهاا كم من يوم علشان تراجع نفسها لكني حاولت قبل وفشلت بس هالمرة بكون حازم
إذا أي واحد يبي يفيدني عن مشكلتي ما يقصر

يا اخي باين عليها تستحي وايد راعي هذا الشعور فيها انا كنت ما اخلي زوجي يلمس ايدي والله ينجن بأيام الملكه وكنت مااجلس جنبه وكمان كان ينجن مره قلي والله اذا مابتقعدين جمبي الا اقعد بحضنك طبعا انا سار وجهي واول شي مارديت عليه كنت وايد مستحيه والا هو قام يقعد بحضني طبعا انا قمت بسرعه وجلست بجنبه غصب بس كان موقف حلو لحد الان يذكرو زوجي

__________________
سبحانك اني كنت من الظالمين

أولاً ألف مبروك..


ثانياً.. ليه الحصار هذا.. هي تتصرف على طبيعتها ولا تريد أن تتصنع.. وأنت تطلب أن تكون مثالية معك ؟

نصيحتي هي.. تقبلها كما هي.. لا تدع للشيطان مدخل.. وتختلق مشكلة من لا مشكلة !

لاحظت من كلامك البنت عفوية.. فلا تقتل عفويتها فتندم.. افرض احترامك دون أن تستجديه منها.. سوف تحترمك أكثر فأكثر لو أحببتها كما هي.. تتمازح معه و ترفع الكلفة بينكم ثم تطلب منها أن تعاملك برسمية وأكثر احتراماً ؟ قد تكون تمادت قليلا والسبب أنت.. بين لها الفرق بين المزح ورفع الكلفة.. بجملة واحدة دون أن تعيد وتكرر..

وفقك الله لما يحبه ويرضاه..

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]

اولا مبروك اخوي والله يوفقك

ثانيا وحده من صديقاتي حياها زايد مرررره وكانت سبحان الله كذا نفس زوجتك تسولف لي تقول لا قالي زوجي تحبيني اقوله لا من الحياء .........والا انا اموت فيه
سبحان الله

الله يوفقكم ويخليكم لبعض ومع الايام بتتغير صدقني بس انت لا تدقق على كل شي

__________________

يا أخي زوجتك لازم تعلمها انه فيه اشياء انت ماتحبها
وانه فيه تصرفات والفاظ انت تكره تسمعها منها
خليك ياأخي حازم في مثل هذي الامور يعني انت الحين متضايق من تصرفاتها
وساكت ؟طيب ليش ساكت؟

يعني انت تنتظر لين يجي اليوم اللي تقول فيه خلاص انا وصلت حدي منها وماعاد ابيها
لانها ماتراعي مشاعري!!!!!!

انت من الحين حط النقاط على الحروف وقولها ان المزح شي وانك تجرحي مشاعري بقصد المزح شي ثاني
وقولها انك تحبها لكن فيه بعض تصرفاتها تضايقك وتزعجك مثل كذا وكذا وكذا............وعدد الأشياء اللي انت متضايق منها >>>>>>>>طبعا وانت تكمها في هالموضوع خلك جدي وحازم يعني حسسها انها كانت غلطانه لكن راح نبدأ صفحه جديده

وأخيرا النصيحه المعروفه أثقل عليها شوي موب كل يوم عندهم الله يهديك خلها تشتاق لك

[[[[[[ مبروك والله يجمع بينكم على الخير والمحبة الدائمة ]]]]]]]]]

أولاً البنت ما تبي التمادي معك حتى لا تقع في المحظور.....


ثانياً أنت تكثر من الزيارات والمزاح معها وهذا فيه كسر لشخصيتك وأنت السبب....


ثالثاً لابد أن تعرف أن هناك فرق بين المزاح والرسميات وأنت بين لها إن مقابلتي لك مزاح للتسلية وليست رسمية
ولذلك تعاملك هي على هذا الأساس ( المزاح للتسلية ) وينبغى عليك أن لا تكون حساس في هذا الوقت لأنك تحاول التعرف على طبيعتها وهي أيضاً تحاول التعرف على طبيعتك ....

نصيحة أخويه ((( لا ترفعها أكثر من مستواها حتى لا تتغلى عليك .... )))

ينقل لعالم المقبلين على الزواج ليجد التفاعل المطلوب

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

أخي العزيز بما أنك واثق من حبها لك ومتأكد ليش بعد التصرف راح تسويه؟؟!!

بعض الأحيان كل أنسان تمر عليه حالات ومايعلمها إلا رب العباد وأصبر عليها وحاول أنك تواجهها وتقول لها كل اللي بقلبك مرة ومرتين لاتيأس...وكل لها بأن اللي تسوويه راح يزعلك ووو وغيرها من هالقبيل..

وأتمنى لك التوفيق معها عزيزي

زوجتك تبي تظهر امامك بمظهر البنت الشديده اللي حازمه وجاده علشان لا يجي على بالك انها مو مصدقه تتزوج ......هي تبي تظهر بشكل الواثقه من جميع تصرفاتها ولذلك وقعت في الخطأ.........وهي جالسه تخبي مشاعرها الحقيقيه لذلك البست نفسها قناع ابدا مو لايق عليها.....وهذا للاسف حال اغلب المقبلين على الزواج من كلا الجنسين
........يحاولون يخبون مشاعرهم الحقيقيه علشان يظهرون بمظهر اخر.......اغلب الناس الان يعتبرون الصدق في المشاعر ضعف......فيتظاهرون بعكس ما تمليه عليهم طبيعتهم
.......حاول تتكلم معاها وتفهمها ان الزوجه هي النعومه والغنج والدلال والتنازل والتفاهم.........
اطلعها على هذا المنتدى وتظاهر انك لأول مره تسمع به من صديق واطلب منها ان تتصفحه من اجلك ولا يمنع ان تذهب اليها وتتصفحه معها وعلمها عليه......
الله يوفقكم

__________________
[/IMG]

هلا اخوي باين انه خطيبتك خجووووووله جدا لانه تصارفاتها واضحه تصرفات خجل
شوف ياسيدي الخجل دا شي بالماااااااره طبيعي احمد ربك مرتك تسكت لو تسالها تحبيني انا لما خطيبي كان يسألني اقلو انت قليل ادب لا تكلمني تقول كلام بطال خخخخخخخخ وكنت من جدي ازعل لو مسك يدي واتضارب معاه يووووه تسير سالفه
تراها تدلل عليك والبنت باين انها عفويه انا اتكلم من تجربتي انا مره امزح كتير واضحك مع خطيبي لكن في حاجات كتير يردني فيها يفهمني انه مايحبها يقلي لا تقولي كيدا لا تقولي دي الكلمه وصدقني لانها تحبك رح تطاوعك بس كلمها بحزم والله خطيبي لما يردني في شي احس عضامي ترتجف مع اني قويه حبتين والا طل فيها كدا بنص عين تدوخ الادميه صدقني
عموما انصحك خفف مزح مو بس مع زوجتك كمان مع اهلها لو بدأت حازم معاهم ممكن بعد كدا تظهر طبعك المرح مافي مشاكل اما لو بدأتها مزح لا يمكن تسير حازم ولا رح يشوفوك في عيونهم حازم
هادا رأي والله اعلم